ମହାରାଷ୍ଟ୍ର, ବିହାର ସମେତ ଏହି ରାଜ୍ୟଗୁଡ଼ିକରେ ଆଂଶିକ ଭାବେ ଖୋଲିଛି ସ୍କୁଲ, ଏହା ସହ ଓଡ଼ିଶାରେ…

ନୂଆଦିଲ୍ଲୀ: କରୋନା ସଂକ୍ରମଣ ମାମଲା ଏବେ ଲଗାତାର ଭାବେ ହ୍ରାସ ପାଇବାରେ ଲାଗିଛି । ଏଭଳି ପରିସ୍ଥିତିରେ ଅନେକ ରାଜ୍ୟ ଲକଡାଉନ୍ ପ୍ରତିବନ୍ଧକକୁ କୋହଳ କରିବା ଆରମ୍ଭ କରିଛନ୍ତି । ଏହା ଅଧୀନରେ ଦେଶର ଅନେକ ରାଜ୍ୟ ସ୍କୁଲ ଖୋଲିବା ଆରମ୍ଭ କରିଛନ୍ତି । କେଉଁ ରାଜ୍ୟରେ ବିଦ୍ୟାଳୟ ଖୋଲିଛି ତ ଆଉ କେଉଁଠି ସ୍କୁଲ ଖୋଲିବାକୁ ଯାଉଛି ।

ଓଡ଼ିଶା – ଦଶମ ଓ ଦ୍ୱାଦଶ ଶ୍ରେଣୀ ପାଇଁ ଜୁଲାଇ ୨୬ ରୁ ସ୍କୁଲ ଖୋଲିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଛାତ୍ରଛାତ୍ରୀମାନଙ୍କ ପାଇଁ ଅନଲାଇନ୍ ଶିକ୍ଷାଦାନ ଜାରି ରହିବ । ସ୍କୁଲ ଖୋଲିବ ବୋଲି ଗଣଶିକ୍ଷା ସଚିବ ସତ୍ୟବ୍ରତ ସାହୁ ଶନିବାର ଘୋଷଣା କରିଛନ୍ତି । ସମସ୍ତ କରୋନା କଟକଣା ମାଧ୍ୟମରେ ଆରମ୍ଭ କରାଯିବ । ପ୍ରାରମ୍ଭିକ ପର୍ଯ୍ୟାୟରେ କେବଳ ଦଶମ ଓ ଦ୍ୱାଦଶ ଶ୍ରେଣୀର ପାଠପଢା ଆରମ୍ଭ ହେବାକୁ ଯାଉଛି । କ୍ଲାସଗୁଡିକ ସକାଳ ୧୦ ଟାରୁ ଦ୍ୱିପହର ୧.୩୦ ପର୍ଯ୍ୟନ୍ତ ଚାଲିବ । ଏକାଦଶ ଶ୍ରେଣୀର ପାଠପଢା ସେପ୍ଟେମ୍ବର ୧୫ ପରେ ଆରମ୍ଭ ହେବାର ସମ୍ଭାବନା ରହିଛି । ରବିବାର ଓ ସରକାର ଛୁଟିରେ ବିଦ୍ୟାଳୟ ବନ୍ଦ ରଖାଯିବ ବୋଲି ଶିକ୍ଷା ସଚିବ ସୂଚନା ଦେଇଛନ୍ତି ।

ମହାରାଷ୍ଟ୍ର – ଅଷ୍ଟମରୁ ଦ୍ୱାଦଶ ଶ୍ରେଣୀ ବିଦ୍ୟାର୍ଥୀଙ୍କ ପାଇଁ ଜୁଲାଇ ୧୫ ରୁ ବିଦ୍ୟାଳୟ ଖୋଲିଛିି ।

ବିହାର- ଜୁଲାଇ ୧୨ ରୁ ଦଶମ ଶ୍ରେଣୀ ଓ ଦ୍ୱାଦଶ ଛାତ୍ରଛାତ୍ରୀଙ୍କ ପାଇଁ ୫୦ ପ୍ରତିଶତ ଉପସ୍ଥାନ ସହିତ ରାଜ୍ୟରେ ସ୍କୁଲ ଖୋଲିଛି । କଲେଜ ଓ ବିଶ୍ୱବିଦ୍ୟାଳୟଗୁଡ଼ିକ ମଧ୍ୟ ରାଜ୍ୟରେ ଖୋଲାଯାଇଛି ।

