୧.୫ ଲକ୍ଷରୁ ଅଧିକ ଲୋକଙ୍କୁ ମିଳିବ ନିଯୁକ୍ତି: ସୁରଟ ଡାଇମଣ୍ଡ ବୋର୍ସର ଉଦଘାଟନୀ ଉତ୍ସବରେ କହିଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର (ଡିସେମ୍ବର ୧୭) ଗୁଜୁରାଟରେ ସୁରଟ ଡାଇମଣ୍ଡ ବୋର୍ସର ଉଦଘାଟନ କରିଛନ୍ତି । ଆନ୍ତର୍ଜାତୀୟ ହୀରା ଏବଂ ଅଳଙ୍କାର ବ୍ୟବସାୟ ପାଇଁ ବିଶ୍ୱର ସର୍ବ ବୃହତ ତଥା ଆଧୁନିକ କେନ୍ଦ୍ର ଭାବରେ ପରିଗଣିତ ଏନଡିବିକୁ ମୁମ୍ବାଇରୁ ସୁରଟକୁ ଟ୍ରାନ୍ସଫର କରାଯାଇଛି । ଏହି ସମୟରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, ‘ଆଜି ସୁରଟ ହେଉଛି ବିଶ୍ୱର ବିକାଶଶୀଳ ୧୦ ଟି ସହର ମଧ୍ୟରୁ ଅନ୍ୟତମ । ସୁରଟର ଷ୍ଟ୍ରିଟ୍ ଫୁଡ୍, ଦକ୍ଷତା ବିକାଶ କାର୍ଯ୍ୟ, ସବୁକିଛି ଆଶ୍ଚର୍ଯ୍ୟଜନକ ।’
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ସୁରଟର ହୀରା ଶିଳ୍ପ ୮ ଲକ୍ଷ ଲୋକଙ୍କୁ ନିଯୁକ୍ତି ଯୋଗାଉଛି । ନୂଆ ହୀରା ବଜାରର ଆଗମନ ସହିତ ୧.୫ ଲକ୍ଷ ଅଧିକ ଲୋକ ଚାକିରି ପାଇବେ । ମୁଁ ଦେଶକୁ ଗ୍ୟାରେଣ୍ଟି ଦେଇଛି ଯେ, ମୋର ତୃତୀୟ କାର୍ଯ୍ୟକାଳରେ ଭାରତ ବିଶ୍ୱର ଶ୍ରେଷ୍ଠ ୩ ଅର୍ଥ ବ୍ୟବସ୍ଥା ମଧ୍ୟରେ ରହିବ । ଆସନ୍ତା ୨୫ ବର୍ଷ ପାଇଁ ସରକାର ଲକ୍ଷ୍ୟ ଧାର୍ଯ୍ୟ କରିଛନ୍ତି ।’
‘ମୋଦୀଙ୍କ ଗ୍ୟାରେଣ୍ଟି’ ବିଷୟରେ ପିଏମ ମୋଦୀ କ’ଣ କହିଛନ୍ତି?
ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ, ଆଜିକାଲି ଆପଣ ସମସ୍ତେ ‘ମୋଦୀଙ୍କ ଗ୍ୟାରେଣ୍ଟି’ ବିଷୟରେ ଅନେକ ଚର୍ଚ୍ଚା ଶୁଣିଥିବେ । ସମ୍ପ୍ରତି ନିର୍ବାଚନ ଫଳାଫଳ ପରେ ଏହି ଆଲୋଚନା ଆହୁରି ବୃଦ୍ଧି ପାଇଛି, କିନ୍ତୁ ସୁରଟର ଲୋକମାନେ ଦୀର୍ଘ ଦିନ ଧରି ‘ମୋଦୀଙ୍କ ଗ୍ୟାରେଣ୍ଟି’ ବିଷୟରେ ଜାଣିଛନ୍ତି । ଏଠାରେ ପରିଶ୍ରମୀ ଲୋକମାନେ ‘ମୋଦୀଙ୍କ ଗ୍ୟାରେଣ୍ଟି’ ବାସ୍ତବରେ ପରିଣତ ହୋଇଥିବା ଦେଖିଛନ୍ତି ଏବଂ ‘ସୁରଟ ଡାଇମଣ୍ଡ ବୋର୍ସ’ ମଧ୍ୟ ଏହି ଗ୍ୟାରେଣ୍ଟିର ଏକ ଉଦାହରଣ ।
ନୂତନ ଟର୍ମିନାଲର ଉଦଘାଟନ ପାଇଁ ଜନସାଧାରଣଙ୍କୁ ଅଭିନନ୍ଦନ ଜଣାଇଛନ୍ତି :-
ମୋଦୀ କହିଛନ୍ତି ଯେ, ‘ଆଜି ନିଜେ ସୁରଟ ବିମାନବନ୍ଦରର ନୂଆ ଟର୍ମିନାଲକୁ ଉଦଘାଟନ କରାଯାଇଛି ଏବଂ ଦ୍ୱିତୀୟ ବଡ ଘଟଣା ହେଉଛି ବର୍ତ୍ତମାନ ସୁରଟ ବିମାନବନ୍ଦରକୁ ଅନ୍ତର୍ଜାତୀୟ ବିମାନବନ୍ଦରର ମାନ୍ୟତା ମିଳିଛି । ଏହି ଚମତ୍କାର ଟର୍ମିନାଲ ଏବଂ ଆନ୍ତର୍ଜାତୀୟ ବିମାନବନ୍ଦର ପାଇଁ ମୁଁ ସୁରଟ ଏବଂ ଗୁଜୁରାଟର ଲୋକଙ୍କୁ ଅଭିନନ୍ଦନ ଜଣାଉଛି ।’
