ମୁଣ୍ଡରେ ୨ଟି କଟ୍, ଆଣ୍ଠୁରେ ଆଘାତ…ଋଷଭଙ୍କ କ୍ୟାରିୟରରେ ପଡ଼ିବ କି ପ୍ରଭାବ ? ଜାଣନ୍ତୁ କ’ଣ କହିଲା BCCI
ନୂଆଦିଲ୍ଲୀ: ଟିମ୍ ଇଣ୍ଡିଆର ଷ୍ଟାର କ୍ରିକେଟର ଋଷଭ ପନ୍ତଙ୍କର କାର୍ ଦୁର୍ଘଟଣାଗ୍ରସ୍ତ ହୋଇଛି । ଦିଲ୍ଲୀରୁ ଉତ୍ତରାଖଣ୍ଡ ଯାଉଥିବା ସମୟରେ ଋଷଭଙ୍କର ଦୁର୍ଘଟଣା ହୋଇଥିଲା, ଯାହାଫଳରେ ସେ ଗୁରୁତର ଆହତ ହୋଇଛନ୍ତି । ୩୦ ଡିସେମ୍ବର ସକାଳେ ଏହି ଖବର ସାମ୍ନାରେ ଆସିବା ପରେ କ୍ରିକେଟ୍ ଜଗତରେ ହଇଚଇ ସୃଷ୍ଟି ହୋଇଛି । ଏହା ସହ ଫ୍ୟାନ୍ସମାନେ ମଧ୍ୟ ଚିନ୍ତାରେ ପଡ଼ିଯାଇଛନ୍ତି । ଋଷଭଙ୍କର ଚିକିତ୍ସା ଚାଲିଛି, କିନ୍ତୁ ଏବେ ତାଙ୍କ କ୍ୟାରିୟରକୁ ନେଇ ଚିନ୍ତା ହେଉଛି ।
ଭାରତ-ବାଂଲାଦେଶ ଟେଷ୍ଟ ସିରିଜ୍ ପରେ ଋଷଭ ପନ୍ତ ଏବେ ଫ୍ରି ଥିଲେ, କାହିଁକି ନା ତାଙ୍କୁ ଶ୍ରୀଲଙ୍କା ସିରିଜ୍ ପାଇଁ ଚୟନ କରାଯାଇନଥିଲା । ଏପରି ପରିସ୍ଥିତିରେ ସେ ନିଜ ଘରକୁ ଯାଉଥିଲେ । କିନ୍ତୁ ଗାଡ଼ିର ଡିଭାଇଡର ଧକ୍କା ହେବାକୁ ବଡ଼ ଦୁର୍ଘଟଣା ହୋଇଗଲା । ଋଷଭଙ୍କୁ ଗମ୍ଭୀର ଆଘାତ ମଧ୍ୟ ଲାଗିଛି ।
ଚିକିତ୍ସା କରୁଥିବା ଡାକ୍ତର ସୁଶୀଲ ନାଗର କହିଛନ୍ତି ଯେ, ତାଙ୍କ ମଥା ଓ ଓ ଆଣ୍ଠୁରେ ଗମ୍ଭୀର ଆଘାତ ଲାଗିଛି । ପ୍ରଥମେ କରାଯାଇଥିବା ଏକ୍ସ-ରେ ରେ ଶରୀରରେ ଭଙ୍ଗା ବା ଜଳିବାର କୌଣସି ଜିନିଷ ସାମ୍ନାକୁ ଆସିନଥିଲା । କିନ୍ତୁ ଏବେ ଏମଆରଆଇ ଓ ବାକି ଅନ୍ୟ ରିପୋର୍ଟକୁ ଅପେକ୍ଷା କରାଯାଇଛି, ଯାହାପରେ ସ୍ଥିତି ବିଷୟରେ ସ୍ପଷ୍ଟ ହୋଇଯିବ ।
ଅନ୍ୟପଟେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ବିସିସିଆଇ ସଚିବ ଜୟ ଶାହାଙ୍କ ଦ୍ୱାରା ଋଷଭ ପନ୍ତଙ୍କ ଦୁର୍ଘଟଣାକୁ ନେଇ ବୟାନ ଜାରି କରାଯାଇଛି । ବିସିସିଆଇ ନିଜ ବୟାନରେ କହିଛି ଯେ, ଋଷଭ ପନ୍ତଙ୍କୁ ଦୁର୍ଘଟଣା ପରେ ମେଡିକାଲରେ ଭର୍ତ୍ତି କରାଯାଇଛି । ଲାଗାତାର ଭାବରେ ପରିବାର ଓ ମେଡିକାଲ ସହ ସମ୍ପର୍କ କରୁଛି ବୋର୍ଡ । ବୋର୍ଡ ପକ୍ଷରୁ ବେଷ୍ଟ ଚିକିତ୍ସା ସୁବିଧା ଦେବାକୁ ପ୍ରୟାସ ଚାଲିଛି । ସବୁଠାରୁ ଭଲ ଚିକିତ୍ସା ପାଇଁ ସମସ୍ତ ଅର୍ଥ ଦିଆଯିବ । ଋଷଭ ସମ୍ପୂର୍ଣ୍ଣ ସୁସ୍ଥ ପାଇଁ ସବୁ ପ୍ରକାର ସହଯୋଗ ଦିଆଯିବ ।
Media Statement – Rishabh Pant
The BCCI will see to it that Rishabh receives the best possible medical care and gets all the support he needs to come out of this traumatic phase.
Details here 👇👇https://t.co/NFv6QbdwBD
— BCCI (@BCCI) December 30, 2022
