ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମର୍ଥନରେ ଆମେରିକାରେ ର୍ୟାଲି, ସାମ୍ନାକୁ ଆସିଲା ଫଟୋ
ନୂଆଦିଲ୍ଲୀ:ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମର୍ଥନରେ କେବଳ ଦେଶ ଭିତରେ ନୁହେଁ ଦେଶ ବାହାରେ ବି ର୍ୟାଲିର ଆୟୋଜନ କରାଯାଉଛି । ଏହି ର୍ୟାଲିର ଚିତ୍ର ଏବେ ସାମ୍ନାକୁ ଆସିଛି । ଲୋକସଭା ନିର୍ବାଚନ ତାରିଖ ଘୋଷଣା ପରେ ଗଣତନ୍ତ୍ରର ଏହି ମହାପର୍ବ ଲାଗି ଉତ୍ସାହ ଲୋକଙ୍କ ମଧ୍ୟରେ ଦେଖିବାକୁ ମିଳିଛି । ଏହି କ୍ରମରେ କିଛି ଖବର ବିଦେଶରୁ ବି ଆସିବାରେ ଲାଗିଛି ।
ଆମେରିକାରୁ କିଛି ଚିତ୍ର ସାମ୍ନାକୁ ଆସିଛି ଯେଉଁଥିରେ କିଛି ଲୋକ ହାତରେ ବିଜେପିର ପତାକା ଧରିଥିବାର ନଜର ଆସୁଛନ୍ତି । ସୂଚନା ମିଳିଛି କି ସାନ୍ ଫ୍ରାନସିସକୋରେ ଏକତା ଓ ମୋଦୀଙ୍କ ପ୍ରତି ସମର୍ଥନ ଦେଖାଇବା ପାଇଁ ରବିବାର ‘ମୋଦୀ କା ପରିବାର ମାର୍ଚ୍ଚ’ ଲାଗି ଗୋଲ୍ଡେନ ଗେଟ୍ ବ୍ରିଜ୍ରେ ଲୋକମାନେ ଏକତ୍ରୀତ ହୋଇଥିଲେ । ୨୦୨୪ ଲୋକସଭା ନିର୍ବାଚନରେ ମୋଦୀଙ୍କ ନେତୃତ୍ୱ ଓ ‘ଅବ୍କୀ ବାର୍ ୪୦୦ ପାର୍’ ସମର୍ଥନରେ ଲୋକମାନେ ଏକତ୍ରୀତ ହୋଇଥିଲେ ।
US: In a show of unity and support in San Francisco, people from across the San Francisco Bay Area convened at the iconic Golden Gate Bridge for the 'Modi Ka Parivar' march on April 7. The march, organized by the Overseas Friends of BJP-USA, showcased the support for Prime… pic.twitter.com/LSw1Es0zyg
— ANI (@ANI) April 8, 2024
ସେହିପରି ଆଉ ଏକ ଚିତ୍ର ୱାଶିଂଟନ୍ ଡିସିରୁ ଆସୁଛି । ଏଥିରେ ଲୋକମାନେ ‘ମୋଦୀ କା ପରିବାର ମାର୍ଚ୍ଚ’ ଟି’ ସାର୍ଟ ପିନ୍ଧି ନଜର ଆସୁଛନ୍ତି । ଏମାନେ ଆମେରିକା, ଭାରତ ଓ ବିଜେପିର ପତାକା ଧରି କ୍ୟାପିଟାଲ୍ ହିଲ୍ ନିକଟରେ ଜମା ହୋଇଛନ୍ତି । ଏମାନେ ମୋଦୀଙ୍କ ନାରା ଲେଖାଯାଇଥିବା ପ୍ଲାକାର୍ଡ ଦେଖାଇ ୱାଶିଂଟନ ସ୍ମାରକ ଆଡକୁ ମାର୍ଚ୍ଚ କରିଛନ୍ତି ।
କୁହାଯାଉଛି କି ବିଜେପିର ଓଭରସିଜ୍ ଫ୍ରେଣ୍ଡ ମୋଦୀଙ୍କ ସମର୍ଥନରେ ଓ ଭାରତରେ ଲୋକସଭା ନିର୍ବାଚନରେ ଏନଡିଏ ୪୦୦ରୁ ଅଧିକ ସିଟ୍ ଜିତିବାର ସମର୍ଥନରେ ଆମେରିକାରେ ୧୬ରୁ ଅଧିକ ସହରରେ ବିଶେଷ ସ୍ଥାନରେ ‘ମୋଦୀ କା ପରିବାର ମାର୍ଚ୍ଚ’ ଆୟୋଜନ କରାଯାଉଛି ।
