ସଫଳ ହେଉଛି ସରକାରଙ୍କ ମେଡ ଇନ୍ ଇଣ୍ଡିଆ ଯୋଜନା, ଚଳିତ ବର୍ଷ ଭାରତରେ ଉତ୍ପାଦନ ହେବ ୭୦ ଲକ୍ଷ ଆଇଫୋନ୍
ନୂଆଦିଲ୍ଲୀ: ଚଳିତ ଆର୍ଥିକ ବର୍ଷରେ ଆପଲ୍ ର ଚୁକ୍ତିଭିତ୍ତିକ ଉତ୍ପାଦନକାରୀମାନେ ଭାରତରେ ୪୭,୦୦୦ କୋଟି ମୂଲ୍ୟର ଆଇଫୋନ୍ ତିଆରି କରିବେ ବୋଲି ଆଶା ଫକ୍ସକନ୍ ଏବଂ ୱିଷ୍ଟ୍ରନ୍ ଦ୍ୱାରା ଆର୍ଥିକ ବର୍ଷ୨୦୨୧-୨୨ ରେ ଦେଶରେ ନିର୍ମିତ ୧୦,୦୦୦ କୋଟି ମୂଲ୍ୟର ଆଇଫୋନ୍ ଏହା ପ୍ରାୟ ପାଞ୍ଚ ଗୁଣ ହେବ । ଏକ ଆକଳନ ଅନୁଯାୟି ୪୭ ହଜାର କୋଟିରେ ପ୍ରାୟ ୭୦ ଲକ୍ଷ ଆଇଫୋନ୍ ଉତ୍ପାଦନ ହେବ ।
ଭାରତରେ ସ୍ମାର୍ଟଫୋନ୍ ର ଉତ୍ପାଦନରେ ବୃଦ୍ଧି ପାଇଁ ଭାରତ ସରକାରଙ୍କ ପକ୍ଷରୁ ପିଏଲଆଇ ସ୍କିମ୍ ଅଧୀନରେ ଦ୍ୱିତୀୟ ବର୍ଷ ପାଇଁ ପ୍ରୋତ୍ସାହନ ପାଇବାକୁ ଆଇଫୋନ୍ ନିର୍ମାତାମାନଙ୍କ ପାଇଁ ଆର୍ଥିକ ବର୍ଷ ୨୦୨୨-୨୩ ପାଇଁ ଆଶା କରାଯାଉଥିବା ଉତ୍ପାଦନ ଦୁଇଗୁଣରୁ ଅଧିକ ହେବ । ଏହି ଯୋଜନାରେ ପ୍ରତ୍ୟେକ ଚୁକ୍ତିନାମା ନିର୍ମାତା – ଫକ୍ସକନ୍, ୱିଷ୍ଟ୍ରନ୍ ଏବଂ ପେଗାଟ୍ରନ୍ – ୮,୦୦୦ କୋଟି ମୂଲ୍ୟର ଫୋନ୍ ଉତ୍ପାଦନ ଆବଶ୍ୟକ ।
ମାର୍କେଟ ପର୍ଯ୍ୟବେକ୍ଷକମାନେ ଆଶା କରୁଛନ୍ତି ଯେ ଆପଲ୍ ଚଳିତ ବର୍ଷ ପ୍ରାୟ ୭ ନିୟୁତ ୟୁନିଟ୍ ରେକର୍ଡ ଉତ୍ପାଦନ କରିବ ଏବଂ ଏହାର ସର୍ବାଧିକ ବଜାର ଅଂଶ ୫.୫% ପ୍ରଦାନ କରିବ । ନିକଟରେ ଆପଲ୍ ଏହାର ନୂତନ ଡିଭାଇସ୍ ସାହାଯ୍ୟରେ ଭାରତୀୟ ବଜାରରେ ଚାହିଦାରେ ବୃଦ୍ଧି ପାଇଛି ।
ତଥାପି, ଆପଲ୍ ର ବିଶ୍ୱରେ ବିକ୍ରୟର ୧.