Video: ଚଳନ୍ତା ମାଲଗାଡ଼ି ଟ୍ରେନରୁ ତେଲ ଚୋରି: ଦେଖନ୍ତୁ ଏହାର ଭୟଙ୍କର ଦୃଶ୍ୟ
ନୂଆଦିଲ୍ଲୀ: ଚୋରମାନେ ଚୋରି କରିବା କଥା ତ ଅତି ସାଧାରଣ । ଚୋରମାନେ ଚୋରି କରିବା ପାଇଁ ବିଭିନ୍ନ ଉପାୟ ବାହାର କରିଥାନ୍ତି । ସେହିପରି ବିଭିନ୍ନ ଷ୍ଟାଇଲରେ ଚୋରି କରି ଚୋରମାନେ ଚର୍ଚ୍ଚାକୁ ଆସିଥାନ୍ତି । ତେବେ ଆସନ୍ତୁ ଆପଣଙ୍କୁ ଏପରି କିଛି ଚୋରି ବିଷୟରେ କହିବା ଯାହା ଲୋକଙ୍କୁ ଆଶ୍ଚର୍ଯ୍ୟ କରି ଦେଇଛି । ବିହାରରେ ଦିନକୁ ଦିନ ଚୋରି ମାମଲା ବଢିବାରେ ଲାଗିଛି । ସେହିପରି ବିହାରରେ ସଡକ ଚୋରି ହୋଇଥିବା ମାମଲା ସାମ୍ନାକୁ ଆସିଛି । ଏବେ ଆଉ ଏକ ମାମଲା ସାମ୍ନାକୁ ଆସିଛି, ଯାହାକୁ ଲୋକମାନେ ନିଜ ଆଖିରେ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ଚୋରମାନେ ଚୋରି କେଉଁ ପରିମାଣରେ କରିପାରିବେ ତାହା ଆପଣ କଳ୍ପନା ମଧ୍ୟ କରିପାରିବେ ନାହିଁ । ସୋସିଆଲ ମିଡିଆରେ ଏକ ନୂଆ ଭିଡିଓ ସାମ୍ନାକୁ ଆସିଛି ଯେଉଁଥିରେ ବିହାରର ଚୋରମାନେ ଚଳନ୍ତା ଟ୍ରେନରୁ ତେଲ ଚୋରି କରୁଥିବା ଦେଖାଯାଇଛି ।
ନିକଟରେ ଭାଇରାଲ ହୋଇଥିବା ଏକ ଭିଡିଓରେ ବିହାରର ଚୋରମାନେ ପାଟଣାର ପ୍ରଶାସନିକ ସବଡିଭିଜନ୍ ବିହଟା ଦେଇ ଯାଉଥିବା ଏକ ତେଲ ଟ୍ୟାଙ୍କର୍ ଟ୍ରେନକୁ ଟାର୍ଗେଟ କରିଥିଲେ । ଏହି ଭିଡିଓକୁ ଟ୍ୱିଟର ବ୍ୟବହାରକାରୀ ଖାତୁନ ଶମସିଦା ପୋଷ୍ଟ କରିଛନ୍ତି, ଯିଏ ଭିଡିଓ ସହିତ ଲେଖିଛନ୍ତି, ‘ବିହାରର ଏକ ଚଳପ୍ରଚଳ ଟ୍ରେନରୁ ତେଲ ଚୋରି ହୋଇଛି । ତେବେ ଏହି ଭିଡିଓ ବିହାରର ପାଟନା ଜିଲ୍ଲା ବିହଟା ନଗରରୁ ସାମ୍ନାକୁ ଆସିଛି । ତେଲ ଚୋରି କରୁଥିବା ସମୟରେ କେହି ଜଣେ ଭିଡିଓକୁ କ୍ୟାମେରାରେ ରେକର୍ଡ କରି ସୋସିଆଲ ମିଡିଆରେ ପୋଷ୍ଟ କରିଥିଲେ । ତେଲ ଟ୍ୟାଙ୍କର ନେଇ ଯାଉଥିବା ଏକ ଟ୍ରେନରୁ ସ୍ଥାନୀୟ ଲୋକମାନେ ସେମାନଙ୍କ ବାଲ୍ଟିରେ ତେଲ ଭରିବା ପାଇଁ ଦୌଡୁଥିବାର ଦେଖାଯାଇଥିଲା ।
बिहार में चलती मालगाड़ी ट्रेन से तेल होने लगा चोरी
बता दे आपको ये वीडियो बिहार के पटना जिले बिहटा नगर का है चलती हुई मालगाड़ी ट्रेन से चोरी करने मंजर। pic.twitter.com/ZpnbUSELqG— Shamsida Khatoon (@KhatoonShamsida) December 4, 2022
ସେହିପରି ଭିଡିଓରେ ଦେଖାଯାଇଛି ଯେ, ବାଲଟିରେ ତେଲ ଭରିବା ସମୟରେ ଏକ ରେଳ ବ୍ରିଜ୍ ମଧ୍ୟ ଅଛି, ଯେଉଁଠାରେ ଚୋରମାନେ ସେମାନଙ୍କ ଜୀବନ ପ୍ରତି ବିପଦ ଥାଇ ମଧ୍ୟ ଏଭଳି ଚୋରି କରୁଥିବା ଦେଖିବାକୁ ମିଳିଛି । ଚୋରମାନେ ଟ୍ରେନ ଗନ୍ତବ୍ୟ ସ୍ଥଳରେ ପହଞ୍ଚିବା ପୂର୍ବରୁ ମଧ୍ୟ ତେଲ ଚୋରି କରିବାକୁ ଚେଷ୍ଟା କରିଥିଲେ, ଯାହା ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେସନ୍ ଲିମିଟେଡ୍ (ଏଚପିସିଏଲ) ର ତୈଳ ଡିପୋକୁ ଯାଉଥିବାର ଅଭିଯୋଗ ହୋଇଥିଲା । ଏହି କାର୍ଯ୍ୟ ବିରୋଧରେ ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ ।
