କମ୍ ହେବନି ହୋମ୍ ଲୋନର EMI, ରେପୋ ରେଟରେ ପୁନର୍ବାର କିଛି ପରିବର୍ତ୍ତନ କଲାନାହିଁ ରିଜର୍ଭ ବ୍ୟାଙ୍କ
ନୂଆଦିଲ୍ଲୀ: ୨୦୨୪ ବର୍ଷର ପ୍ରଥମ ମୁଦ୍ରା ନୀତି ଘୋଷଣା କରିବାବେଳେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଗଭର୍ଣ୍ଣର ଶକ୍ତିକାନ୍ତ ଦାସ ରେପୋ ହାରରେ କୌଣସି ପରିବର୍ତ୍ତନ କରିନାହାଁନ୍ତି । ଏହାର ମୁଦ୍ରା ନୀତି ସମୀକ୍ଷାର ନିଷ୍ପତ୍ତି ଅନୁଯାୟୀ ଆରବିଆଇ ରେପୋ ହାର ହ୍ରାସ କରି ନାହିଁ, ତେଣୁ ରେପୋ ହାର ୬.୫୦ ପ୍ରତିଶତରେ ରହିଛି ।
ଲୋନର ଇଏମଆଇରେ ଆରାମ ମିଳିବାର କୌଣସି ସମ୍ଭାବନା ନାହିଁ :-
ବ୍ୟାଙ୍କର କ୍ରେଡିଟ ପଲିସି ପରେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ତାଙ୍କ ସମ୍ବୋଧନରେ ଏହା ଘୋଷଣା କରିଛନ୍ତି । ଏହାର ଅର୍ଥ ହେଉଛି ବର୍ତ୍ତମାନ ଆପଣଙ୍କ ଲୋନର ଇଏମଆଇରେ ରିଲିଫ୍ ମିଳିବାର କୌଣସି ସମ୍ଭାବନା ନାହିଁ । ଏହି ମୁଦ୍ରା ନୀତି କମିଟି ବୈଠକ ଫେବୃଆରୀ ୬ ରୁ ଆରମ୍ଭ ହୋଇ ଆଜି ଶେଷ ହୋଇଛି ।
ଶେଷ ସଭା ୮ ଡିସେମ୍ବର ୨୦୨୩ ରେ ଅନୁଷ୍ଠିତ ହୋଇଥିଲା
ଶେଷ ଥର ପାଇଁ ଆରବିଆଇର ତିନି ଦିନିଆ ମୁଦ୍ରା ନୀତି ୮ ଡିସେମ୍ବର ୨୦୨୩ ରେ ଜାରି ହୋଇଥିଲା । ଏଥିରେ କେନ୍ଦ୍ରୀୟ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କହିଥିଲେ ଯେ କେନ୍ଦ୍ରୀୟ ବ୍ୟାଙ୍କ ‘ସ୍ଥିତି’ ବଜାୟ ରଖିଛି ।
