ଇତିହାସ ରଚିଲା Space X ; ୪ ଜଣ ସାଧାରଣ ନାଗରିକଙ୍କୁ ୩ ଦିନ ପାଇଁ ଅନ୍ତରୀକ୍ଷକୁ ପଠାଇଲା, ଦେଖନ୍ତୁ ଭିଡିଓ
ୱାଶିଂଟନ: ଆମେରିକୀୟ ବ୍ୟବସାୟୀ ଏଲୋନ୍ ମସ୍କଙ୍କ କମ୍ପାନୀ Space X ଇତିହାସ ରଚିଛି । Space X ପ୍ରଥମ ଥର ପାଇଁ ଭାରତୀୟ ସମୟ ୫:୩୩ରେ ଚାରି ସାଧାରଣ ଲୋକଙ୍କୁ ମହାକାଶକୁ ପଠାଇଛି । ଏହି ମିଶନକୁ ଇନ୍ସପିରେସନ ୪ ଭାବେ ନାମିତ କରାଯାଇଛି ।
ତେବେ ଫ୍ଲୋରିଡା ସ୍ଥିତ ନାସାର କେନେଡି ସ୍ପେସ୍ ରିସର୍ଚ୍ଚ ସେଣ୍ଟରରୁ ଫାଲକନ୍ -୯ ରକେଟ୍ ଉତକ୍ଷେପଣ କରାଯାଇଥିଲା । ପ୍ରାୟ ୧୨ ମିନିଟ୍ ପରେ, ଡ୍ରାଗନ୍ କ୍ୟାପସୁଲ୍ ରକେଟ୍ ଠାରୁ ଅଲଗା ହୋଇଥିଲା । ଏହି କ୍ୟାପସୁଲ ୩୫୭ ମାଇଲ ଅର୍ଥାତ୍ ପ୍ରାୟ ୫୭୫ କିଲୋମିଟର ଉଚ୍ଚତାରେ ୩ ଦିନ ପୃଥିବୀର ପରିକ୍ରମା କରିବ । ଏହି ପ୍ରକଳ୍ପ ପଛରେ ବିଲିୟନେୟାର ବ୍ୟବସାୟୀ ଜାରେଡ ଆଇଜେକମ୍ୟାନ ଅଛନ୍ତି ।
Dragon has separated from Falcon 9’s second stage pic.twitter.com/pOfgJ9LsvE
— SpaceX (@SpaceX) September 16, 2021
ଜାରେଡ୍ ଆଇଜେକମ୍ୟାନ୍ ନିଜ ଖର୍ଚ୍ଚରେ ସମଗ୍ର ମିଶନକୁ ନିଯୁକ୍ତି ଦେଇଥିଲେ ଓ ତା’ପରେ ତିନି ଜଣ ଅଜ୍ଞାତ ବ୍ୟକ୍ତିଙ୍କୁ ତାଙ୍କ ସାଙ୍ଗରେ ନେବାକୁ ଆମନ୍ତ୍ରଣ କରିଥିଲେ । ଏହି ସ୍ପେସ୍ ଏକ୍ସ ଫ୍ଲାଇଟ୍ ଫାଲକନ୍ ୯ ରକେଟ୍ ଦ୍ୱାରା ଚାଳିତ ହୋଇଛି ।
