ସୀମା ହାଇଦର ଉପରେ ନର୍ମିତ ଫିଲ୍ମ ‘କରାଚୀ ଟୁ ନୋଏଡା’ର ଟ୍ରେଲର ରିଲିଜ୍, ଡାଇଲଗ୍କୁ ନେଇ ଧମାଲ
ନୋଏଡା: ସୀମା ହାଇଦର ଉପରେ ନିର୍ମାଣ ହେଉଥିବା ଫିଲ୍ମ ‘କରାଚୀ ଟୁ ନୋଏଡା’ର ଟ୍ରେଲର ରିଲିଜ୍ ହୋଇଯାଇଛି । ଜାନୀ ଫାୟାରଫକ୍ସ ଏହି ଟ୍ରେଲର ରିଲିଜ୍ କରିଛି । ଏହି ୩ ମିନିଟ୍ର ଟ୍ରେଲରରେ ସୀମା ହାଇଦର ଚରିତ୍ରର ନାମ ସାୟମା ହାଇଦର ଗୁଲାମ ହାଇଦର ଚରିତ୍ରର ନାମ ଏହସାନ ଖାନ୍ ରହିଛି । ଏହି ଟ୍ରେଲର ଆସିବା ମାତ୍ରେ ହିଁ ଧମାଲ ସୃଷ୍ଟି କରିଛି ଓ ଏହାର ଭ୍ୟୁଜ୍ ଲଗାତର ବଢିବାରେ ଲାଗିଛି । ମାତ୍ର କେଇ ମିନିଟ୍ର ଏହି ଟ୍ରେଲରରେ ଏପରି ଡାଇଲଗ୍ ରହିଛି ଯାହା ଉପରେ ବିବାଦ ବି ସୃଷ୍ଟି ହେବାର ସମ୍ଭାବନା ରହିଛି ।
ଟ୍ରେଲରରେ ସୀମା ହାଇଦରକୁ ଆଇଏସଆଇ ଏଜେଣ୍ଟ ନୁହେଁ ର’ ଏଜେଣ୍ଟ ଭାବରେ ଦେଖାଯାଇଛି । ଯେତେବେଳେ ଏ ବିଷୟରେ ପାକିସ୍ତାନକୁ ଜଣାପଡିଛି ସେତେବେଳେ ସେଠାରେ ଭୀଷଣ ପ୍ରତିକ୍ରିୟା ଉଠିଛି । ଅନ୍ୟପକ୍ଷରେ ପାକିସ୍ତାନରେ ଏ ଘଟଣା ବିଷୟରେ ଖୁଲାସା ହେବା ପୂର୍ବରୁ ସମସ୍ତେ ଭାରତ ପଳାଇ ଆସିଛନ୍ତି ଓ ଭାରତର ଲୋକମାନଙ୍କ ସହ ମିଳିମିଶି ରହୁଥିବାର ନଜର ଆସିଛନ୍ତି ।
ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଜୟନ୍ତ ସିହ୍ନା । ଫିଲ୍ମ ନିର୍ମାଣ କରିଛନ୍ତି ଅମିତ ଜାନୀ ଓ ଭାରତୀ ସିଂହ । ଫିଲ୍ମରେ ଫରହୀନ ଫଲର ସୀମା ହାଇଦର ଭୂମିକାରେ ଥିବା ବେଳେ ସଚୀନ ମୀଣା ଭୂମିକାରେ ଆଦିତ୍ୟ ରାଘବ ରହିଛନ୍ତି । ସେହିପରି ଗଦର ୨ର ମେଜର ମଲିକ ରୋହିତ ଚୌଧୁରୀ କରାଚୀ ପୋଲିସ କମିଶନର ଓ ୟାୟା ଖାନ୍ ମନୋଜ ବକ୍ସୀ ପାକିସ୍ତାନ ଆର୍ମି ଅଫିସର ଭୂମିକାରେ ନଜର ଆସିବେ ।
ସୂଚାଇ ଦିଆଯାଇପାରେ କି ପାକିସ୍ତାନରେ ରହୁଥିବା ସୀମା ହାଇଦର ଚଳିତ ବର୍ଷ ନିଜର ୪ ସନ୍ତାନଙ୍କ ସହିତ ନୋଏଡା ଚାଲି ଆସିଥିଲେ । ସେ ନିଜ ସ୍ୱାମୀ ସଚିନ ମୀଣାଙ୍କ ସହ ନୋଏଡାର ରବୁପୁର ଗାଁରେ ରହୁଛନ୍ତି । ସୀମା ପାକିସ୍ତାନର ଗୁପ୍ତଚର ବୋଲି ସନ୍ଦେହ କରାଯାଉଥିବା ବେଳେ ଏହାର ଯାଞ୍ଚ ଏବେ ଜାରି ରହିଛି ।
