ଟି -୨୦ ବିଶ୍ୱକପ୍: ଚାମ୍ପିଅନ୍ ହେବ ଏହି ଟିମ୍, ଭବିଷ୍ୟବାଣୀ କଲେ ଏବି ଡିଭିଲିୟର୍ସ
ନୂଆଦିଲ୍ଲୀ: ଟି-୨୦ ବିଶ୍ୱକପ ପାଇଁ ୪ ଦଳ ସେମିଫାଇନାଲରେ ପହଞ୍ଚି ସାରିଛନ୍ତି । ଆସନ୍ତା କାଲି ଅର୍ଥାତ୍ ନଭେମ୍ବର ୯ ତାରିଖରେ ପାକିସ୍ତାନ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ସେମିଫାଇନାଲ ମ୍ୟାଚ୍ ଖେଳାଯିବ । ଏବଂ ଭାରତ ଓ ଇଂଲଣ୍ଡ ମଧ୍ୟରେ ଦ୍ୱିତୀୟ ସେମିଫାଇନାଲ ମ୍ୟାଚ୍ ହେବ । ତେବେ ଏହି ଦୁଇ ଧମାକାଦାର ମୁକାବିଲା ପୁର୍ବରୁ ଦକ୍ଷିଣ ଆପ୍ରିକାର ପୁର୍ବତ୍ତନ ବ୍ୟାଟ୍ସମ୍ୟାନ୍ ଏବି ଡିଭିଲିୟର୍ସ ବଡ଼ ଭବିଷ୍ୟବାଣୀ କରିଛନ୍ତି । ମିଷ୍ଟର ୩୬୦ ଦୁଇଟି ଟିମ୍ର ନାଁ ନେଇଛନ୍ତି, ଯେଉଁମାନେ ଫାଇନାଲ ମ୍ୟାଚ୍ ଖେଳିବେ । ଏହା ସହିତ ସେ ଚାମ୍ପିୟନ ଟିମ୍ର ନାଁ ମଧ୍ୟ କହିଛନ୍ତି ।
ଏବି ଡିଭିଲିୟର୍ସ ବର୍ତ୍ତମାନ ଭାରତରେ ଅଛନ୍ତି । ଆଇପିଏଲରୁ ଅବସର ନେବା ପରେ ୨୦୨୨ ଆଇପିଏଲରେ ସେ ଭାଗ ନେଇ ନଥିଲେ । କିନ୍ତୁ ଆଗାମୀ ସିଜନରେ ସେ ବାଙ୍ଗଲୋର ଟିମ୍ର ମେଣ୍ଟର ଭୁମିକାରେ ନଜର ଅସିପାରନ୍ତି । ଚାଲିଥିବା ଟି-୨୦ ବିଶ୍ୱକପକୁ ନେଇ ଡିଭିଲିୟର୍ସ ଭବିଷ୍ୟବାଣୀ କରିଛନ୍ତି । ଗଣମାଧ୍ୟମ ସରବରାହ ସଂସ୍ଥା ଏଏନଆଇ ସହିତ କଥା ହୋଇ କହିଛନ୍ତି ଯେ, ମୋତେ ଲାଗୁଛି ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଫାଇନାଲ ମୁକାବିଲା ଖେଳାଯିବ । ଏବଂ ଭାରତ ବିଶ୍ୱକପ ଜିତିବ । କାରଣ ବିରାଟ କୋହଲି ଏବଂ ସୂର୍ଯ୍ୟକୁମାର ଯାଦବ ଶାନଦାର ଫର୍ମରେ ଅଛନ୍ତି । ଏହା ସହିତ ଭାରତ ଏକ ପ୍ରତିଭାଶାଳୀ ଟିମ୍ ଅଟେ ।
#WATCH | I think India will play New Zealand in the finals and India will win the World Cup. Suryakumar Yadav and Virat Kohli are in great form. The whole team of India is very talented: Former South African cricketer AB de Villiers pic.twitter.com/83tRjI0Fl2
— ANI (@ANI) November 8, 2022
