ଭୋଟ ଦେଲେ ମୋଦୀ ;ଲାଇନରେ ଛିଡା ହେଇ କରିଲେ ମତଦାନ
ନୂଆଦିଲ୍ଲୀ: ଗୁଜରାଟ ବିଧାନସଭା ନିର୍ବାଚନର ଦ୍ଵିତୀୟ ତଥା ଅନ୍ତିମ ପର୍ଯ୍ୟାୟରେ ୧୪ଟି ଜିଲ୍ଲାର ୯୩ଟି ଆସନରେ ମତଦାନ ଆରମ୍ଭ ହୋଇ ଯାଇଛି। ଏହି ପର୍ଯ୍ୟାୟରେ ୬୧ ରାଜନୈତିକ ଦଳର ୮୩୩ ପ୍ରାର୍ଥୀ ମଇଦାନରେ ଅଛନ୍ତି। ଏହା ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅହମ୍ମଦାବାଦରେ ମତଦାନ କରିଛନ୍ତି । ପ୍ରଧାନମନ୍ତ୍ରୀ ମୋଦୀ ସୋମବାର ସକାଳେ ଅହମ୍ମଦାବାଦ ସହରର ରାନିପ ଅଞ୍ଚଳରେ ଏକ ବିଦ୍ୟାଳୟର ମତଦାନ କେନ୍ଦ୍ରରେ ଭୋଟ୍ ଦେଇ ଛନ୍ତି । କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହ ଅହମ୍ମଦାବାଦର ନାରଣପୁରାରେ ନଗର ନିଗମ କାର୍ଯ୍ୟାଳୟରେ ସ୍ଥାପିତ ମତଦାନ କେନ୍ଦ୍ରରେ ମତଦାନ କରିବେ ବୋଲି ସୂଚନା ଅଛି ।
ପ୍ରଥମ ଥର ପାଇଁ ଗୁଜରାଟ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ଆମ୍ ଆଦମୀ ପାର୍ଟି ମଧ୍ୟ ଆଜି ସମ୍ପୂର୍ଣ୍ଣ କାର୍ଯ୍ୟରେ ଦେଖିବାକୁ ମିଳିବ। କିନ୍ତୁ ଚଳିତବର୍ଷ ଗୁଜରାଟ ନିର୍ବାଚନରେ କିଛିଟା ଅଲଗା ହେବାକୁ ଯାଉଛି । ଏଥର ଆପ ନିର୍ବାଚନୀ ମୈଇଦାନକୁ ଓହ୍ଲାଇଛି । ଯାହା ଫଳରେ ଚଳିତଥର ତ୍ରିମୁଖୀ ଲଢ଼େଇ ହେବ ବୋଲି ଆଶା କରାଯାଉଛି। ଗୁଜରାଟ ମୁଖ୍ୟତଃ ବିଜେପିର ଗଡ କରିଲେ ଭୁଲ ହେବ ନାହିଁ । କାରଣ ବିଜେପି ୨୦୦୨ ଠାରୁ ଲଗାତାର ଭାବେ ଗୁଜରାଟ ଦଖଲ କରି ରଖିଛି । ତେଣୁ ଏଠାକାର ଭୋଟମାନଙ୍କୁ ମନେଇବା ସହ ଏଠାରେ ନୂଆ ସରକାର ଗଠନ କରିବା ଅନ୍ୟଦଳ ପାଇଁ କାଠିକର ପାଠ । କଂଗ୍ରେସର ଗୋଷ୍ଠୀ କନ୍ଦଳ ପାଇଁ ଦଳ ସବୁ ସ୍ଥାନରେ ଏବେ ପରାଜୟ ଦେଖୁଛି ସେପଟେ ଆପ ନିର୍ବାଚନ ହାତେଇବା ପାଇଁ ପ୍ରତିଶୃତି ବାଣ୍ଟୁଛି ।
ଏଥର ଗୁଜରାଟରେ ବିଧାନସଭା ନିର୍ବାଚନ ଅତ୍ୟନ୍ତ କୌତୁହଳପୂର୍ଣ୍ଣ । ବିଜେପି, କଂଗ୍ରେସ ବ୍ୟତୀତ ଏଥର ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି ମଧ୍ୟ ନିର୍ବାଚନ କ୍ଷେତ୍ରରେ ଲଡ଼ୁଛନ୍ତି। କେଜ୍ରିୱାଲ ଗୁଜୁରାଟରେ ବିଜୟ ଦାବି କରିଛନ୍ତି। ସେ କହିଛନ୍ତି ଯେ ଲୋକମାନେ ପରିବର୍ତ୍ତନ ଚାହୁଁଛନ୍ତି ଏବଂ ସେ ଆମ୍ ଆଦମୀ ପାର୍ଟିରେ ଅଛନ୍ତି।
ବିଜେପି କହିଛି ଯେ ଡବଲ ଇଞ୍ଜିନ ସରକାରଙ୍କ କାର୍ଯ୍ୟରେ ଲୋକମାନେ ଖୁସି ଅଛନ୍ତି ଏବଂ ପୁଣି ଥରେ ବିଜେପି କ୍ଷମତାକୁ ଆସିବ। ନିର୍ବାଚନରେ କଂଗ୍ରେସ ମଧ୍ୟ ବିଜୟ ଦାବି କରିଛି।ଏଥର ଗୁଜୁରାଟର ବିଧାନସଭା ନିର୍ବାଚନ ସମ୍ପର୍କରେ ଲୋକଙ୍କ ମନରେ ଅନେକ ପ୍ରକାରର ପ୍ରଶ୍ନ ରହିଛି। ଏଥର ଗୁଜୁରାଟରେ କଂଗ୍ରେସର ଭାଗ୍ୟ ବଦଳିବ କି? ଏଭଳି ଅନେକ ପ୍ରଶ୍ନ ଉଙ୍କି ମାରୁଛି ।
