OUATରେ ନିଯୁକ୍ତି: SRF ଓ ଫିଲ୍ଡ ଆସିଷ୍ଟାଣ୍ଟ ପାଇଁ ବିଜ୍ଞପ୍ତି ପ୍ରକାଶ, ମାସିକ ବେତନ ୪୦ ହଜାର
ଭୁବନେଶ୍ୱର(ଓଡ଼ିଶା ଭାସ୍କର): ସମସ୍ତ ଚାକିରି ଆଶାୟୀଙ୍କ ପାଇଁ ଆସିଛି ଏକ ବଡ଼ ସୁଯୋଗ । ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି) ତରଫରୁ ଅନେକ ପଦ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଯୋଗ୍ୟ ପ୍ରାର୍ଥୀଙ୍କୁ ସିନିୟର ରିସର୍ଚ୍ଚ ଫେଲୋ (ଏସଆରଏଫ) ଓ ଫିଲ୍ଡ ଆସିଷ୍ଟାଣ୍ଟ ପଦରେ ନିଯୁକ୍ତି ଦିଆଯିବ । ଏସଆରଏଫ ପଦରେ ଆବେଦନ କରିବା ପାଇଁ ପ୍ରାର୍ଥୀ ପ୍ଲାଣ୍ଟ ବ୍ରିଡ୍ ଆଣ୍ଡ ଜେନେଟିକ୍ସରେ ମାଷ୍ଟର ଡିଗ୍ରୀ (କୃଷି) କରିଥିବେ । ପ୍ରାର୍ଥୀଙ୍କୁ ମାସିକ ବେତନ ୩୭ ହଜାର ସହିତ ଘର ଭଡ଼ା ଭତ୍ତା (ଏଚଆରଏ) ସୁବିଧା ମିଳିବ ।
ସେହିପରି ଏଗ୍ରିକଲଚର / ହର୍ଟିକଲଚର / ଆନିମଲ କଲଚରରେ ଡିପ୍ଲୋମା କରିଥିବା ପ୍ରାର୍ଥୀମାନେ ଫିଲ୍ଡ ଆସିଷ୍ଟାଣ୍ଟ ପଦରେ ଆବେଦନ କରିପାରିବେ । ପ୍ରାର୍ଥୀଙ୍କୁ ମାସିକ ବେତନ ୨୦ ହଜାର ମିଳିବା ସହ ଏଚଆରଏ ମଧ୍ୟ ମିଳିବ । ଏସଆରଏଫ ପଦ ପାଇଁ ସର୍ବାଧିକ ବୟସ ସୀମା ୪୫ ବର୍ଷ ରହିଥିବା ବେଳେ ଫିଲ୍ଡ ଆସିଷ୍ଟାଣ୍ଟ ପଦ ପାଇଁ ଏହି ସୀମା ୩୫ ବର୍ଷ ରହିଛି । ତଳେ ଦିଆଯାଇଥିବା ନୋଟିଫିକେସନ ଲିଙ୍କକୁ ଯାଇ ପ୍ରାର୍ଥୀମାନେ ଏହି ନିଯୁକ୍ତି ସମ୍ବନ୍ଧୀୟ ସବିଶେଷ ତଥ୍ୟ ପାଇ ପାରିବେ ।
ନୋଟିଫିକେସନ ଲିଙ୍କ: https://ouat.ac.in/wp-content/uploads/2024/11/Detailed-Advt-2024-IPOTI-Groundnut.pdf