(video)‘ଦେଶ ପାଇଁ ରାହୁଲ ଗାନ୍ଧୀ ଜୀବନ ଦେଇ ସହୀଦ ହୋଇଛନ୍ତି’, ମହାର୍ୟାଲିରେ ଏପରି କହିଲେ ଖଡ୍ଗେ
ନୂଆଦିଲ୍ଲୀ: ଗତକାଲି ଦିଲ୍ଲୀର ରାମଲୀଳା ମଇଦାନରେ ଇଣ୍ଡିଆ ମେଣ୍ଟର ମହାର୍ୟାଲି ଆୟୋଜନ କରାଯାଇଥିଲା । ଏହି ର୍ୟାଲିରେ ରାହୁଲ ଗାନ୍ଧୀ, ସୋନିଆ ଗାନ୍ଧୀ, ତେଜସ୍ୱୀ ଯାଦବଙ୍କ ସହିତ ୨୮ ବିରୋଧୀ ଦଳର ନେତା ସାମିଲ ହୋଇଥିଲେ । ସମସ୍ତେ ର୍ୟାଲି ମଞ୍ଚରୁ କେନ୍ଦ୍ର ସରକାରଙ୍କୁ ଟାର୍ଗେଟ୍ କରିଥିଲେ । ତେବେ ଯେତେବେଳେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡ୍ଗେ ମଞ୍ଚକୁ କହିବାକୁ ଆସିଥିଲେ ସେତେବେଳେ ସେ ରାହୁଲ ଗାନ୍ଧୀଙ୍କୁ ନେଇ ଏପରି କହିଦେଲେ ଯାହାକୁ ନେଇ ବିରୋଧୀ ଏବେ ତାଙ୍କ ମଜାକ୍ ଉଡାଉଛନ୍ତି ।
ଋାମଲୀଳା ମଇଦାନରେ ବିରୋଧୀଙ୍କ ମହାର୍ୟାଲିରେ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ରାହୁଲ ଗାନ୍ଧୀଙ୍କୁ ସହୀଦ ବୋଲି କହିଦେଲେ । ସେ କହିଥିଲେ, ‘ଆମେ ତ ଦେଶର ସ୍ୱାଧୀନତା ପାଇଁ ଲଢେଇ କରିଛୁ, ରକ୍ତ ଦେଇଛୁ । ଦେଶକୁ ଏକ ରଖିବା ପାଇଁ ଇନ୍ଦିରା ଗାନ୍ଧୀ ନିଜର ଜୀବନ ଦେଇଛନ୍ତି । ରାହୁଲ ଗାନ୍ଧୀ ତାଙ୍କ ଜୀବନ ଦେଇଛନ୍ତି, ତାଙ୍କ ଶରୀର ଦେଶ ପାଇଁ ଖଣ୍ଡ ଖଣ୍ଡ ହୋଇଯାଇଛି । ଇନ୍ଦିରା ଗାନ୍ଧୀ ଦେଶକୁ ଏକ ରଖିବା ପାଇଁ ୩୨ ଗୁଳି ଖାଇଛନ୍ତି ।’
देश के लिए राहुल गांधी जी ने अपनी जान दी, उनके शरीर के टुकड़े-टुकड़े हो गए…
जब तक राहुल गांधी का हिसाब नहीं कर देते, तब तक मल्लिकार्जुन खड़गे जी चैन से नहीं बैठेंगे।
वीडियो से एक बात और साबित हो गई कि 5,000 लोग भी रैली में नहीं थे। pic.twitter.com/YDncMnLbCk
— Amit Malviya (मोदी का परिवार) (@amitmalviya) March 31, 2024
ତେବେ ବିଜେପି ନେତା ଅମିତ ମାଲବ୍ୟ ଏହି ଭିଡିଓ ସେୟାର କରି କଂଗ୍ରେସର ମଜାକ୍ ଉଡାଇଛନ୍ତି । ଭିଡିଓ ସେୟାର କରି ସେ କହିଛନ୍ତି, ‘ଦେଶ ପାଇଁ ରାହୁଲ ଗାନ୍ଧୀଜୀ ନିଜ ଜୀବନ ଦେଇଛନ୍ତି । ତାଙ୍କ ଶରୀର ଖଣ୍ଡ ଖଣ୍ଡ ହୋଇଯାଇଛି । ଯେ ପର୍ଯ୍ୟନ୍ତ ରାହୁଲ ଗାନ୍ଧୀଙ୍କ ହିସାବ ପୁରା କରିନାହାନ୍ତି ସେ ପର୍ଯ୍ୟନ୍ତ ଖଡଗେ ବି ଶାନ୍ତିରେ ବସି ପାରିବେ ନାହିଁ ।’ତେବେ ଏହା ପ୍ରଥମ ଥର ପାଇଁ ନୁହେଁ କି ଖଡଗେଙ୍କ ପାଟିରୁ ରାହୁଲଙ୍କୁ ନେଇ ଏପରି କଥା ଖସିଯାଇଛି । ଗତ ବର୍ଷ ନଭେମ୍ବର ମାସରେ ମଧ୍ୟ ସେ ବିଧାନସଭା ନିର୍ବାଚନ ସମୟରେ ଏପରି ବୟାନ ଦେଇଥିଲେ । ସେ କହିଥିଲେ ଦେଶର ଏକତା ପାଇଁ ରାହୁଲ ଗାନ୍ଧୀଙ୍କ ଭଳି ନେତା ନିଜ ଜୀବନ ଦେଇଛନ୍ତି । ଏହାପରେ ସେ ତୁରନ୍ତ ନିଜ ଭୁଲ୍ ଜାଣିପାରି ଏହାକୁ ସଂଶୋଧନ କରିଥିଲେ ।
