‘CM ସାର, ପ୍ଲିଜ୍ ସାହାଯ୍ୟ କରନ୍ତୁ, ମୁଁ ପାଠପଢ଼ି IAS-IPS ହେବାକୁ ଚାହୁଁଛି’: ମୁଖ୍ୟମନ୍ତ୍ରୀଙ୍କୁ ହାତଯୋଡ଼ି ଗୁହାରି କଲା ୬ଷ୍ଠ ଶ୍ରେଣୀର ଛାତ୍ର, ଦେଖନ୍ତୁ Video
ନୂଆଦିଲ୍ଲୀ: ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଗତକାଲି ନିଜ ଧର୍ମପତ୍ନୀଙ୍କ ପୂଣ୍ୟତିଥି ଅବସରରେ ନାଲନ୍ଦା ସ୍ଥିତ ନିଜ ପୈତୃକ ଗ୍ରାମକୁ ଯାଇଥିଲେ । ତେବେ ନୀତିଶ ତାଙ୍କର ସ୍ୱର୍ଗତ ପତ୍ନୀଙ୍କ ପ୍ରତିମା ଉପରେ ପୁଷ୍ପ ମାଲ୍ୟ ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ଏକ ବିଦ୍ୟାଳୟରେ ସ୍ଥାନୀୟ ଗ୍ରାମବାସୀଙ୍କ ସମସ୍ୟା ବିଷୟରେ ବୁଝିଥିଲେ । ତେବେ ହଠାତ୍ ଏକ ୧୧ ବର୍ଷୀୟ ବାଳକ ସୋନୁ କୁମାର ସିଏମଙ୍କୁ ହାତଯୋଡ଼ି ତା’ର ପାଠପଢ଼ା ବିଷୟରେ ଗୁହାରି କରିଥିଲା ।
ଷଷ୍ଠ ଶ୍ରେଣୀରେ ପଢ଼ୁଥିବା ସୋନୁର କାକୁତିମିନତୀ ଭରା କଥା ଶୁଣି ମୁଖ୍ୟମନ୍ତ୍ରୀ ହତବାକ୍ ହୋଇଯାଇଥିଲେ । ପିଲାଟି କ’ଣ କହୁଛି ସେ ବିଷୟରେ ବୁଝିବା ପାଇଁ ନୀତିଶ କହିଥିଲେ । ସୋନୁ ମୁଖ୍ୟମନ୍ତ୍ରୀଙ୍କୁ ହାତଯୋଡ଼ି କହିଥିଲା, ‘ସାର୍ ଶୁଣନ୍ତୁ, ପ୍ରଣାମ । ମୋତେ ପଢ଼ିବା ପାଇଁ ସାହସ ଦିଅନ୍ତୁ, ମୋର ଅଭିଭାବକ ମୋତେ ପାଠ ପଢ଼ାଉ ନାହାନ୍ତି । ମୋ ପିତା ଦହି ଦୋକାନରେ କାମ କରି ଯାହା ରୋଜଗାର କରନ୍ତି, ସେସବୁ ଅର୍ଥକୁ ମଦ ପିଇ ଉଡ଼ାଇ ଦିଅନ୍ତି ।
ପରେ ଜଣାପଡ଼ିଥିଲା ଯେ, ସୋନୁ କୁମାର ହରନୌତ ପ୍ରଖଣ୍ଡର ନୀମା କୌଲ ଗ୍ରାମର ବାସିନ୍ଦା । ତା’ର ପିତା ରଣବିଜୟ ଯାଦବ ଦହି ଦୋକାନ କରି ପରିବାର ପ୍ରତିପୋଷଣ କରନ୍ତି । ଅର୍ଥ ଅଭାବ କାରଣରୁ ସୋନୁ ନୀମା କୌଲର ସରକାରୀ ସ୍କୁଲରେ ପାଠ ପଢ଼ୁଛି । ଉକ୍ତ ସ୍କୁଲରେ ଗୁଣାବତ୍ତାଯୁକ୍ତ ଶିକ୍ଷା ପ୍ରଦାନ କରାଯାଉନଥିବା ସୋନୁ ଖୁଲାସା କରିଥିଲା ।
ଯଦି ସରକାର ସାହାଯ୍ୟ କରନ୍ତି, ତେବେ ସେ ପାଠ ପଢ଼ି ଆଇଏଏସ-ଆଇପିଏସ ହେବ ବୋଲି ସୋନୁ ମିଡ଼ିଆକୁ କହିଥିଲା । ସୂଚନାଯୋଗ୍ୟ ଯେ, ଷଷ୍ଠ କ୍ଲାସରେ ପଢ଼ୁଥିବା ସୋନୁ ୫ମ ଶ୍ରେଣୀର ୪୦ ଜଣ ପିଲାଙ୍କ ପଢ଼ାଇ ନିଜର ଖର୍ଚ୍ଚ ବାହାର କରିଦେଉଛି । ସୋନୁର ସାହସକୁ ଦେଖି ସିଏମଙ୍କ ସହ ଥିବା ସମସ୍ତ ଅଧିକାରୀ ତାଜୁବ୍ ହୋଇଯାଇଥିଲେ ।
सर! सुनिए. न प्रणाम…पढ़ाई करवा दीजिये ना, IAS-IPS बनेंगे
सीएम नीतीश कुमार कल्याण बिगहा (नालंदा) में जनसंवाद कार्यक्रम में लोगों की समस्याओं को सुन रहे थे. इसी क्रम में भीड़ से 11 साल के सोनू की आवाज सुनकर सीएम चौंक गए. फिर उन्होंने अधिकारियों को कहा सुनिए बच्चा क्या कह रहा है pic.twitter.com/vNRdD8xxdl— rajeshkumarojha (@rajeshrepoter) May 14, 2022
