ଲକ୍ଷାଧିକ ଟଙ୍କାର ସୁନାଗହଣା ଲୁଟିଲେ ଦୁର୍ବୃତ୍ତ, ଝିଅ ବାହାଘର ପାଇଁ ଟଙ୍କା ସାଇତି ଥିଲା ପରିବାର
ଭୁବନେଶ୍ୱର: ଦିନକୁ ଦିନ ରାଜଧାନୀରେ ଲୁଟ୍, ଛିନତାଇ ଭଳି ମାମଲା ବୃଦ୍ଧି ପାଇବାରେ ଲାଗିଛି । ଦିବାଲୋକରେ ବି ପୋଲିସ ଆଖିରେ ଚକମା ଦେଇ ଲୁଟ୍ କରିବାକୁ ଉଦ୍ୟମ କରୁଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି ରାଜଧାନୀର ପାହାଳରେ । ଏହି ଘଟଣା ସାମ୍ନାକୁ ଆସିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି ।
ସୂଚନାରୁ ପ୍ରକାଶ ପାହାଳ ଥାନା ସିଟି ହୋମ୍ ଡୁପ୍ଲେକ୍ସରେ କିଛି ଦୃର୍ବୃତ୍ତ ପଶି ଲୁଟ୍ କରିଥିଲେ । ପରିବାର ଲୋକେ ଝିଅ ବାହାଘର ପାଇଁ ସୁନା ଗହଣା ରଖିଥିଲେ । ସିସିଟିଭି ଭାଙ୍ଗି ପ୍ରାୟ ୬ ଜଣ ଦୁର୍ବୃତ୍ତ ଲୁଟ୍ କରିଥିବା ନେଇ ଥାନାରେ ଏତଲା ଦିଆଯାଇଛି । ଡିଭିଆରରୁ ଭିଡିଓ ସଂଗ୍ରହ କରି ପୋଲିସ ଅଧିକ ତଦନ୍ତ ଜାରି ରଖିଛି ।