୩୫୦ ମିଟର ଯାଏଁ ଟାଣିନେଲେ ଚୋର, ତଥାପି ମୋବାଇଲ ପାଇଁ ସଂଘର୍ଷ ଜାରି ରଖିଥିଲେ ଛାତ୍ରୀ: ଦେଖନ୍ତୁ ଏହି ଭୟଙ୍କର ଲୋମଟାଙ୍କୁରା Video
ନୂଆଦିଲ୍ଲୀ: ପଞ୍ଜାବର ଜଲନ୍ଦରରୁ ଏକ ଭୟଙ୍କର ଭିଡିଓ ଭାଇରାଲ ହେବାରେ ଲାଗିଛି । ଭିଡିଓରେ ତିନିଜଣ ବାଇକ୍ ଚଳାଉଥିବା ଡକାୟତ ଜଣେ ଛାତ୍ରୀଙ୍କୁ ରାସ୍ତାରେ ଘୋଷାଡ଼ି ନେଉଥିବାର ନଜର ଆସିଛନ୍ତି । ପୋଲିସର ସୂଚନାନୁସାରେ, ଏହି ଭିଡିଓ ଗ୍ରୀନ୍ ମଡେଲ୍ ଅଞ୍ଚଳର ବୋଲି ଜଣାପଡିଛି, ଯାହା ସୋସିଆଲ ମିଡିଆରେ ଭାଇରାଲ ହେଉଛି ।
ଲୋକମାନେ ଭିଡିଓ ଉପରେ ମନ୍ତବ୍ୟ ଦେଉଛନ୍ତି । ଶୁକ୍ରବାର ଦିନ ଏହି ଘଟଣା ଘଟିଥିବା କୁହାଯାଉଛି । ଛାତ୍ରୀ ଜଣକ ଗୁରୁତର ଆହତ ହୋଇଛନ୍ତି । ଦ୍ୱାଦଶ ଶ୍ରେଣୀର ଛାତ୍ରୀ ରାସ୍ତାରେ ଯାଉଥିଲେ । ହଠାତ୍ ଡକାୟତମାନେ ତାଙ୍କ ମୋବାଇଲ୍ ଛଡ଼ାଇ ନେଇଥିଲେ । ଏହା ପରେ ମଧ୍ୟ ଲକ୍ଷ୍ମୀ ନାମକ ଛାତ୍ରୀ ଭୟଭୀତ ହୋଇନଥିଲେ । ସେ ମୋବାଇଲ ଛାଡି ନଥିଲେ । ଏହାଫଳରେ ଡକାୟତମାନେ ତାଙ୍କୁ ୩୫୦ ମିଟର ପର୍ଯ୍ୟନ୍ତ ଟାଣି ନେଇଥିଲେ ।
ସିସିଟିଭି ଫୁଟେଜରେ ଏହା ଜଣାପଡିଛି ଯେ, ଅଭିଯୁକ୍ତ ଅପରାହ୍ନରେ ଛାତ୍ରୀଙ୍କଠାରୁ ମୋବାଇଲ ଛଡ଼ାଇ ନେବାକୁ ଚେଷ୍ଟା କରିଥିଲା । ୧୮ ବର୍ଷର ଛାତ୍ରୀ ମୂଳତଃ ୟୁପିର ଗୋଣ୍ଡାରୁ ଆସିଥିବା କୁହାଯାଉଛି । ସେ ତାଙ୍କ ଭାଉଜଙ୍କୁ ଭେଟିବା ପରେ ଘରକୁ ଫେରୁଥିଲା । ଲକ୍ଷ୍ମୀ ତାଙ୍କ ସାନ ଭଉଣୀ ଏବଂ ପଡ଼ୋଶୀଙ୍କ ଝିଅ ସହିତ ଥିଲେ । ଠିକ୍ ସେତିକିବେଳେ ତିନିଜଣ ଲୋକ ବାଇକରେ ଆସିଥିଲେ । ପଗଡି ପିନ୍ଧିଥିବା ଜଣେ ଯୁବକ ବାଇକ୍ ଚଳାଉଥିଲେ । ମଝିରେ ବସିଥିବା ବ୍ୟକ୍ତି ଜଣକ ରୁମାଲରେ ମୁହଁ ଘୋଡାଇ ରଖିଥିଲେ । ଲକ୍ଷ୍ମୀ ନିକଟରେ ବାଇକ୍ ଅଟକିଥିଲା ଏବଂ ବାଇକ୍ ଚଳାଉଥିବା ବ୍ୟକ୍ତି ତାଙ୍କୁ ‘ସରି’ ବୋଲି କହିଥିଲେ । ଲକ୍ଷ୍ମୀ କିଛି ବୁଝିିବା ପୂର୍ବରୁ ପଛରେ ବସିଥିବା ବ୍ୟକ୍ତି ତାଙ୍କ ମୋବାଇଲ୍ ଛଡ଼େଇ ନେବାକୁ ଚେଷ୍ଟା କରିଥିଲେ ।
ଲକ୍ଷ୍ମୀ ଏହାକୁ ବିରୋଧ କରିଥିଲେ । କିନ୍ତୁ ଅଭିଯୁକ୍ତ ବାଇକରେ ପଳାଇ ଯାଇଥିଲେ । ଲକ୍ଷ୍ମୀ ମୋବାଇଲ୍ ଛାଡି ନଥିବାରୁ ଅଭିଯୁକ୍ତ ତାଙ୍କୁ ରାସ୍ତାରେ ଘୋଷାଡ଼ି ନେଇଥିଲା । ଏହି ଶବ୍ଦ ଶୁଣି କିଛି ଲୋକ ଅଭିଯୁକ୍ତଙ୍କୁ ଗୋଡ଼ାଇଥିଲେ । କିନ୍ତୁ ଶେଷରେ ଅପହରଣକାରୀମାନେ ଫୋନ୍ ଛଡ଼ାଇବାରେ ସଫଳ ହୋଇଥିଲେ । ପଞ୍ଜାବ ପୋଲିସ କହିଛି ଯେ ଅଭିଯୁକ୍ତଙ୍କୁ ଖୋଜା ଚାଲିଛି ।
जालंधर में बच्ची का मोबाइल लूटा। बच्ची रोड पर घिसटती रही, ताकि मोबाइल बचा सके, लेकिन नहीं बचा पाई। कहती है ग़रीब पिता ने दिलाया था, पढ़ाई करती थी। अब क्या करूँगी।
रोंगटे खड़े करने वाला वीडियो और खबर देखिए।#Jalandhar #Crime #police #AAP
@DGPPunjabPolice pic.twitter.com/RnBIL57kzB— Baldev Krishan Sharma (@baldevksharma) September 8, 2024