ପୁଷ୍ପା ଚଳଚ୍ଚିତ୍ରକୁ ୭ ଆୱାର୍ଡ: କିଏ ହେଲେ ଫିଲ୍ମଫେୟାର-୨୦୨୨ର ସର୍ବଶ୍ରେଷ୍ଠ ଆକ୍ଟର?

ନୂଆଦିଲ୍ଲୀ: ୬୭ତମ ପାର୍ଲେ ଫିଲ୍ମଫେୟାର ଆୱାର୍ଡସ ଫର ସାଉଥ-୨୦୨୨ରେ ଜବରଦସ୍ତ ରେକର୍ଡ କରିଛଇ ପୁଷ୍ପା । ଅଲ୍ଲୁ ଅର୍ଜୁନ ଏବଂ ରଶ୍ମିକାଙ୍କ ଅଭିନୀତ ଏହି ଫିଲ୍ମ ଫେୟାରରେ ଦେଖାଇଛି ଜଲୱା । ଚଳିତବର୍ଷ ଫିଲ୍ମଫେୟାରର ଅନେକ କାଟାଗୋରୀରେ ନିଜକୁ ସାମିଲ କରିବା ସହ ଟ୍ରଫି ମଧ୍ୟ ନିଜ ନାଁରେ କରି ନେଇଛି । ଫିଲ୍ମଫେୟାରରେ ପୁଷ୍ପା କ୍ଲିନ ସ୍ୱିପ କରିଥିବା ଟ୍ୱିଟ କରିଛନ୍ତି ଅଭିନେତା ଅଲ୍ଲୁ ଅର୍ଜୁନ ।

ଗତବର୍ଷ ରିଲିଜ ହୋଇଥିବା ‘ପୁଷ୍ପା-ଦ ରାଇଜ’ ସାରା ଦେଶରେ ଦର୍ଶକଙ୍କ ମନକୁ ବେଶ ଛୁଇଁଥିଲା । ସବୁ ରେକର୍ଡ ଭାଙ୍ଗି ଥିଏଟରରେ ଦମଦାର କଲେକ୍ସନ କରିଛି ଅଲ୍ଲୁ ଅର୍ଜୁନ ଅଭିନୀତ ପୁଷ୍ପା । ଥିଏଟର ଏବଂ ସିନେମା ହଲ ପରେ ଏବେ ଫିଲ୍ମଫେୟାରରେ ମଧ୍ୟ ପୁଷ୍ପା ଟ୍ରେଣ୍ଡ ଦେଖିବାକୁ ମିଳିଛି । ଏ ନେଇ ନିଜ ଅଫିସିଆଲ ଟ୍ୱିଟର ଆକାଉଣ୍ଟରୁ ପୋଷ୍ଟ କରିଛନ୍ତି ଅଭିନେତା ଅର୍ଜୁନ । ପୋଷ୍ଟରେ ହାସଟ୍ୟାଗ ପୁଷ୍ପା… କ୍ଲିନ ସ୍ୱିପ ଆଟ ଫିଲ୍ମଫେୟାର ଲେଖି ପୋଷ୍ଟ କରିଛନ୍ତି ଅଲ୍ଲୁ ଅର୍ଜୁନ । ଏହା ସହିତ ଆଗକୁ ସେ ଲେଖିଛନ୍ତି ଯେ, ସେ ବେଷ୍ଟ ଆକ୍ଟର ଆୱାର୍ଡରେ ସମ୍ମାନିତ ହୋଇଥିବା ବେଳେ ସୁକୁମାରଙ୍କୁ ସର୍ବଶ୍ରେଷ୍ଠ ନିର୍ଦ୍ଦେଶକ ଭାବରେ ସମ୍ମାନିତ କରାଯାଇଛି । ସେହିପରି ସାଇ ପଲ୍ଲବୀଙ୍କୁ ‘ଲଭ୍ ଷ୍ଟୋରୀ’ ପାଇଁ ବେଷ୍ଟ ଆକ୍ଟ୍ରେସର ଆୱାର୍ଡ ପ୍ରଦାନ କରାଯାଇଛି ।

ଏହା ସହିତ ଅଲ୍ଲୁ ଅର୍ଜୁନଙ୍କ ପିତା ଅଲ୍ଲୁ ଅରବିନ୍ଦଙ୍କୁ ଫିଲ୍ମଫେୟାର ଲାଇଫଟାଇମ ଆଚିଭ ମେଣ୍ଟ ଆୱାର୍ଡରେ ସମ୍ମାନିତ କରାଯାଇଛି । ‘ଲାଇଫ ଅଫ ରାମ ଫ୍ରମ ଜାନୁ’ ପାଇଁ ଗୀତିକାର ସିରିବେନେଲା ସୀତାରାମ ଶାସ୍ତ୍ରୀଙ୍କୁ ପୁରସ୍କୃତ କରାଯାଇଛି । ଶ୍ରେଷ୍ଠ ନିଉ କମର୍ ଭାବେ ବେଷ୍ଣବ ତେଜ ଏବଂ କୃତି ଶେଟ୍ଟୀଙ୍କୁ ପୁରସ୍କାର ମିଳିଛି । ଥାଲାଇଭି ପାଇଁ ଅରବିନ୍ଦ ସ୍ୱାମୀଙ୍କୁ ମିଳିଛି ବେଷ୍ଟ ଆକ୍ଟରର ଆୱାର୍ଡ ।

ଅନ୍ୟ ପକ୍ଷରେ ନେସନାଲ ଆୱାର୍ଡ ପ୍ରାପ୍ତ ଅଭିନେତା ସୁପରଷ୍ଟାର ସୂର୍ଯ୍ୟାଙ୍କୁ ସୋରାରଇ ପୋଟରୁରେ ଜବରଦସ୍ତ ପ୍ରଦର୍ଶନ ପାଇଁ ବେଷ୍ଟ ତାମିଲ ଆକ୍ଟର ଭାବରେ ସମ୍ମାନିତ କରାଯାଇଛି । ଲିଜୋମୋଲ ଜୋସଙ୍କୁ ଶ୍ରେଷ୍ଠ ଅଭିନେତ୍ରୀର ମାନ୍ୟତା ମିଳିଥିବା ବେଳେ ସୋରାରଇ ପୋଟରୁ ତାମିଲ ଇଣ୍ଡଷ୍ଟ୍ରି ପାଇଁ ଅନେକ ଫିଲ୍ମଫେୟାର ପୁରସ୍କାର ହାସଲ କରିଛି ।