PVR INOX ଲଞ୍ଚ କଲା ଧମାକା ସବସ୍କ୍ରିପସନ ପ୍ଲାନ, ୧୦ଟି ଫିଲ୍ମ ଦେଖିବା ପାଇଁ ଦେବାକୁ ପଡିବ ମାତ୍ର ଏତିକି ଟଙ୍କା
ନୂଆଦିଲ୍ଲୀ: ଦେଶରେ ମଲ୍ଟିପ୍ଲେକ୍ସ ଚେନ ଚଳାଉଥିବା କମ୍ପାନୀ ପିଭିଆର ଆଇନକ୍ସ ଫିଲ୍ମ ଦେଖୁଥିବା ଲୋକଙ୍କ ପାଇଁ ୬୯୯ ଟଙ୍କାର ମାସିକ ସବସ୍କ୍ରିପସନ ପ୍ଲାନକୁ ପ୍ରଣୟନ କରିଛନ୍ତି । ଏହି ପ୍ଲାନ ମାଧ୍ୟମରେ ସବସ୍କ୍ରିପସନ ନେଉଥିବା ବ୍ୟକ୍ତି ପିଭିଆର ଅଇନକ୍ସର ମଲ୍ଟିପ୍ଲେକ୍ସକୁ ଯାଇ ଗୋଟିଏ ମାସରେ ୧୦ଟି ଫିଲ୍ମ ଦେଖିପାରିବେ । ଏହି ଅଫର ସେହି ଲୋକଙ୍କ ପାଇଁ ଲାଭଦାୟକ ହୋଇପାରିବ, ଯେଉଁମାନେ ମାସକୁ ବହୁବାର ମୁଭି ଦେଖିବାକୁ ଯାଉଛନ୍ତି ।
ପିଭିଆର ଆଇନକ୍ସ ପକ୍ଷରୁ ପ୍ରଦାନ କରାଯାଇଥିବା ଏହି ମାସିକ ଯୋଜନାର ନାମ ପିଭିଆର ଆଇନକ୍ସ ପାସପୋର୍ଟ ରଖାଯାଇଛି । କମ୍ପାନୀର ୱେବସାଇଟରେ ଦିଆଯାଇଥିବା ସୂଚନା ମୁତାବକ ଏହି ପ୍ଲାନରେ ପାଖାପାଖି ୩ ମାସର ସବସ୍କ୍ରିପସନ ନେବାକୁ ହେବ । ଏହା ଅର୍ଥ ଆପଣଙ୍କୁ ଏକସାଙ୍ଗରେ ୨୦୯୭ ଟଙ୍କା ଖର୍ଚ୍ଚ କରିବାକୁ ପଡିବ ।
ପିଭିଆର ଆଇନକ୍ସ ପାସପୋର୍ଟ ଅନୁଯାୟୀ, ଯେକୌଣସି ବ୍ୟକ୍ତି କେବଳ ସୋମବାର ରୁ ଗୁରୁବାର ପର୍ଯ୍ୟନ୍ତ ସିନେମ ହଲ ଯାଇ ଫିଲ୍ମ ଦେଖିପାରିବେ । ଏଥି ସହିତ କମ୍ପାନୀ ଏହାର ମାସିକ ସବସ୍କ୍ରିପସନ୍ ଯୋଜନାରୁ IMAX, ଗୋଲ୍ଡ, LUXE ଏବଂ ଡ଼ାଇରେକ୍ଟର କଟ୍ ପରି ପ୍ରିମିୟମ୍ ପ୍ରେକ୍ଷାଳୟକୁ ବାଦ ଦେଇଛି । ଏହାର ଅର୍ଥ ଆପଣ ଏହି ଯୋଜନା ମାଧ୍ୟମରେ PVR ଆଇନକ୍ସର ପ୍ରିମିୟମ୍ ଥିଏଟରକୁ ଯାଇପାରିବେ ନାହିଁ ।
ନ୍ୟୁଜ୍ ଏଜେନ୍ସି ପିଟିଆଇ ସହିତ କଥାବାର୍ତ୍ତା କରି ପିଭିଆର ଆଇନକ୍ସ କୋ-ସିଇଓ ଗୌତମ ଦତ୍ତା କହିଛନ୍ତି ଯେ, କମ୍ପାନୀ ସେମାନଙ୍କ ଚଳଚ୍ଚିତ୍ର ଦେଖିବାର ଅଭ୍ୟାସ ଜାଣିବା ପାଇଁ ଗ୍ରାହକଙ୍କ ସହ ଯୋଗାଯୋଗରେ ରହିଥାଏ। ଗ୍ରାହକଙ୍କ ମଧ୍ୟରେ ଏକ ଭାବନା ଅଛି ଯେ, ସେମାନେ ସିନେମା ହଲକୁ ଯାଇ ଚଳଚ୍ଚିତ୍ର ଦେଖିବାକୁ ପସନ୍ଦ କରନ୍ତି।
