(Video) ରାମଲଲାଙ୍କ ‘ସୂର୍ଯ୍ୟ ତିଳକ’: ସୂର୍ଯ୍ୟଙ୍କ ଅଭିଷେକରେ ଝଲସି ଉଠିଲେ ପ୍ରଭୁ ଶ୍ରୀରାମ, ନାଚୁଛି ଅଯୋଧ୍ୟା ନଗରୀ
ଅଯୋଧ୍ୟା: ଜୟ ଶ୍ରୀରାମ, ଜୟ ଶ୍ରୀରାମ ଧ୍ୱନୀରେ କମ୍ପୁଛି ଅଯୋଧ୍ୟ ନଗରୀ । ବର୍ଷ ବର୍ଷ ଅପେକ୍ଷା ପରେ ପୁରୁଷୋତ୍ତମ ପ୍ରଭୁ ଶ୍ରୀରାମଙ୍କ ଅଦ୍ଭୁତ ଠାଣୀ ଦେଖୁଛି ସାରା ଜଗତ । ପବିତ୍ର ରାମ ନବମୀରେ ଦେଖିବାକୁ ମିଳିଛି ଶ୍ରୀ ରାମଲଲାଙ୍କ ଦିବ୍ୟ ଦର୍ଶନ । ରାମ ନବମୀ ଅବସରରେ ପ୍ରଭୁ ରାମଲଲାଙ୍କ ‘ସୂର୍ଯ୍ୟ ତିଳକ’ ସମାପନ ହୋଇଛି । ଏହି ସମୟରେ ସୂର୍ଯ୍ୟଙ୍କ ଅଭିଷେକ ପାଇ ଝଲସି ଉଠିଛନ୍ତି ବାଲକ ରାମ ପ୍ରଭୁ ରାମଲଲା । ଏହାସହିତ ଝଲସୁଛି ସାରା ଅଯୋଧ୍ୟା ମହାନଗରୀ । ଶ୍ରୀରାମଙ୍କ ଲଲାଟରେ ସୂର୍ଯ୍ୟଙ୍କ କିରଣର ଅପୂର୍ବ ଝଲକ ଦେଖିବାକୁ ମିଳିଛି । ଏଭଳି ଏକ ଅଲୌକିକ ଦୃଶ୍ୟ ଦେଖିବା ପରେ ଅଯୋଧ୍ୟା ରାମ ମନ୍ଦିରରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ।
ପବିତ୍ର ରାମ ନବମୀ ଅବସରରେ ଅଯୋଧ୍ୟା ରାମ ମନ୍ଦିରରେ ଶେଷ ହୋଇଛି ପ୍ରଭୁ ରାମଲଲାଙ୍କ ସ୍ୱତନ୍ତ୍ର ପୂଜା । ପ୍ରଭୁଙ୍କ ଏହି ଅପୂର୍ବ ଲୀଳା ଦେଖିବା ପାଇଁ ଅଯୋଧ୍ୟାରେ ଆଜି ଜନସମୁଦ୍ର ଦେଖିବାକୁ ମିଳିଛି । ଦିନ ୧୨ଟା ସମୟରେ ସୂର୍ଯ୍ୟକିରଣରେ ରାମଲଲାଙ୍କ ଅଲୌକିକ ‘ସୂର୍ଯ୍ୟ ତିଳକ’ ଶେଷ ହୋଇଛି । ବୈଜ୍ଞାନିକ ପଦ୍ଧତିରେ ୫.୮ ସେମି ଆଲୋକ ସହିତ ରାମଲାଲାଙ୍କ ‘ସୂର୍ୟ୍ୟ ତିଲକ’ ପକରାଇଛନ୍ତି ମନ୍ଦିରର ପରିଚାଳନା କମିଟି । ଏହି ଅବସରରେ ଏକ ୧୦ ଜଣିଆ ଭାରତୀୟ ବୈଜ୍ଞାନିକ ଟିମ୍ ରାମ ମନ୍ଦିରରେ ନିୟୋଜିତ ହୋଇଥିଲେ। ଦିନ ୧୨ ଟାରୁ ରାମଲାଲାଙ୍କ ମୁହଁରେ ଦର୍ପଣ ଏବଂ ଲେନ୍ସ ବ୍ୟବହାର କରି ପ୍ରାୟ ୩ ରୁ ୩.୫ ମିନିଟ୍ ପର୍ୟ୍ୟନ୍ତ ସୂର୍ୟ୍ୟ କିରଣ ରାମଲଲାଙ୍କ କପାଳରେ ସ୍ଥାପନ କରାଯାଇଥିଲା ।
श्री राम जन्मभूमि मंदिर, अयोध्या से प्रभु श्री रामलला सरकार के मंगल जन्मोत्सव का सीधा प्रसारण
LIVE webcast of Mangal Janmotsav of Prabhu Shri Ramlalla Sarkar, from Shri Ram Janmabhoomi Mandir, Ayodhya https://t.co/WQKw2u10pe— Shri Ram Janmbhoomi Teerth Kshetra (@ShriRamTeerth) April 17, 2024
ଦର୍ପଣ ଏବଂ ଲେନ୍ସ ବ୍ୟବହାର କରି ଏକ ଉପକରଣ ପ୍ରସ୍ତୁତ କରିଥିଲେ ଭାରତୀୟ ବୈଜ୍ଞାନିକ । ଯାହାଦ୍ୱାରା ଆଜି ଅଲୌକିକ ଢଙ୍ଗରେ ଅନୁଷ୍ଠିତ ହୋଇଛି ପ୍ରଭୁ ରାମଲଲାଙ୍କ ‘ସୂର୍ଯ୍ୟ ତିଳକ’ । ଏହାପରେ ଭଗବାନ ଶ୍ରୀରାମଙ୍କ ବିଶେଷ ପୂଜା ବିଧି ଅନୁଷ୍ଠିତ ହୋଇଛି ଏବଂ ଆଳତୀ ହୋଇଛି । ତେବେ ଆଜି ପାଇଁ ଶ୍ରଦ୍ଧାଳୁଙ୍କ ଦର୍ଶନ ସମୟ ୧୯ ଘଣ୍ଟାକୁ ବୃଦ୍ଧି କରାଯାଇଛି । ଭକ୍ତମାନେ ମଙ୍ଗଳ ଆଳତୀରୁ ଆରମ୍ଭ କରି ରାତି ୧୧ଟା ପର୍ଯ୍ୟନ୍ତ ରାମଲଲାଙ୍କ ଦିବ୍ୟ ଦର୍ଶନ କରିପାରିବେ ।
