ସାମ୍ନାକୁ ଆସିଲା ଅତିକ ଅହମ୍ମଦଙ୍କୁ ହତ୍ୟା କରିବାର କାରଣ, ଜାଣନ୍ତୁ ୩ ଆକ୍ରମଣକାରୀ କାହିଁକି ମାଫିଆଙ୍କୁ କଲେ ଗୁଳି
ଲକ୍ଷ୍ନୌ: ଉତ୍ତରପ୍ରଦେଶର ପ୍ରୟାଗରାଜରେ ମାଫିଆ ଅତିକ୍ ଅହମ୍ମଦ ଏବଂ ତାଙ୍କ ଭାଇ ଆଶରଫ ଅହମ୍ମଦଙ୍କୁ ଗୁଳି କରି ହତ୍ୟା କରାଯାଇଥିଲା। ଯେତେବେଳେ ଅତିକ୍ ଏବଂ ଆଶ୍ରାଫଙ୍କ ଡାକ୍ତରୀ ପରୀକ୍ଷା କରିବା ପାଇଁ ପୋଲିସ କଲଭିନ ହସ୍ପିଟାଲରେ ପହଞ୍ଚିଥିଲା, ସେହି ସମୟରେ ତିନିଜଣ ଆକ୍ରମଣକାରୀ ସେମାନଙ୍କ ଉପରକୁ ଗୁଳି ଚଳାଇ ହତ୍ୟା କରିଥିଲେ। ଅତିକ୍ ଏବଂ ଆଶ୍ରାଫଙ୍କୁ ହତ୍ୟା କରିବା ପରେ ଆକ୍ରମଣକାରୀମାନେ ଆତ୍ମସମର୍ପଣ କରିଥିଲେ। ପୋଲିସ ଏହି ତିନିଜଣଙ୍କୁ ଗିରଫ କରି ତଦନ୍ତ ଜାରି ରଖିବା ବେଳେ ବର୍ତ୍ତମାନ ହତ୍ୟା କରିବାର ରହସ୍ୟ ସାମ୍ନାକୁ ଆସିଛି।
ଏବେ ଅତିକ୍ ଅହମ୍ମଦ ଏବଂ ତାଙ୍କ ଭାଇ ଆଶ୍ରାଫ ଅହମ୍ମଦଙ୍କ ହତ୍ୟାର କାରଣ ସାମ୍ନାକୁ ଆସିଛି। ପୋଲିସର ବଡ ସୂତ୍ରରୁ ଜଣାପଡିଛି ଯେ, ଏହି ତିନି ଅଭିଯୁକ୍ତ ନିଜକୁ ପ୍ରସିଦ୍ଧ କରିବାକୁ ଚାହୁଁଥିଲେ ଏବଂ ଅପରାଧ ଜଗତରେ ସେମାନଙ୍କ ନାମ ଅର୍ଜନ କରିବାକୁ ଚାହୁଁଥିଲେ। ଏହି କାରଣରୁ ସେ ମାଫିଆଙ୍କୁ ହତ୍ୟା କରିବାକୁ ନିଷ୍ପତ୍ତି ନେଇଥିଲେ।
ଅତିକ୍ ଅହମ୍ମଦ ଏବଂ ତାଙ୍କ ଭାଇ ଆଶ୍ରାଫ ଅହମ୍ମଦଙ୍କୁ ଆକ୍ରମଣ କରିବାକୁ ଆକ୍ରମଣକାରୀମାନେ ଛଦ୍ମବେଶରେ ଆସିଥିଲେ। ଆକ୍ରମଣକାରୀମାନେ ଘଟଣାସ୍ଥଳରେ ପହଞ୍ଚି ଅତିକ୍ ଅହମ୍ମଦ ଏବଂ ତାଙ୍କ ଭାଇ ଆଶ୍ରାଫ ଅହମ୍ମଦଙ୍କ ଠାରୁ ବାଇଟ ନେବା ପାଇଁ ତାଙ୍କ ପାଖକୁ ଯାଇଥିଲେ। ଏହି ସମୟରେ ତିନିଜଣ ଅତିକ୍ ଏବଂ ଆଶ୍ରାଫଙ୍କ ଉପରକୁ ଗୁଳି ଚଳାଇ ହତ୍ୟା କରିଥିଲେ।