ପୋଷ୍ଟାଲର ନୂଆ ସୁବିଧା, ଏଣିକି ଆଧାର ବାୟୋମେଟ୍ରିକ୍ ଦ୍ୱାରା ଖୋଲିହେବ PPF-RD ଆକାଉଣ୍ଟ

ନୂଆଦିଲ୍ଲୀ: ପୋଷ୍ଟ ଅଫିସରେ ନୂଆ ସୁବିଧା। ଇଣ୍ଡିଆ ପୋଷ୍ଟ ତାର ଗ୍ରାହକମାନଙ୍କ ପାଇଁ ଏକ ନୂଆ ସୁବିଧା ଆଣିଛି।  ଯାହା ଅଧିନରେ ଆପଣ ଆଧାର ବାୟୋମେଟ୍ରିକ୍ (e-KYC) ସାହାଯ୍ୟରେ ଅନଲାଇନରେ PPF, RD ଆକାଉଣ୍ଟ ଖୋଲିପାରିବେ ଏବଂ ଏହାକୁ ନିଜେ ମଧ୍ୟ ଚଲାଇପାରିବେ।

ଯଦି ଦେଖିବା ପୂର୍ବରୁ ଏହି ଡିଜିଟାଲ୍ ସୁବିଧା କେବଳ ମାସିକ ଆୟ ଯୋଜନା (MIS), ମିଆଦୀ ଜମା (TD), କିଷାନ ବିକାଶ ପତ୍ର (KVP) ଏବଂ ଜାତୀୟ ସଞ୍ଚୟ ପ୍ରମାଣପତ୍ର (NSC) ଭଳି କିଛି ସଂଖ୍ୟକ ସଞ୍ଚୟ ଯୋଜନା ପାଇଁ ଉପଲବ୍ଧ ଥିଲା। କିନ୍ତୁ ଏବେ ଏହି ଯୋଜନା ସମସ୍ତ ଗ୍ରାହକମାନଙ୍କୁ  ବହୁତ ସୁବିଧା ପ୍ରଦାନ କରିବ।

ପେ-ଇନ୍ ସ୍ଲିପ୍ ବିନା ଆକାଉଣ୍ଟ ଖୋଲାଯିବ: ଖବର ଅନୁଯାୟୀ,  ୨୦୨୫ ମସିହା ଏପ୍ରିଲ ୨୩ ତାରିଖ ଠାରୁ  ଇଣ୍ଡିଆ ପୋଷ୍ଟ ଆଧାର-ଆଧାରିତ ଇ-କେୱାଇସି ପ୍ରକ୍ରିୟାକୁ ବଢାଇ ମାସିକ ଆୟ ଯୋଜନା, ମିଆଦୀ ଜମା, କିଷାନ ବିକାଶ ପତ୍ର ଏବଂ ଜାତୀୟ ସଞ୍ଚୟ ପ୍ରମାଣପତ୍ର ଅନ୍ତର୍ଭୁକ୍ତ କରିଛି।

ଗ୍ରାହକମାନେ ଏବେ ପେ-ଇନ୍ ସ୍ଲିପ୍ କିମ୍ବା ଉଠାଣ ଭାଉଚର ବିନା ଆକାଉଣ୍ଟ ଖୋଲିପାରିବେ ଏବଂ କାରବାର କରିପାରିବେ।  ୨୦୨୫  ଜୁଲାଇ ୭ ତାରିଖର ଡାକ ବିଭାଗର ଏସବି ଆଦେଶ ଅନୁଯାୟୀ, ଇଣ୍ଡିଆ ପୋଷ୍ଟର କୋର୍ ବ୍ୟାଙ୍କିଂ ସଲ୍ୟୁସନ୍ (ସିବିଏସ) ପୋଷ୍ଟ ଅଫିସରେ ଆଧାର-ଆଧାରିତ ବାୟୋମେଟ୍ରିକ୍ ଇ-କେୱାଇସି ପ୍ରମାଣୀକରଣ ବ୍ୟବହାର କରି ଆରଡି ଏବଂ ପିପିଏଫ ଆକାଉଣ୍ଟ ଅଧୀନରେ ନିମ୍ନଲିଖିତ ସେବାଗୁଡ଼ିକ ଉପଲବ୍ଧ ହୋଇପାରିବ।

ଆପଣ କ’ଣ କରିପାରିବେ:  ସୂଚନା ଅନୁଯାୟୀ ଏବେ ଆପଣ ଆରଡି ଏବଂ ପିପିଏଫ ଆକାଉଣ୍ଟ ଖୋଲିପାରିବେ ଏବଂ ସେଥିରେ ଜମା କରିପାରିବେ।

ଆରଡି ଏବଂ ପିପିଏଫ ଋଣ ଆକାଉଣ୍ଟ ଖୋଲାଯାଇପାରିବ ଏବଂ ବଣ୍ଟନ କରାଯାଇପାରିବ। ଆରଡି ଏବଂ ପିପିଏଫ ଆକାଉଣ୍ଟରେ ଋଣ ପରିଶୋଧ କରାଯାଇପାରିବ।

ପୋଷ୍ଟ ଅଫିସରେ ଆଧାର ବାୟୋମେଟ୍ରିକ୍ସ ବ୍ୟବହାର କରି ପିପିଏଫ ଆକାଉଣ୍ଟରୁ ଉଠାଣ କରାଯାଇପାରିବ। କେବଳ ଏତିକି ନୁହେଁ, ଆକାଉଣ୍ଟ ବନ୍ଦ କରିବା, ନାମାଙ୍କନରେ ପରିବର୍ତ୍ତନ, ଆକାଉଣ୍ଟ ସ୍ଥାନାନ୍ତର ମଧ୍ୟ e-KYC ମାଧ୍ୟମରେ କରାଯାଇପାରିବ।