ରୋହିତ ଶର୍ମାଙ୍କୁ ନେଇ ବଡ଼ ଖବର, ମୁମ୍ବାଇ ଇଣ୍ଡିଆନ୍ସ ଟିମରୁ ବାହାରିଗଲେ

ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ ୨୦୨୫ର ୧୬ତମ ମ୍ୟାଚରେ ଏକ ବଡ଼ ଖବର ସାମ୍ନାକୁ ଆସିଛି। ମୁମ୍ବାଇ ଇଣ୍ଡିଆନ୍ସର ପୂର୍ବତନ କ୍ୟାପ୍ଟେନ ଏବଂ ବିଶିଷ୍ଟ ଖେଳାଳି ରୋହିତ ଶର୍ମା ଟିମରୁ ବାହାରିଯାଇଛନ୍ତି।

ରୋହିତଙ୍କୁ ଲକ୍ଷ୍ନୌ ବିପକ୍ଷରେ ଖେଳିବାକୁ ଥିବା ପ୍ଲେଇଂ ଇଲେଭେନରେ ସ୍ଥାନ ମିଳିନାହିଁ, ସେହିପରି ସେ ଇମ୍ପ୍ୟାକ୍ଟ ଖେଳାଳିମାନଙ୍କ ତାଲିକାରେ ମଧ୍ୟ ନାହାନ୍ତି। ରୋହିତଙ୍କୁ ନେଟ୍‌ସ ସମୟରେ ଆଗାତ ଲାଗିଥିଲା। ଏହାପରେ ସେ ଲକ୍ଷ୍ନୌ ବିପକ୍ଷ ମ୍ୟାଚରେ ବାହାର ଯାଇଛନ୍ତି।

ରୋହିତ ଶର୍ମା ଆଇପିଏଲ ୨୦୨୫ରେ ଖରାପ ଫର୍ମରେ ନଜର ଆସିଛନ୍ତି। ଏହି ବିଶିଷ୍ଟ ଖେଳାଳି ଲଗାତାର ତିନୋଟି ମ୍ୟାଚରେ ଫେଲ ହୋଇଛନ୍ତି। ଚେନ୍ନାଇ ବିପକ୍ଷରେ ରୋହିତ ଶର୍ମା ଖାତା ଖୋଲିପାରିନଥିଲେ।

ଗୁଜରାଟ ଟାଇଟନ୍ସ ବିପକ୍ଷରେ ସେ ୮ରନ ମାରିଥିଲେ, ଏଥିସହ ସେ କେକେଆର ବିପକ୍ଷରେ ୧୩ ରନ କରିଥିଲେ। ୩ଟି ମ୍ୟାଚରେ ରୋହିତ ୨୧ ରନ କରିଛନ୍ତି।

ହାର୍ଦ୍ଦିକ ପାଣ୍ଡ୍ୟା କହିଛନ୍ତି ଯେ, ରୋହିତ ଶର୍ମାଙ୍କ ଆଣ୍ଠୁରେ ଆଘାତ ଲାଗିଛି। ଲକ୍ଷ୍ନୌର ଅଟଳ ବିହାରୀ ବାଜପେୟୀ ଷ୍ଟାଡିୟମରେ ଯେତେବେଳେ ସେ ପ୍ରାକ୍ଟିସ କରୁଥିଲେ, ଏହି ସମୟରେ ତାଙ୍କୁ ଆଘାତ ଲାଗିଥିଲା।