(Video)ବସ୍ତାଏ ଖୁଚୁରା ଟଙ୍କାରେ ଭିକାରୀ କିଣିଲା iPhone 15, ଦେଖନ୍ତୁ…
ଓଡିଶା ଭାସ୍କର; ସାଧାରଣତଃ ଅନ୍ୟ ମୋବାଇଲ ଅପେକ୍ଷା ଆଇଫୋନ ହେଉଛି ଏକ ଦାମୀ ମୋବାଇଲ । ଧନୀବ୍ୟକ୍ତି ମାନେ ଏହି ଆଇଫୋନକୁ ବ୍ୟବହାର କରିବାକୁ ଖୁବ ଆଗ୍ରହ ପ୍ରକାଶ କରିଥା’ନ୍ତି । ଅନ୍ୟପଟେ ସାଧାରଣ ଲୋକମାନେ ଏହି ଫୋନରେ ଏତେ ଖର୍ଚ୍ଚ କରିବାକୁ ସକ୍ଷମ ହୋଇନଥା’ନ୍ତି । ହେଲେ ଏକ ଭିଡିଓ ଯାହା ସୋସିଆଲ ମିଡ଼ିଆରେ ଘୁରି ବୁଲଛି ତାହା ସମସ୍ତଙ୍କୁ ଆଶ୍ଚର୍ଯ୍ୟ ଓ ଉତ୍ସାହିତ କରିଛି । ଜଣେ ଭିକାରୀ ନିଜର ସଞ୍ଚିତ ଗୋଟିଏ ବସ୍ତା ଖୁଚୁରା ଟଙ୍କାରେ iPhone 15 ଭଳି ଏକ ଦାମୀ ମୋବାଇଲ କିଣିଛନ୍ତି । ବାସ୍ତବରେ ଭିଡିଓରେ ଥିବା ବ୍ୟକ୍ତି ଜଣଙ୍କ ଜଣେ ଭିକାରୀ ନୁହେଁ । ଜଣେ ଯୁବକ ସୋସିଆଲ ମିଡ଼ିଆ ମାଧ୍ୟମରେ ଏକ ସାମାଜିକ ପରୀକ୍ଷଣ କରିବାକୁ ଚେଷ୍ଟା କରିଛନ୍ତି ।
ନିକଟରେ, ‘ଏକ୍ସପେରିମେଣ୍ଟ କିଙ୍ଗ’ ନାମକ ଏକ ଇନଷ୍ଟାଗ୍ରାମ ଚ୍ୟାନେଲ ଗୋଟିଏ ସାମାଜିକ ପରୀକ୍ଷଣ କରିଥିଲା । ଯଦି ଜଣେ ଭିକାରୀ ଆଇଫୋନ୍ କିଣିବାକୁ ଦୋକାନକୁ ଯାଏ ତେବେ ଦୋକାନୀମାନେ ତାଙ୍କୁ କିପରି ପ୍ରତିକ୍ରିୟା ଦେବେ, ଏହାକୁ ନେଇ ସେ ପରୀକ୍ଷଣ କରିଥିଲେ । ଭିଡିଓରେ, ଭିକାରୀ ବେଶରେ ଜଣେ ବ୍ୟକ୍ତି iPhone 15 କିଣିବା ପାଇଁ ମୁଦ୍ରା ଭର୍ତ୍ତି ଏକ ଅଖା ସହିତ ଯୋଧପୁରର ମୋବାଇଲ୍ ଶୋ’ରୁମ୍ ପରିଦର୍ଶନ କରୁଥିବା ଦେଖିବାକୁ ମିଳିଥିଲା। ମୁଦ୍ରା ଭାବରେ ଦେୟ ଗ୍ରହଣ କରିବାକୁ ଅନେକ ଦୋକାନୀ ତାଙ୍କୁ ମନା କରିଦେଲେ ।
ଗୋଟିଏ ପରେ ଗୋଟିଏ ଦୋକାନ ସେ ବୁଲିବା ପରେ ଶେଷରେ ଜଣେ ଦୋକାନୀ ତାଙ୍କର ଖୁଚୁରା ଟଙ୍କାକୁ ଗ୍ରହଣ କରିବାକୁ ରାଜି ହୋଇଥିଲେ । ଏହା ପରେ ଭିକାରୀ ଜଣକ ଚଟାଣରେ ଅଖା ଖାଲି କରି ଦୋକାନୀଙ୍କୁ ଖୁଚୁରା ଟଙ୍କା ଦେଇଥିବାର ନଜର ଆସିଛନ୍ତି । ପରେ, ଭିଡିଓରେ ଦୋକାନୀ କର୍ମଚାରୀମାନେ ମୁଦ୍ରା ଗଣନା କରୁଥିବା ଦେଖାଯାଇଛି । ଭିକାରୀ ଜଣଙ୍କ ତା’ପରେ ଆଇଫୋନ୍ ପ୍ରୋ ମ୍ୟାକ୍ସ ମୋବାଇଲ କିଣି ନେଇଛନ୍ତି । ତେବେ ଏହି ଭିଡିଓକୁ ଅନେକ ଜଣ ସେୟାର କରିବା ସହ ବିଭିନ୍ନ ମତ ପ୍ରକାଶ ମଧ୍ୟ କରିଛନ୍ତି । ବର୍ତ୍ତମାନ ସାମାଜିକ ସ୍ଥିତି କଣ ରହିଛି ତାହା ଉକ୍ତ ପରୀକ୍ଷଣରୁ ଅନୁଧ୍ୟାନ ହୋଇପାରିଛି । ତେବେ ଭିକାରୀଙ୍କୁ ଦାମୀ ଦୋକାନରେ ଦେଖି ଦୋକାନୀଙ୍କ ଭିନ୍ନ ପ୍ରତିକ୍ରିୟା ଦେବାକୁ ନେଇ ଉକ୍ତ ଭିଡିଓରେ ଅନେକ ମତ ପ୍ରକାଶ ପାଇଛି ।
View this post on Instagram
