ରାହୁଲଙ୍କୁ ବୋମାରେ ଉଡ଼େଇ ଦେବାକୁ ମିଳିଲା ଧମକ.. ମିଠା ଦୋକାନରୁ ମିଳିଲା ଚିଠି
ନୂଆଦିଲ୍ଲୀ: ଭାରତ ଯୋଡ଼ୋ ଯାତ୍ରା ସମୟରେ ରାହୁଲ ଗାନ୍ଧୀ ଇନ୍ଦୋରରେ ପହଞ୍ଚିବା ପରେ ତାଙ୍କୁ ବୋମାରେ ଉଡ଼େଇ ଦେବାକୁ ଧମକ ମିଳିଛିି । ଜୁନି ଇନ୍ଦୋର ପୋଲିସ ଥାନା ପରିସରରେ ଥିବା ଏକ ମିଠା ଦୋକାନରେ ଏକ ଧମକପୂର୍ଣ୍ଣ ଚିଠି ମିଳିଥିବା ଜଣା ପଡ଼ିଛି ।
ମିଳିଥିବା ସୂଚନା ଅନୁସାରେ, ଜୁନି ଇନ୍ଦୋର ପୋଲିସ ଥାନା ପରିସରରେ ଥିବା ସିସିଟିଭି ଫୁଟେଜକୁ ଭଲ ଭାବେ ଯାଞ୍ଚ କରୁଛି । ତେବେ ପାଖାପାଖି ୨୪ ନଭେମ୍ବରରେ , ରାହୁଲ ଗାନ୍ଧୀ ଇନ୍ଦୋରର ଖାଲସା ଷ୍ଟାଡିୟମରେ ରାତି ବିଶ୍ରାମ କରିବେ ବୋଲି ଜଣା ପଡ଼ିଛି । ଅନ୍ୟପଟେ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି । ଜୁନି ଇନ୍ଦୋର ପୋଲିସ ଏବଂ କ୍ରାଇମ ବ୍ରାଞ୍ଚ ମିଳିଥିବା ଧମକପୂର୍ଣ୍ଣ ଚିଠି କୁ ଖୋଜିବାରେ ଲାଗି ପଡ଼ିଛନ୍ତି । ତେବେ ଏହି ଚିଠି ମିଲିବା ପରେ ସାରା ଦେଶରେ ଚାଞ୍ଚଲ୍ୟ ଖେଳି ଯାଇଛି ।
ରାହୁଲ ଗାନ୍ଧୀ କନ୍ୟାକୁମାରୀରୁ କାଶ୍ମୀର ପର୍ଯ୍ୟନ୍ତ ପାଦରେ ‘ଭାରତ ଯୋଡ଼ୋ ଯାତ୍ରା’ କରୁଛନ୍ତି । ଭାରତ ଯୋଡ଼ୋ ଯାତ୍ରା ୨୦ ନଭେମ୍ବରରେ ମଧ୍ୟପ୍ରଦେଶରେ ପ୍ରବେଶ କରିବ । କଂଗ୍ରେସ ନେତାମାନେ ଏହି ଯାତ୍ରାରେ ରାହୁଲ ଗାନ୍ଧୀଙ୍କ ସହ ଚାଲିବାକୁ ପ୍ରସ୍ତୁତ ହେଉଛନ୍ତି । କଂଗ୍ରେସ ନେତା ତଥା ନଗର ସଭାପତି ରବି ଭଦୋରିଆ କହିଛନ୍ତି ଯେ ରାହୁଲ ଗାନ୍ଧୀଙ୍କ ଭାରତ ଯୋଡ଼ୋ ଯାତ୍ରା ପ୍ରତି ଲୋକଙ୍କ ମଧ୍ୟରେ ବହୁତ ଉତ୍ସାହ ରହିଛି । ସମସ୍ତ ଶ୍ରେଣୀର ଲୋକମାନେ ସିଧାସଳଖ ଭାରତ ଯୋଡ଼ୋ ଯାତ୍ରା ସହିତ ସଂଯୋଗ ହେଉଛନ୍ତି । ଏହି ଯାତ୍ରା ମାଲୱା ଅଞ୍ଚଳରେ ଜୋରସୋରରେ ଚାଲିବ ବୋଲି ସୂଚନା ମିଳିଛି । ହଜାର ହଜାର ଯୁବକ ଭାରତ ଯୋଡୋ ଯାତ୍ରାର ଏକ ଅଂଶ ହେବେ ।
इंदौर में भारत जोड़ो यात्रा के दौरान राहुल गांधी को मिली बम से उड़ाने की धमकी, मिठाई किं दुकान पर मिले पत्र से पुलिस महकमे में मची खलबली, इंदौर पुलिस जुटी जांच में @ABPNews @abplive pic.twitter.com/jYnhKGxBD4
— firoz khan (@firozkhan911) November 18, 2022
