(Video) ଚାହୁଁଚାହୁଁ ରାସ୍ତାରେ ପୋତି ହୋଇଗଲା ଟ୍ରକ, ଦେଖନ୍ତୁ ଛାତିଥରା ଦୃଶ୍ୟ

ନୂଆଦିଲ୍ଲୀ : ମହାରାଷ୍ଟ୍ରର ପୁନେରୁ ଛାତିଥରା ଭିଡିଓ ସାମ୍ନାକୁ ଆସିଛି । ଏହାକୁ ଦେଖିଲେ କିଏ ମଧ୍ୟ ଡରିଯିବ । ଦେଖିଦେଖୁ ପୋତି ହୋଇଗଲା ଟ୍ରକ । କେହି କିଛି ବୁଝିବା ଆଗରୁ ଅଘଟଣ ଘଟିଗଲା । କଥାଟି ଶୁଣିବାକୁ ଆଶ୍ଚର୍ଯ୍ୟ ଲାଗିଲେ ମଧ୍ୟ ସମ୍ପୁର୍ଣ୍ଣ ସତ୍ୟ । ଭିଡିଓ ନଦେଖିଲେ ଏହାକୁ କେହି ମଧ୍ୟ ବିଶ୍ବାସ କରିପାରିବେ ନାହିଁ । ହଠାତ୍ ରାସ୍ତା ଦବିବା ସହିତ ଟ୍ରକଟି ସମ୍ପୁର୍ଣ୍ଣ ଭାବେ ପୋତି ହୋଇଯାଇଥିବା ଦେଖାଯାଇଛି । କିନ୍ତୁ ଏତେ ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ଟ୍ରକ ଚାଳକ । ମହାରାଷ୍ଟ୍ରର ପୁନେରେ ଗତକାଲି ଅର୍ଥାତ ଶୁକ୍ରବାର ଦେଖିବାକୁ ମିଳିଛି ଏଭଳି ଘଟଣା ।

ସୂଚନା ଅନୁସାରେ, ସିଟି ପୋଷ୍ଟ ଅଫିସ ପରିସରରେ ଏକ ସିଙ୍କହୋଲ ଖୋଲି ଯାଇଥିଲା । ଫଳରେ ସେହି ରାସ୍ତା ଦେଇ ଯାଉଥିବା ସଫେଇ ଟ୍ରକର ପ୍ରଥମେ ପଛଭାଗ ଗାତକୁ ଖସି ପଡିଥିବା ବେଳେ ଚାହୁଁଚାହୁଁ ସମ୍ପୁର୍ଣ୍ଣ ପୋତି ହୋଇଯାଇଥିଲା । ଶୁକ୍ରବାର ସନ୍ଧ୍ୟା 4ଟା ସମୟରେ ଦେଖିବାକୁ ମିଳିଛି ଏଭଳି ଘଟଣା । ଏନେଇ ଜଣେ ଅଗ୍ନିଶମ ବାହୀନିର ଅଧିକାରୀ କହିଛନ୍ତି, ଡ୍ରେନ ସଫା କରିବା ପାଇଁ ବ୍ୟବହୃତ ହେଉଥିବା ଟ୍ରକ ଦୁର୍ଘଟଣା ଘଟିଥିଲା । କିନ୍ତୁ ଡ୍ରାଇଭର ଜଣକ ସୁରକ୍ଷିତ ରହିଛନ୍ତି । ଡ୍ରେନ ସଫା କରିବା ପାଇଁ ଟ୍ରକ ଡକାଯାଇଥିବା ବେଳେ ହଠାତ୍ ମାଟିରେ ଧସେଇ ହୋଇଯାଇଥିଲା । ସୂଚନା ଅନୁସାରେ ଟ୍ରକ ସହିତ ଅନେକ ଯାନ ଏହି ଗର୍ତ୍ତକୁ ଖସି ଯାଇଥିଲେ ।

INDIA
SINKHOLE
COLLAPSES

Pune, India

A truck and a few 2-wheelers fell into a huge sinkhole that suddenly appeared in the parking area of the City Post Office located in the crowded Samadhan Chowk of the Budhwar Peth area in Pune on Friday.

The control room of the Pune Fire… pic.twitter.com/kOhMMREZb1

— ZetaTalk Followers: Watch X, Planet X, aka Nibiru (@ZT_Followers) September 20, 2024