୧୨ ମାର୍ଚ୍ଚରୁ ଆରମ୍ଭ ହେଉଛି ପବିତ୍ର ରମଜାନ୍ ମାସ, କିପରି ରହିଛି ରୋଜା ରଖିବାର ପରମ୍ପରା
ପାଟନା: ଚଳିତ ବର୍ଷ ୧୨ ମାର୍ଚ୍ଚରୁ ଆରମ୍ଭ ହେଉଛି ରମଜାନ ମାସ । ଇସଲାମ ଧର୍ମର ସବୁଠାରୁ ପବିତ୍ର ମାସ ହେଉଛି ରମଜାନ୍ । ଜାମା ମସଜିଦ୍ ଖଞ୍ଜାଚି ହାଟ୍ ପୂର୍ଣ୍ଣିଆର ଇମାମ ୱାହିଦଉଜମା କାସମୀ କହିଛନ୍ତି ରମଜାନର ପବିତ୍ର ମାସ ମଙ୍ଗଳବାର ଠାରୁ ଆରମ୍ଭ ହେଉଛି । ସେ ମୁସଲିମ ଭାଇ ଭଉଣୀଙ୍କ ସହିତ ସମସ୍ତ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ସମସ୍ତ ମୁସଲିମ୍ ଭାଇ ଭଉଣୀଙ୍କୁ ଶ୍ରଦ୍ଧାର ସହ ରୋଜା ରଖିବାକୁ ସେ କହିଛନ୍ତି । ଏହା ସହିତ ସେହରୀ ଓ ଇଫତାରୀର ଗୁରୁତ୍ୱ ଦେବାକୁ ସେ ସମସ୍ତଙ୍କୁ ନିବେଦନ କରିଛନ୍ତି ।
ସେ କହିଛନ୍ତି ସମୟ ପୂର୍ବରୁ କେହି ସେହରୀ କି ଇଫତାରୀ କରନ୍ତୁ ନାହିଁ । ଏପରି କରିବା ଦ୍ୱାରା ରୋଜାର ଫାଇଦା ମିଳିବ ନାହିଁ । ଏହି ପବିତ୍ର ମାସରେ ତରାବୀହ ପଢାଯାଏ । ଏହାକୁ ସୁନ୍ନତ କୁହାଯାଏ । ତରାବୀହର ସମ୍ମାନ କରିବାକୁ ସେ ସମସ୍ତଙ୍କୁ ନିବେଦନ କରିଛନ୍ତି ।
୧୨ ମାର୍ଚ୍ଚରୁ ରୋଜା ଆରମ୍ଭ ହେଉଥିବା ବେଳେ ତରାବୀହ ପଢିବାର ସମୟ ୧୧ ମାର୍ଚ୍ଚ ସନ୍ଧ୍ୟାରୁ ଆରମ୍ଭ ହେଉଛି । ବିଳମ୍ବିତ ସନ୍ଧ୍ୟାରେ ଏହା ପଢା ଆରମ୍ଭ ହେବ ବୋଲି ଇମାମ କାସମୀ କହିଛନ୍ତି । ଏହି ରମଜାନ୍ ମାସ ଏପ୍ରିଲରେ ଶେଷ ହେବ ଅର୍ଥାତ୍ ରୋଜା ଶେଷ ହେବ । ଏହାପରେ ଇଦ ଉଲ୍ ଫିତର ନମାଜ ପଢାଯିବ ।
ଇମାମ କାସମୀ କହିଛନ୍ତି ସେହରୀ ସମୟ ୪ଟା ୩୬ମି.ରୁ ଆରମ୍ଭ ହେବ । ସେହିପରି ଇଫତାର ସମୟ ୫ଟା ୩୬ମି. ରହିବ । ପ୍ରଥମ ରୋଜା ୧୨ଘଣ୍ଟା ୧୨ମି.ର ହେବ ବୋଲି ସେ କହିଛନ୍ତି ଯାହା ପୂର୍ବ ବର୍ଷ ତୁଳନାରେ କମ୍ ରହିଛି । ଏଥର ପାଗ ଅନୁକୂଳ ରହିଥିବାରୁ ରୋଜା ରଖିଥିବା ଭାଇ ଭଉଣୀଙ୍କୁ ବିଶେଷ କଷ୍ଟ ହେବ ନାହିଁ ବୋଲି ସେ କହିଛନ୍ତି ।
ଇମାମ କାସମୀ କହିଛନ୍ତି ଇସଲାମରେ ୧୩ରୁ ୧୪ ବୟସ ମଧ୍ୟରେ ପିଲା ସାବାଳକ ହୋଇଥାଆନ୍ତି । ତେଣୁ ସେମାନେ ରୋଜା ରଖିପାରିବେ ।
