ମହାରାଷ୍ଟ୍ର ନିର୍ବାଚନ: ରାହୁଲ ଗାନ୍ଧୀ ଓ ଶରଦ ପାୱାରଙ୍କ ହେଲିକପ୍ଟରକୁ କରାଗଲା ଯାଞ୍ଚ, ସଞ୍ଚୟ ରାଉତଙ୍କ ବ୍ୟାଗ୍ ମଧ୍ୟ…
ମୁମ୍ବାଇ: ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ କଂଗ୍ରେସ ନେତା ତଥା ସାଂସଦ ରାହୁଲ ଗାନ୍ଧୀ ଶନିବାର ଅମରାବତୀରେ ପହଞ୍ଚିଛନ୍ତି । ଏହି ସମୟରେ ନିର୍ବାଚନ ଅଧିକାରୀ (ଇସି) ରାହୁଲ ଗାନ୍ଧୀଙ୍କ ହେଲିକପ୍ଟରକୁ ତଲାସି ନେବା ସହ ତାଙ୍କ ବ୍ୟାଗ ଯାଞ୍ଚ କରିଥିଲେ ।
ଉଦ୍ଧବ ଠାକରେ ଏବଂ ଗୃହମନ୍ତ୍ରୀ ଅମିତ ଶାହାଙ୍କ ବ୍ୟାଗ ଯାଞ୍ଚ କରିବା ପରେ ଏହି ଘଟଣା ଘଟିଛି ।
ବାସ୍ତବରେ, ଇସି ନିକଟରେ ଉଦ୍ଧବ ଠାକରେଙ୍କ ବ୍ୟାଗକୁ ଯାଞ୍ଚ କରିଥିଲେ । ଏହି ଘଟଣା ରାଜନୈତିକ ବିବାଦ ସୃଷ୍ଟି କରିଥିଲା । ଏହା ପରେ ଶୁକ୍ରବାର ଦିନ ଗୃହମନ୍ତ୍ରୀ ଅମିତ ଶାହାଙ୍କ ହେଲିକପ୍ଟର ଏବଂ ବ୍ୟାଗର ଯାଞ୍ଚ କରାଯାଇଥିଲା । ଯାହାର ଭିଡିଓ ସୋସିଆଲ ମିଡିଆରେ ମଧ୍ୟ ସାମ୍ନାକୁ ଆସିଛି । ଏଥି ସହ ବର୍ତ୍ତମାନ ଇସି ରାହୁଲ ଗାନ୍ଧୀଙ୍କ ବ୍ୟାଗର ତଲାସି ନେଇଛନ୍ତି ।
ଖବର ଅନୁଯାୟୀ ରାହୁଲ ଗାନ୍ଧୀଙ୍କୁ ହେଲିକପ୍ଟର ଯାଞ୍ଚ କରୁଥିବା ଏକ ଭିଡିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ଅଧିକାରୀମାନେ ରାହୁଲ ଗାନ୍ଧୀଙ୍କ ହେଲିକପ୍ଟର ଯାଞ୍ଚ କରୁଥିବା ଦେଖିବାକୁ ମିଳିଛି । ଏହି ସମୟରେ କଂଗ୍ରେସ ନେତାମାନେ ଛିଡା ହୋଇଛନ୍ତି । ଯାଞ୍ଚ ବେଳେ ରାହୁଲ ଗାନ୍ଧୀ ଚାଲିଯାଇ ଦଳର ନେତାଙ୍କ ସହ କଥାବାର୍ତ୍ତା ହେଉଥିବା ଦେଖିବାକୁ ମିଳିଥିଲା ।
