କୋର୍ଟରେ ବିଚାରପତିମାନଙ୍କୁ କିପରି ନିଯୁକ୍ତ କରାଯାଏ? କଲେଜିୟମ୍ ବନାମ କେନ୍ଦ୍ର ମଧ୍ୟରେ କ’ଣ କହିଲେ ଜନସାଧାରଣ, ଜଣାନ୍ତୁ
ନୂଆଦିଲ୍ଲୀ: ଭାରତରେ ବିଚାରପତି ନିଯୁକ୍ତିକୁ ନେଇ ସବୁବେଳେ ବିତର୍କ ଲାଗିରହିଛି । ଦେଶରେ ବିଚାରପତି, କାର୍ଯ୍ୟନିର୍ବାହୀ କିମ୍ବା ନ୍ୟାୟପାଳିକା ନିଯୁକ୍ତି ପାଇଁ କିଏ ଦାୟୀ ହେବା ଉଚିତ୍ ସେ ସମ୍ବନ୍ଧରେ ଲୋକଙ୍କ ଭିନ୍ନ ମତ ରହିଛି। ନିକଟରେ ଏକ ସର୍ଭେ ନମୁନାରେ ୩୮ ପ୍ରତିଶତ ଲୋକ କହିଛନ୍ତି ଯେ ବିଚାରପତି ନିଯୁକ୍ତ କରିବାର ବର୍ତ୍ତମାନର ସୁପ୍ରିମକୋର୍ଟର କଲେଜିୟମ ବ୍ୟବସ୍ଥା ହେଉଛି ଏକମାତ୍ର ଉପାୟ।
ଯେଉଁଠାରେ ଅତିକମରେ ୩୧ ପ୍ରତିଶତ ମତଦାତା କହିଛନ୍ତି ଯେ ଉଭୟ କାର୍ଯ୍ୟନିର୍ବାହୀ ଏବଂ ନ୍ୟାୟପାଳିକା ବିଚାରପତି ନିଯୁକ୍ତ କରିବା ଉଚିତ୍। ଅନ୍ୟପକ୍ଷରେ, ୧୯% ଉତ୍ତରଦାତା କହିଛନ୍ତି ଯେ କେବଳ କାର୍ଯ୍ୟନିର୍ବାହୀମାନେ ଏହି ନିଷ୍ପତ୍ତି ନେବା ଉଚିତ୍। ସୂଚାନମୂତାବକ ଏହି ରିପୋର୍ଟରେ ସମୁଦାୟ ୧,୪୦,୯୧୭ ଲୋକ ନିଜର ମତଦାନ ପାଇଁ ଯୋଗଦେଇଥିଲେ ।
ବିଚାରପତିଙ୍କ ନିଯୁକ୍ତିକୁ ନେଇ ସରକାର ଏବଂ ନ୍ୟାୟପାଳିକା ମଧ୍ୟରେ ସବୁବେଳେ ବିବାଦ ଲାଗି ରହିଥିଲା। ଉଚ୍ଚ ନ୍ୟାୟପାଳିକାର ବିଚାରପତିମାନେ ସେମାନଙ୍କ ସହକର୍ମୀଙ୍କ ସୁପାରିଶ ଦ୍ୱାରା କଲେଜିୟମ୍ ସିଷ୍ଟମ୍ ମାଧ୍ୟମରେ ନିର୍ବାଚିତ ହୁଅନ୍ତି । କିନ୍ତୁ ଏହି ପ୍ରକ୍ରିୟାରେ ସ୍ୱଚ୍ଛତାର ଅଭାବରୁ ଏହି ପ୍ରକ୍ରିୟାରେ ସମାଲୋଚନା ଜାରି ରହିଛି।
ଆଇନ ମନ୍ତ୍ରୀ କିରେନ ରିଜିଜୁ ଅନେକ ଥର କଲେଜିୟମ ବ୍ୟବସ୍ଥା ଉପରେ ପ୍ରଶ୍ନ କରି କହିଛନ୍ତି ଯେ ଏହା ସମ୍ବିଧାନ ଠାରୁ ଅଲଗା।
ତେବେ ଏହି ଘଟଣାରେ ବିଚାରପତି ଚୟନ ପ୍ରକ୍ରିୟାରେ ଜଣେ ସରକାରୀ ପ୍ରତିନିଧୀଙ୍କୁ ଅନ୍ତର୍ଭୁକ୍ତ କରିବାକୁ ଆଇନ ମନ୍ତ୍ରୀ ସିଜେଆଇ ଚନ୍ଦ୍ରଚୁଡ଼ ଙ୍କୁ ଚିଠି ଲେଖିଥିବା ଅନୁମାନ କରାଯାଉଥିଲା । କିନ୍ତୁ କିରେନ ରିଜିଜୁ ଏଭଳି ଦାବିକୁ ଅସ୍ୱୀକାର କରିଛନ୍ତି। ସରକାର ବିଚାରପତି ନିଯୁକ୍ତ କରିବାକୁ ନିଷ୍ପତ୍ତି ନେଇଛନ୍ତି ବୋଲି ଆଇନ ମନ୍ତ୍ରୀ କିରେନ ରିଜିଜୁ କହିଛନ୍ତି କଲେଜିୟମ୍ ରେ ସରକାରୀ ନାମାଙ୍କନକୁ ଅନ୍ତର୍ଭୁକ୍ତ କରିବାକୁ ଭାରତର ପ୍ରଧାନ ବିଚାରପତିଙ୍କୁ ଏକ ଚିଠି ଲେଖିଛନ୍ତି। ଆଇନ ମନ୍ତ୍ରୀ ସୋମବାର କହିଛନ୍ତି ଯେ ଏହି ବିବୃତ୍ତିରେ କୌଣସି ସତ୍ୟାସତ ନାହିଁ ।
