ରାଜ୍ୟର ଏହି ଜିଲ୍ଲାରେ ତୈଳ ଦର ୧୦୦ ଟପିଲା, ଜାଣନ୍ତୁ କେଉଁଠି

ମାଲକାନଗିରି, ୨୩ା୨ (ଓଡିଶା ଭାସ୍କର): କ୍ରମାଗତ ୧୨ ଦିନ ଧରି ତୈଳ ଦର ବୃଦ୍ଧି ଘଟିବା ପରେ ଦୁଇ ଦିନ ପାଇଁ ଦର ଅପରିବର୍ତ୍ତିତ ରହିଥିଲା ।

ଆଜି ପୁଣି ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଥିବା ଦେଖାଯାଇଛି ।

ମାଲକାନଗିରି ଜିଲ୍ଲାରେ ସ୍ପିଡ୍ ପେଟ୍ରୋଲ ଦର ୧୦୦କୁ ଛୁଇଁଛି । ଜିଲ୍ଲାର କାଲିମେଳାରେ ତୈଳ ଦର ସର୍ବାଧିକ ମୂଲ୍ୟ ୯୭.୧୪ ଟଙ୍କା ରହିଥିବା ଜଣାପଡ଼ିଛି ।

ସୂଚନା ଅନୁଯାୟୀ, ମାଲକାନଗିରି ଜିଲ୍ଲାରେ ପେଟ୍ରୋଲ ଦଳ ୯୬ ଟଙ୍କାରୁ ଅଧିକ ରହିଛି । ମାଓ ଅଧ୍ୟୁଷିତ ଅଞ୍ଚଳରେ ସ୍ପିଡ୍ ପେଟ୍ରୋଲ ୧୦୦ ଟପିଛି ।

ଯୋଡ଼ାରେ ପେଟ୍ରୋଲ ଲିଟର ୯୩ ଟଙ୍କା ଓ ଡିଜେଲ ଲିଟର ୯୦ ଟଙ୍କାରୁ ଅଧିକ ରହିଛି ।

ସେହିପରି ରାଜଧାନୀ ଭୁବନେଶ୍ୱରରେ ପେଟ୍ରୋଲ ୩୫ ପଇସା ଓ ଡିଜେଲ ୪୩ ପଇସା ବୃଦ୍ଧି ପାଇଛି ।

ଭୁବନେଶ୍ୱରରେ ପେଟ୍ରୋଲ ଲିଟର ୯୧.୬୪ ଟଙ୍କା ଓ ଡିଜେଲ ଲିଟର ୮୮.୬୬ ଟଙ୍କା ରହିଛି ।

ଦିଲ୍ଲୀରେ ପେଟ୍ରୋଲ ୩୫ ପଇସା ଓ ଡିଜେଲ ୩୫ ପଇସା ବୃଦ୍ଧି ପାଇଛି ।

ଦିଲ୍ଲୀରେ ୧୫ ଦିନ ମଧ୍ୟରେ ତୈଳ ଦର ୩ ଟଙ୍କା ୯୮ ପଇସା ବଢ଼ିଥିବା ଜଣାପଡ଼ିଛି ।