ଧନତେରାସ ଉପଲକ୍ଷେ ଫୋନପେ ଦେଉଛି ବଡ ଉପହାର: ଏଣିକି ସୁନା-ରୂପା ଗହଣାରେ ପାଇବେ ଏମିତି ଅଫର

ମୁମ୍ବାଇ: ଧନତେରାସ ଅବସରରେ ଭାରତର ପ୍ରମୁଖ ଫିନଟେକ ପ୍ଲାଟଫର୍ମ ଫୋନ-ପେ ପକ୍ଷରୁ ଘୋଷଣା ହୋଇଛି ଆକର୍ଷଣୀୟ ଅଫର । ଗୋଲ୍ଡେନ ଡେ କ୍ୟାମ୍ପେନର ଏକ ଅଂଶ ଭାବେ ସୁନା ଏବଂ ରୂପ। ଉପରେ ଏହି ଅଫର ଦେଇଛି କମ୍ପାନୀ । ଫୋନପେ ଉପଭୋକ୍ତା ଧନତେରାସ ଅଫରରେ ସୁନା-ରୂପା ଗହଣା ଉପରେ ପାଇବେ ବଡ ରିହାତି । ଗ୍ରାହକଙ୍କୁ ସୁନା ଉପରେ ୨୫୦୦ଟଙ୍କା ଏବଂ ରୂପା ଉପରେ ୫୦୦ଟଙ୍କା ପର୍ୟ୍ୟନ୍ତ କ୍ୟାସବ୍ୟାକ ପାଇପାରିବେ ।

ଧନତେରାସ ଭଳି ଶୁଭ ଅବସରରେ ଫୋନ-ପେ ଆପରେ ଗ୍ରାହକମାନେ ୧୦୦୦ କିମ୍ବା ତାଠାରୁ ଅଧିକ ଟଙ୍କାର ସୁନା କିମ୍ବା ରୂପା କିଣିବା ଉପରେ ଆକର୍ଷଣୀୟ ରିହାତି ପାଇପାରିବେ । ଯେଉଁ ଗ୍ରାହକମାନେ ସେପ୍ଟେମ୍ବର ୨୬ ଏବଂ ଅକ୍ଟୋବର ୨୬ ଭିତରେ ସେମାନଙ୍କର ସୁନା କିମ୍ବା ରୂପା କ୍ରୟ କରିପାରିବେ । ଡିଜିଟାଲ, କଏନ କିମ୍ବା ବାର ପାଇଁ ପେମେଣ୍ଟ କରନ୍ତି ସେମାନେ ଏହି କ୍ୟାସବ୍ୟାକ ଅଫର ପାଇଁ ଯୋଗ୍ୟ ହେବେ । ଗ୍ରାହକମାନେ ଫୋନ-ପେରେ ୯୯.୯% ସର୍ବାଧିକ ଶୁଦ୍ଧତାର ୨୪ କ୍ୟାରେଟ ସୁନା ଓ ରୂପା କ୍ରୟ କରିପାରିବେ । ପ୍ରତ୍ୟେକ ସୁନା ମୁଦ୍ରାର କ୍ରୟ ଉପରେ ଏକ ଶୁଦ୍ଧତା ପ୍ରମାଣପତ୍ର ପ୍ରଦାନ କରାଯିବ । ଗ୍ରାହକମାନେ ଉଚ୍ଚ ଗୁଣବତାର ସୁନା ଏବଂ ରୁପା କଏନ ଏବଂ ବାର ପାଇଁ ବୀମାଭୁକ୍ତ ଡୋରଷ୍ଟେପ ଡେଲିଭରୀ ପାଇବାକୁ ମଧ୍ୟ ଚୟନ କରିପାରିବେ । ତେବେ ସଞ୍ଚୟ ପାଇଁ ଡିଜିଟାଲ ଭାବେ କିଣାଯାଇଥିବା ସାର୍ଟିଫାଏଡ ୨୪ କ୍ୟାରେଟ ସୁନାର ତିଆରି ମୂଲ୍ୟ ଶୂନ୍ୟ ଅଟେ ଏବଂ ଏହା ମାଗଣା ଓ ବ୍ୟାଙ୍କ-ଗ୍ରେଡ ଗୋଲ୍ଡ ଲକରରେ ଷ୍ଟୋର କରାଯାଇଥାଏ ।