‘ପୁଷ୍ପା-୨’ ଫ୍ୟାନ୍ସଙ୍କୁ ବଡ଼ ଝଟକା: ଫିଲ୍ମ ୩ଡି ଭର୍ସନରେ ରିଲିଜ ହେବନି, ରାତିର ଶୋ’ ବାତିଲ୍

ନୂଆଦିଲ୍ଳୀ: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଅଭିନୀତ ‘ପୁଷ୍ପା-୨: ଦି ରୁଲ’କୁ ଫ୍ୟାନ୍ସ ଅତ୍ୟନ୍ତ ଉତ୍ସାହର ସହ ଅପେକ୍ଷା କରି ରହିଛନ୍ତି । ଫିଲ୍ମର ଆଡଭାନ୍ସ ବୁକିଂ ଖୁବ୍ ଦ୍ରୁତ ଭାବେ ବଢ଼ି ଚାଲିଛି । ପୁଣି ଥରେ ‘ପୁଷ୍ପା’ ସିନେମା ଘରେ ଧୂମ୍ ମଚାଇବାକୁ ଯାଉଛି । ତେବେ ଏହା ମଧ୍ୟରେ ଅଲ୍ଲୁ ଅର୍ଜନଙ୍କ ଫ୍ୟାନ୍ସଙ୍କୁ ଲାଗିପାରେ ଏକ ବଡ଼ ଝଟକା । ଫିଲ୍ମର ମେକର୍ସ ସ୍ଥିର କରିଛନ୍ତି ଯେ, ‘ପୁଷ୍ପା-୨’କୁ ଚଳିତ ସପ୍ତାହରେ ୩ଡିରେ ରିଲିଜ୍ କରିବେ ନାହିଁ । ଅର୍ଥାତ ଡିସେମ୍ବର ୫ରେ ଫିଲ୍ମ କେବଳ ୨ଟିରେ ହିଁ ରିଲିଜ୍ ହେବ । ଏଥିସହିତ ଡିସେମ୍ବର ୪ରେ ଫିଲ୍ମର ହିନ୍ଦୀ ଭର୍ସନ ରାତିରେ ଚାଲିବ ନାହିଁ ବୋଲି ମଧ୍ୟ ମେକର୍ସଙ୍କ ପକ୍ଷରୁ କୁହାଯାଇଛି ।

ସୂଚନାଯୋଗ୍ୟ ଯେ, ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନାଙ୍କ ଅଭିନୀତ ଫିଲ୍ମ ‘ପୁଷ୍ପା-୨’ର ଆଡଭାନ୍ସ ବେଶ୍ ଦ୍ରୁତ ଭାବେ ଆଗେଇ ଚାଲିଛି । ଫିଲ୍ମର ଆଡଭାନ୍ସ ବୁକିଂ ରେକର୍ଡ ଭାଙ୍ଗିବା ସହ ଦିଲ୍ଲୀ, ମୁମ୍ବାଇ, ପାଟନା, କୋଲକତା, ବେଙ୍ଗାଲୁରୁ, ହାଇଦ୍ରାବାଦ ପର୍ଯ୍ୟନ୍ତ ସବୁଠି ଦେଖିବାକୁ ମିଳିଛି । ମେଟ୍ରୋ ସିଟିରେ ମୁଭିର ଟିକେଟ ୧୮ ଶହ ଟଙ୍କାରେ ପହଞ୍ଚିଛି । ତେବେ ଆପଣମାନେ ମାତ୍ର ୧୦୦ ଟଙ୍କାରେ ମଧ୍ୟ ଟିକେଟ୍ ବୁକିଂ କରିପାରିବେ । ୨ଡି, ୩ଡି, ଆଇମ୍ୟାକ୍ସ ୨ଡି, ୪ଡିଏକସ, ୪ଡିଏକ୍ସ ୩ଡି ଓ ଆଇମ୍ୟାକ୍ସ ୩ଡିରେ ଆପଣମାନେ ‘ପୁଷ୍ପା-୨’ର ଟିକେଟ୍ ବୁକିଂ କରିପାରିବେ । ଟିକେଟର ରେଟ୍ ଶୋ’ର ଟାଇମିଂ ଭର୍ସନ ହିସାବରେ କମ୍ ଓ ଅଧିକ ରହିଥାଏ ।