(video)ଗିଲ୍ଙ୍କ ଚୌକାରେ ଚମକିଲା ସାରାଙ୍କ ଚେହେରା, ଫ୍ୟାନ୍ସ ପ୍ରସ୍ତୁତ କଲେ ମଜାଦାର ମିମ୍ସ
ମୁମ୍ବାଇ: କ୍ରିକେଟ୍ ବିଶ୍ୱକପ୍ର ପ୍ରଥମ ସେମିଫାଇନାଲ ମ୍ୟାଚ୍ ଆଜି ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଛି । ଏହି କ୍ରମରେ ଭାରତ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି । ମ୍ୟାଚ୍ରେ ଭାରତୀୟ ବ୍ୟାଟସମ୍ୟାନ ଶୁଭମନ ଗିଲ୍ଙ୍କ ସୁନ୍ଦର ପ୍ରଦର୍ଶନ ଦେଖିବାକୁ ମିଳିଛି । ଶୁଭମନଙ୍କ ସପୋର୍ଟ କରିବା ଲାଗି ତାଙ୍କ ଗାର୍ଲଫ୍ରେଣ୍ଡ ସାରା ତେନ୍ଦୁଲକର ବି ଷ୍ଟାଡିୟମରେ ପହଞ୍ଚିଛନ୍ତି । ପୂର୍ବଥର ପରି ଏଥର ମଧ୍ୟ ଶୁଭମନଙ୍କ ସହିତ ସାରାଙ୍କ ଉପରେ ସମସ୍ତଙ୍କ ନଜର ରହିଛି । ଶୁଭମନ କ୍ରିଜକୁ ଆସିବା ମାତ୍ରକେ ସାରା ଏକ୍ସରେ ଟ୍ରେଣ୍ଡ କରିବାରେ ଲାଗିଛନ୍ତି । ଏହାସହିତ ତାଙ୍କ ଏକ୍ସପ୍ରେସନ ବାଲା ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
When ever gill hits boundary, cameraman focus on Sara Tendulkar#INDvsNZ pic.twitter.com/sPCsuAQQd0
— Imran Jutt🇵🇰 (@imran_aryaan) November 15, 2023
ଶୁଭମନ ଚୌକା ମାରିବା ମାତ୍ରକେ ସାରାଙ୍କ ମୁହଁରେ ଏକ ଚମକ ଖେଳିଯାଇଛି ଓ ସେ ତାଳି ମାରିବାରେ ଲାଗିଛନ୍ତି । ଏହି ଭିଡିଓ କ୍ୟାମେରାରେ କଏଦ ହୋଇଯାଇଛି । ଫ୍ୟାନ୍ସଙ୍କ ନଜର ଏହି ଭିଡିଓ ଉପରେ ପଡିଯିବା ପରେ ସୋସିଆଲ ମିଡିଆରେ ଏହାକୁ ନେଇ ଭିନ୍ନ ଭିନ୍ନ ମିମ୍ସ ତିଆରି ହେବାରେ ଲାଗିଛି । ଏହି ଭିଡିଓ ଉପରେ ଲୋକମାନେ ମଜାଦାର କମେଣ୍ଟସ୍ ବି ଦେବାରେ ଲାଗିଛନ୍ତି । ଫ୍ୟାନ୍ସଙ୍କୁ ସାରା ଓ ଗିଲ୍ଙ୍କ ଯୋଡି ବହୁତ ପସନ୍ଦ ଆସୁଛି । କିନ୍ତୁ ଉଭୟ ଏମାନଙ୍କ ରିଲେସନସିପ୍ ଷ୍ଟାଟସ୍ ଲୋକଙ୍କ ସହ ସେୟାର କରିନାହାନ୍ତି ।