ହରିୟାଣା – ଜୁଲାଇ ୧୬ ରୁ ହରିୟାଣାର ବିଦ୍ୟାଳୟଗୁଡ଼ିକ ନବମରୁ ଦ୍ୱାଦଶ ଶ୍ରେଣୀ ପାଇଁ ଖୋଲିଛିି । ଜୁଲାଇ ୨୩ ରୁ ଷଷ୍ଠ ରୁ ଅଷ୍ଟମ ଶ୍ରେଣୀର ଛାତ୍ରମାନଙ୍କ ପାଇଁ କ୍ଲାସ୍ ଆରମ୍ଭ ହେବ । ତଥାପି, ବିଦ୍ୟାଳୟରେ ପଢ଼ିବାକୁ ଇଚ୍ଛା କରୁଥିବା ଛାତ୍ରମାନଙ୍କୁ ସେମାନଙ୍କ ପିତାମାତାଙ୍କଠାରୁ ଅନୁମତି ପତ୍ର ଆଣିବାକୁ ପଡିବ । ଏହା ବ୍ୟତୀତ ଏହି ଛାତ୍ରମାନଙ୍କ ପାଇଁ ଅନଲାଇନ୍ କ୍ଲାସ୍ ମଧ୍ୟ ଜାରି ରହିବ ।

ଗୁଜୁରାଟ – ଜୁଲାଇ ୧୫ ରୁ ଦ୍ୱାଦଶ ଶ୍ରେଣୀର ୫୦ ପ୍ରତିଶତ ଛାତ୍ର ଦକ୍ଷତା ସହ ଅଫଲାଇନ୍ କ୍ଲାସ୍ ଆରମ୍ଭ ହୋଇଛିି । ତେବେ ରାଜ୍ୟରେ ପ୍ରଥମରୁ ୯ ପର୍ଯ୍ୟନ୍ତ ଅଫଲାଇନ୍ କ୍ଲାସ ଅନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ ସ୍ଥଗିତ ରଖାଯାଇଛି ।

ତେଲେଙ୍ଗାନା – ଏଠାରେ କ୍ଲାସ ଜୁଲାଇ ୧ ରୁ ଆରମ୍ଭ ହେବାର ଥିଲା କିନ୍ତୁ ପରେ ତୃତୀୟ କୋଭିଡ -୧୯ ତରଙ୍ଗ ବିଷୟରେ ବିଶେଷଜ୍ଞମାନେ ଚେତାବନୀ ଦେବା ପରେ ଏହି ନିଷ୍ପତ୍ତିକୁ ସ୍ଥଗିତ ରଖାଗଲା । ସମସ୍ତ ସ୍କୁଲ ଛାତ୍ରଛାତ୍ରୀଙ୍କ ପାଇଁ ଅନଲାଇନ୍ କ୍ଲାସ ପୁନଃ ଆରମ୍ଭ ହୋଇଛି ।

ମଧ୍ୟପ୍ରଦେଶ – ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ପୂର୍ବରୁ କହିଥିଲେ ଯେ ଜୁଲାଇ ୨୬ ରୁ ୧୧ ଏବଂ ୧୨ ଶ୍ରେଣୀର ବିଦ୍ୟାଳୟଗୁଡ଼ିକ ୫୦ ପ୍ରତିଶତ କ୍ଷମତା ସହିତ ପୁଣିଥରେ ଖୋଲିବ । ମହାମାରୀ ପରିସ୍ଥିତିକୁ ଦୃଷ୍ଟିରେ ରଖି ଜୁନିଅର କ୍ଲାସଗୁଡିକ ଧୀରେ ଧୀରେ ଖୋଲିବାକୁ ଅନୁମତି ଦିଆଯିବ ।

ଆନ୍ଧ୍ରପ୍ରଦେଶ- ରାଜ୍ୟ ସରକାର ୧୨ ଜୁଲାଇରୁ ଅନଲାଇନ୍ କ୍ଲାସ୍ ଆରମ୍ଭ କରିଛନ୍ତି ଏବଂ ଅଗଷ୍ଟ ୧୬ ରୁ ଏଠାରେ ଅଫଲାଇନ୍ କ୍ଲାସ୍ ଆରମ୍ଭ ହେବ ।

ଅନ୍ୟପଟେ ଉତ୍ତରପ୍ରଦେଶ, ତାମିଲନାଡୁ, ପଶ୍ଚିମବଙ୍ଗ ଏବଂ କର୍ଣ୍ଣାଟକ ସରକାର ସ୍କୁଲ ଖୋଲିବା ନେଇ କୌଣସି ଘୋଷଣା କରିନାହାଁନ୍ତି ।