ମୁକେଶ ଅମ୍ବାନୀଙ୍କ ଘର ବାହାରେ ବୋମା ରଖିବା ଘଟଣା: ପୋଲିସ ସେବାରୁ ସଚିନ ୱାଜେଙ୍କୁ ବହିଷ୍କାର
ମୁମ୍ବାଇ,୧୧ ।୫: ଶିଳ୍ପପତି ମୁକେଶ ଅମ୍ବାନୀଙ୍କ ଘର ବାହାରେ ବୋମା ରଖିବା ଅଭିଯୋଗରେ ନିଲମ୍ବିତ ମୁମ୍ବାଇ ପୋଲିସ ଅଧିକାରୀ ସଚିନ ୱାଜେଙ୍କୁ ଆଜି ପୋଲିସ ସେବାରୁ ବହିଷ୍କାର କରାଯାଇଛି । ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ୱାଜେଙ୍କୁ ଗିରଫ କରିଥିଲା । ଶିଳ୍ପପତି ମୁକେଶ ଅମ୍ବାନୀଙ୍କ ମୁମ୍ବାଇ ସ୍ଥିତ ବାସଭବନ ନିକଟରେ ଏସୟୁଭିରୁ ବୋମା ସାମଗ୍ରୀ ଉଦ୍ଧାର ଘଟଣା ଏବଂ ବ୍ୟବସାୟୀ ମନସୁଖ ହିରନଙ୍କ ମାମଲାରେ ଏନଆଇଏ ୱାଜେକୁ ଗିରଫ କରିଥିଲା ଓ ମୁମ୍ବାଇ ପୋଲିସ ତାଙ୍କୁ ନିଲମ୍ବିତ କରିଥିଲା ।
ନଗର ପୋଲିସର ପ୍ରବକ୍ତା କହିଛନ୍ତି ଯେ, ମୁମ୍ବାଇ ପୋଲିସର କମିଶନର ହେମନ୍ତ ନାଗରାଲେ ୱାଜେଙ୍କୁ ବହିଷ୍କାର କରିବା ପାଇଁ ନିର୍ଦ୍ଦେଶ ଦେଇଛନ୍ତି । ୱାଜେ ହେଉଛନ୍ତି ମହାରାଷ୍ଟ୍ର କ୍ୟାଡରର ୧୯୯୦ ବ୍ୟାଚ୍ ଅଧିକାରୀ । ଏଏସୟୁବି- ସହ ହତ୍ୟା ମାମଲାରେ ଏନଆଇଏ ଦ୍ୱାରା ଗିରଫ ହେବା ପରେ ୱେଜଙ୍କୁ ୧୩ ମାର୍ଚ୍ଚରେ ନିଲମ୍ବିତ କରାଯାଇଥିଲା ।
ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, “ଏପିଆଇ ସଚିବ ହିନ୍ଦୁରାଓ ୱାଜେଙ୍କୁ ପୋଲିସ ସେବାରୁ ବହିଷ୍କାର କରାଯାଇଛି । ଭାରତର ସମ୍ବିଧାନର ୩୧୧ (୨) (ବି) ଅନୁଯାୟୀ ଏହି ନିର୍ଦ୍ଦେଶ ଦିଆଯାଇଛି ।’
