‘ପୁଷ୍ପା-୨’ ମାଟିରେ ମିଶାଇଦେଲା ଏହି ଫିଲ୍ମଗୁଡ଼ିକର ରେକର୍ଡ, ୭ମ ଦିନରେ ରୋଜଗାର କଲା ଏତିକି କୋଟି

ନୂଆଦିଲ୍ଲୀ: ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା ଷ୍ଟାରଙ୍କ ‘ପୁଷ୍ପା୨:ଦ ରୁଲ’ ୨୦୨୪ର ସବୁଠୁ ସଫଳ ଫିଲ୍ମ ହୋଇଛି । ଫିଲ୍ମର ରିଲିଜ ପୂର୍ବରୁ ଯେତିକି ଅନୁମାନ କରାଯାଉଥିଲା, ଏବେ ତା’ଠାରୁ ଅଧିକ ବକ୍ସ ଅଫିସରେ ଏହା ପରଫର୍ମ କରୁଛି । ଫ୍ୟାନ୍ସକୁ ଆଶା ଥିଲା ଯେ, ପୁଷ୍ପା-୨ଅନେକ ଫିଲ୍ମର ରେକର୍ଡ ଭାଙ୍ଗିବ, ତେବେ ବର୍ତ୍ତମାନ ତାହା ହିଁ ଘଟୁଥିବା ଦେଖିବାକୁ ମିଳିଛି । ଅଲ୍ଲୁ ଅର୍ଜୁନଙ୍କ ଫିଲ୍ମ ପ୍ରମାଣିତ କରିଦେଇଛି ଯେ, ପୁଷ୍ପା ବର୍ତ୍ତମାନ ୱାଇଲ୍ଡ ଫାୟରରେ ପରିଣତ ହୋଇଛି । ଶାହରୁଖ ଖାନଙ୍କ ଫିଲ୍ମ ଯବାନ ଏବଂ ପଠାନକୁ ପଛରେ ପକାଇବା ପରେ ବର୍ତ୍ତମାନ ରଣବୀର କପୁରଙ୍କ ଆନିମଲ ଫିଲ୍ମର ଲାଇଫଟାଇମ କଲେକ୍ସନକୁ ପଛରେ ପକାଇଛି । ଫିଲ୍ମ ସାରା ଦୁନିଆରେ ୧୦୦୦ କୋଟି ଟଙ୍କାର କଲେକ୍ସନ କରିବା ସହ ଭାରତରେ ମଧ୍ୟ ଜବରଦସ୍ତ କଲେକ୍ସନ କରିଛି । ତେବେ ଆସନ୍ତୁ ଜାଣିବା ଏହି ଫିଲ୍ମ ଭାରତରେ କେତେ ଟଙ୍କା ରୋଜଗାର କରିଛି ।

୭ମ ଦିନରେ ରୋଜଗାର କଲା ଏତିକି ଟଙ୍କା: ପୁଷ୍ପା-୨ ରିଲିଜ ହେବାର ଗୋଟିଏ ସପ୍ତାହ ଅତିକ୍ରମ କରିଛି । ଏବେବି ଏହି ଫିଲ୍ମର କ୍ରେଜ ଥମିବାର ନାମ ନେଉନି । ଏହି ଫିଲ୍ମ ରିଲିଜର ୭ମ ଦିନ ଇତିହାସ ରଚିଛି । ପୁଷ୍ପା ୨ ୭ମ ଦିନ ସବୁଠୁ ଅଧିକ ରୋଜଗାର କରିଥିବା ଫିଲ୍ମର ବହି ନିଜ ନାମରେ କରିଛି । ରିପୋର୍ଟ ମୁତାବକ, ଏହି ଫିଲ୍ମ ଭାରତରେ ୭ମ ଦିନ ୬୮୭ କୋଟିର କଲେକ୍ସନ କରିଛି ।

ହିନ୍ଦୀ ଭର୍ଜନରେ ପୁଷ୍ପା-୨ ପ୍ରଥମ ଦିନ ୭୦.୩ କୋଟି, ଦ୍ୱିତୀୟ ଦିନ- ୫୬.୯ କୋଟି, ତୃତୀୟ ଦିନ ୭୩.୫ କୋଟି, ଚତୁର୍ଥ ଦିନ- ୮୫ କୋଟି, ପଞ୍ଚମ ଦିନ ୪୬.୪ କୋଟି ଏବଂ ଷଷ୍ଠ ଦିନ ୩୬ କୋଟି ଜବରଦସ୍ତ କଲେକ୍ସନ କରିଛି । ଏହି ଫିଲ୍ମ କେବଳ ହିନ୍ଦୀ ଭାଷାରେ ହିଁ ୭ମ ଦିନ ୩୯୮.୧ କୋଟି ଟଙ୍କା ରୋଜଗାର କରିଛି । ଭାରତରେ ୭ମ ଦିନ ଅଲ୍ଲୁ ଅର୍ଜୁନଙ୍କ ଏହି ଫିଲ୍ମ ୬୮୭ କୋଟିର କଲେକ୍ସନ କରିଛି ।