ଧୃବୀକରଣ ସୃଷ୍ଟି କରୁଛନ୍ତି କେନ୍ଦ୍ର ସରକାର, ଦେଶରେ ଭୟରେ ରହୁଛନ୍ତି ଅଳ୍ପସଂଖ୍ୟକ ଲୋକେ-ସୋନିଆ ଗାନ୍ଧୀ
ରାଜସ୍ଥାନ: କଂଗ୍ରେସର ଉତ୍ଥାନ ପାଇଁ ରାଜସ୍ଥାନର ଉଦୟପୁରରେ ଚାଲିଛି ମାନସ ମନ୍ଥନ । ୨୦୨୪ ନିର୍ବାଚନରେ ଦଳ କିପରି ଭଲ ପ୍ରଦର୍ଶନ କରିବ ସେ ନେଇ “ଚିନ୍ତନ ଶିବିର’ରେ ଯୋଜନା ଚାଲିଛି । ଏହି ବୈଠକରେ କଂଗ୍ରେସ ସଭାପତି ସୋନିଆ ଗାନ୍ଧୀ ଦେଶର ସାମ୍ପ୍ରତିକ ସ୍ଥିତି ନେଇ କେନ୍ଦ୍ର ସରକାରଙ୍କୁ କଟାକ୍ଷ କରିଛନ୍ତି । ବର୍ତ୍ତମାନ ଦେଶରେ ଅଳ୍ପସଂଖ୍ୟକ ଲୋକେ ଭୟଭୀତ ଅବସ୍ଥାରେ ଅଛନ୍ତି । କେନ୍ଦ୍ର ସରକାର ଦେଶରେ ପୋଲାରାଇଜେସନ୍ ଏବଂ ଭୟର ବାତାବରଣ ସୃଷ୍ଟି କରିଥିବା ସେ ଅଭିଯୋଗ କରିଛନ୍ତି ।
ସୋନିଆ କହିଛନ୍ତି ଯେ ପ୍ରଧାନମନ୍ତ୍ରୀ ଏବଂ ତାଙ୍କର ସାଥୀ ଦେଶରେ ସର୍ବାଧିକ ଶାସନ ଏବଂ ସର୍ବନିମ୍ନ ସରକାର ଶ୍ଲୋଗାନ ଦେଉଥିବା ବେଳେ, ବାସ୍ତବରେ ତାହା ଯନ୍ତ୍ରଣାରେ ପରିବର୍ତ୍ତନ ହୋଇଛି । ଏହାର ଅର୍ଥ ସେ କହିଛନ୍ତି ଯେ ଦେଶକୁ ଏକ ପୋଲାରାଇଜେସନ ସ୍ଥିତିରେ ରଖିବା, ଲୋକଙ୍କୁ ଭୟ ଏବଂ ଅସୁରକ୍ଷିତ ଅବସ୍ଥାରେ ରହିବାକୁ ବାଧ୍ୟ କରିବା ଏବଂ ଆମ ଗଣତନ୍ତ୍ର ସମାନ ନାଗରିକଙ୍କୁ ନିର୍ମମ ଯନ୍ତ୍ରଣା ଦେବା ।
ବର୍ତ୍ତମାନର ସରକାର ଲୋକଙ୍କ ମଧ୍ୟରେ ଘୃଣା ସୃଷ୍ଟି କରି ସୁସ୍ଥ ସମାଜକୁ ବିଶୃଙ୍ଖଳାରେ ପରିବର୍ତ୍ତନ କରୁଛନ୍ତି । ଏହି ବିଭାଜନ ମଧ୍ୟରେ କଂଗ୍ରେସକୁ ଲୋକଙ୍କ ପାଇଁ ଲଢ଼ିବାକୁ ପଡ଼ିବ । ଏଥି ପାଇଁ ନବ ସଂକଳ୍ପ ଚିନ୍ତନ ଶିବିର ଆପଣମାନଙ୍କୁ ଏକ ସୂଯୋଗ ଦେବ ବୋଲି ଦଳୀୟ କର୍ମୀଙ୍କୁ କହିଛନ୍ତି ସୋନିଆ ଗାନ୍ଧୀ । ମେ ୧୩, ୧୪ ଏବଂ ୧୫ ରେ ଉଦୟପୁରରେ କଂଗ୍ରେସ ଚିନ୍ତନ ଶିବୀର ଅନୁଷ୍ଠିତ ହୋଇଯାଇଛି। ୨୦୨୪ ଲୋକସଭା ନିର୍ବାଚନ ପୂର୍ବରୁ ଦଳକୁ ମଜବୁତ କରିବା ଲକ୍ଷ୍ୟ ରହିଛି।