୫% ରୁ କମ୍ ଭାରତ ବିକ୍ରୟ ହୁଏ । ତେଣୁକରି ବର୍ତ୍ତମାନ ଭାରତରେ ଆଇଫୋନ୍ ଉତ୍ପାଦନର ୬୦% ରୁ ଅଧିକ ରପ୍ତାନି ପାଇଁ ହେବ । ଯାହା ପିଏଲଆଇ ସ୍କିମ୍ ଅନ୍ୟତମ ମୂଳ ଲକ୍ଷ୍ୟ ଅଟେ । ଭାରତରେ ସ୍ମାର୍ଟଫୋନ୍ ଉତ୍ପାଦନରେ ବୃଦ୍ଧି କରିବା ପାଇଁ ପିଏଲଆଇ ସ୍କିମ୍ ଚୀନ୍ ଏବଂ ଭିଏତନାମ ଠାରୁ ସ୍ମାର୍ଟଫୋନ୍ ଉତ୍ପାଦକ ଭାରତ ଆଣିବା ଉଦ୍ଦେଶ୍ୟରେ ୨୦୨୦ ରେ ଆରମ୍ଭ କରାଯାଇଥିଲା । ବିଶେଷକରି ଚୀନ ସହିତ ସୀମା ତିକ୍ତତା ପରେ ଏହି କ୍ଷେତ୍ରରେ ଭାରତ ସରକାରଙ୍କ ଆଗ୍ରହ ବଢିଯାଇଥିଲା ।
ଏହି ଯୋଜନା ପାଇଁ ପାଞ୍ଚବର୍ଷରେ ମୋଟ୍ ୪୦,୯୫୧ କୋଟି ମୋଟ ଖର୍ଚ୍ଚ କରୁଛନ୍ତି ଭାରତ ସରକାର । ବିଗତ ୧୫ ବର୍ଷ ମଧ୍ୟରେ, ଆପଲ୍, ଚୁକ୍ତିଭିତ୍ତିକ ଉତ୍ପାଦକମାନଙ୍କ ମାଧ୍ୟମରେ, ୮୫-୯୦ ବିଲିୟନ ଡ଼ଲାରର ଆଇଫୋନ୍ ଚାଇନା ବ୍ୟତିତ ଅନ୍ୟ ଦେଶ ମାନଙ୍କରେ ଉତ୍ପାଦନ କରିବା କ୍ଷମତା ହାସଲ କରିଛି ।
ଭାରତରେ କମ୍ପାନୀ ପିଏଲଆଇ ସ୍କିମ୍ ର ଦ୍ୱିତୀୟ ବର୍ଷରେ ଫ୍ୟାକ୍ଟ୍ରୀ ମୁଲ୍ୟରେ ୬ ବିଲିୟନ ଡଲାରରୁ ଅଧିକ ମୂଲ୍ୟର ଫୋନ୍ ଉତ୍ପାଦନ କରିବ ବୋଲି ଆଶା କରାଯାଉଛି। ଭାରତରେ ଆଇଫୋନ୍ ଉତ୍ପାଦନ ୨୦୧୭ ରେ ଆରମ୍ଭ ହୋଇଥିଲା ଏବଂ ସ୍ଥାନୀୟ ଭାବରେ ଉତ୍ପାଦିତ ପରିସର ବର୍ତ୍ତମାନ ଆଇଫୋନ୍ ୧୧, ୧୨ ଏବଂ ୧୩ କୁ ଅନ୍ତର୍ଭୁକ୍ତ କରିଛି । ବେଙ୍ଗାଲୁରୁର ୱିଷ୍ଟ୍ରନ୍ ଏବଂ ପେଗାଟ୍ରନ୍, ଏହି ମାସରେ ତାମିଲନାଡୁରେ ଉତ୍ପାଦନ ଆରମ୍ଭ କରିଥିବାବେଳେ ଫକ୍ସକନ୍ ତାମିଲନାଡୁର ପ୍ଲାଣ୍ଟରେ ଆଇଫୋନ୍ ୧୧, ୧୨ ଏବଂ ୧୩ ଉତ୍ପାଦନ କରୁଛି ।
ଭାରତରେ ସ୍ମାର୍ଟଫୋନ୍ ଉତ୍ପାଦନ ବୃଦ୍ଧି କରିବା କ୍ଷେତ୍ରରେ ପିଏଲଆଇ ସ୍କିମ୍ ର ସଫଳତା ବଢିଚାଲିଛି । ଏହିଭଳି ସାମସଙ୍ଗର ଭାରତରେ ସ୍ଥାନୀୟ ଉତ୍ପାଦନରେ ମଧ୍ୟ ବୃଦ୍ଧି ପାଇଛି । ସରକାର ଗତ ଦୁଇ ବର୍ଷ ମଧ୍ୟରେ ଆଇଟି ହାର୍ଡୱେର୍ ଏବଂ ଅନ୍ୟାନ୍ୟ ବୈଦ୍ୟୁଦିକ ସାମଗ୍ରୀ ଭଳି ୧୪ ଟି ସମାନ ଯୋଜନା ଆରମ୍ଭ କରିଛନ୍ତି ।