ଆଗକୁ ଭୟଙ୍କର ଶୀତ! ବଢିପାରେ ମୃତ୍ୟୁ ସଂଖ୍ୟା, ଜାଣନ୍ତୁ କାରଣ
ଭୁବନେଶ୍ୱର,୧୭ ।୧୦(ଓଡିଶା ଭାସ୍କର): କରୋନା ଯୋଗୁଁ ଲୋକମାନେ ଅନେକ ହଇରାଣ ହେଉଥିବା ବେଳେ ପାଣିପାଗ ବିଭାଗର ଏକ ସୂଚନା ଲୋକଙ୍କର ନିଦ ହଜାଇ ଦେଇଛି । ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ଯେ, ‘ମହାସାଗରରେ ସୃଷ୍ଟି ହେଉଥିବା କିଛି ବିଶେଷ ସ୍ଥିତି ଯୋଗୁଁ ଭାରତର କିଛି ଭାଗରେ ଭୟଙ୍କର ବାତ୍ୟା ହୋଇପାରେ । ଏହି ବାତ୍ୟା କାରଣରୁ ଚଳିତବର୍ଷ ଭୟଙ୍କର ଶୀତ ଅନୁଭୂତ ହେବ ।’
ତେବେ ପାଣିପାଗ ବିଭାଗର ମୁଖ୍ୟ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ, ‘ ଅଗଷ୍ଟର ପ୍ରଶାନ୍ତ ମହାସାଗର ଉପରେ ‘ଲା ନିନା’ ସୃଷ୍ଟି ହୋଇଛି । ଏହା ପୂର୍ବରୁ ଦୁର୍ବଳ ଥିଲେ ବି ଏବେ ଅଧିକ ତୀବ୍ର ହୋଇସାରିଛି । ଅକ୍ଟୋବର ଓ ନଭେମ୍ବର ମାସରେ ବଙ୍ଗୋପସାଗରରେ ବାତ୍ୟା ସୃଷ୍ଟି ହୋଇପାରେ । ବାତ୍ୟା କାରଣରୁ ଦେଶର ରାଜସ୍ଥାନ, ପଞ୍ଜାବ, ଉତ୍ତରପ୍ରଦେଶ, ବିହାର, ମଧ୍ୟପ୍ରଦେଶ ଓ ଗୁଜୁରାଟରେ ପ୍ରଚଣ୍ଡ ଶୀତ ଅନୁଭୂତ ହେବ । ଏହା ଛଡା ଦେଶର ଅନେକ ସ୍ଥାନରେ ପ୍ରବଳ ଶୀତ ଅନୁଭୂତ ହୋଇପାରେ । ଭୟଙ୍ଗର ଶୀତ କାରଣରୁ ଅନେକ ଲୋକ ଅସୁସ୍ଥ ହେବା ସହ ମୃତ୍ୟୁ ସଂଖ୍ୟା ମଧ୍ୟ ବଢିପାରେ ।’
