Samsung ୟୁଜର୍ସଙ୍କ ପାଇଁ ଖରାପ ଖବର: ଏହି ଫୋନଗୁଡିକରେ ଆଉ ହେବନାହିଁ କୌଣସି ଅପଡେଟ, ଦେଖନ୍ତୁ ଲିଷ୍ଟ
ଦକ୍ଷିଣ କୋରିଆର ଟେକ୍ କମ୍ପାନୀ Samsung ହେଉଛି ସବୁଠାରୁ ବିଶ୍ୱସ୍ତ ଟେକ୍ ବ୍ରାଣ୍ଡ ମଧ୍ୟରୁ ଅନ୍ୟତମ ଏବଂ ଭାରତୀୟ ସ୍ମାର୍ଟଫୋନ୍ ବଜାରରେ ଶୀର୍ଷ ସ୍ଥାନ ହାସଲ କରି Xiaomiକୁ ପଛରେ ପକାଇ ଦେଇଛି । ଭାରତରେ ଲକ୍ଷ ଲକ୍ଷ ଉପଭୋକ୍ତା ସାମସଙ୍ଗ ଫୋନ୍ ବ୍ୟବହାର କରନ୍ତି, କିନ୍ତୁ କିଛି ବ୍ୟବହାରକାରୀଙ୍କ ପାଇଁ ଏବେ କମ୍ପାନୀ ପକ୍ଷରୁ ଖରାପ ଖବର ଆସିଛି ।
ତେବେ ସାମସଙ୍ଗ କିଛି ପୁରୁଣା ସ୍ମାର୍ଟଫୋନ୍ ପାଇଁ ସଫ୍ଟୱେର୍ ସପୋର୍ଟ ଶେଷ କରିଛି । ଅର୍ଥାତ ସେହି ଫୋନ୍ ଗୁଡିକୁ ଆଉ କୌଣସି ସଫ୍ଟୱେର୍ ଅପଡେଟ୍ ମିଳିବ ନାହିଁ ।
ସାମସଙ୍ଗ ନିକଟରେ ଏହାର କିଛି ସ୍ମାର୍ଟଫୋନ୍ ପାଇଁ ଅତ୍ୟାଧୁନିକ ଏପ୍ରିଲ୍ ୨୦୨୩ ସିକ୍ୟୁରିଟି ପ୍ୟାଚ୍ ଅପଡେଟ୍ ରୋଲଆଉଟ କରିଥିଲା । ଏହା ରିଲିଜ ପରେ କମ୍ପାନୀ ଅନେକ ଡିଭାଇସ୍ ପାଇଁ ସଫ୍ଟୱେର୍ ସପୋର୍ଟ ଶେଷ କରିବା ବିଷୟରେ ସୂଚନା ଦେଇଛି । ଯେଉଁ ସ୍ମାର୍ଟଫୋନଗୁଡ଼ିକ ପାଇଁ ସପୋର୍ଟ ଶେଷ ହୋଇଛି, ସେଥି ମଧ୍ୟରୁ ତିନୋଟି ହେଉଛି ପ୍ରିମିୟମ୍ ଡିଭାଇସ୍ ଏବଂ ଗୋଟିଏ ହେଉଛି ମିଡ଼ରେଞ୍ଜ୍ ସ୍ମାର୍ଟଫୋନ୍ । କମ୍ପାନୀ ୨୦୧୯ ରେ ଏହି ସମସ୍ତ ସ୍ମାର୍ଟଫୋନ ମଡେଲକୁ ବଜାରରେ ଲଞ୍ଚ କରିଥିଲା ।
ଏହି ସ୍ମାର୍ଟଫୋନ୍ ଗୁଡିକୁ ଆଉ ଅପଡେଟ୍ ମିଳିବ ନାହିଁ :-
ଟେକ କମ୍ପାନୀ ଯେଉଁ ସ୍ମାର୍ଟଫୋନ ପାଇଁ ସଫ୍ଟୱେର୍ ସପୋର୍ଟ ଶେଷ କରିଛି, ତାର ଲିଷ୍ଟରେ Samsung Galaxy S10, Samsung Galaxy S10 Plus ଓ Samsung Galaxy S10e ବ୍ୟତୀତ ମିଡ଼ରେଞ୍ଜ୍ ଡିଭାଇସ Samsung Galaxy A50 ମଧ୍ୟ ସାମିଲ ରହିଛି । ୨୦୧୯ ର ପ୍ରଥମ ତ୍ରୈମାସରେ କମ୍ପାନୀ ଦ୍ୱାରା ଏହି ସମସ୍ତ ସ୍ମାର୍ଟଫୋନ୍ ଲଞ୍ଚ କରାଯାଇଥିଲା ଏବଂ ଏହା ଆଣ୍ଡ୍ରଏଡ୍ ୯.୦ ପାଇ ସଂସ୍କରଣ ସହିତ ଆସିଥିଲା । ବର୍ତ୍ତମାନ ଏହି ଫୋନ୍ଗୁଡ଼ିକୁ କୌଣସି ସଫ୍ଟୱେର୍ କିମ୍ବା ସୁରକ୍ଷା ଅପଡେଟ୍ ଦିଆଯିବ ନାହିଁ ।
