International Cricketରୁ ବିଦାୟ ନେଲେ ଷ୍ଟାର ଖେଳାଳି: ୨୦୨୩ ବିଶ୍ୱକପରେ କରିଥିଲେ ଦମଦାର ପ୍ରଦର୍ଶନ
ନୂଆଦିଲ୍ଲୀ: ୨୦୨୩ ପୁରୁଷ ଦିନିକିଆ ବିଶ୍ୱକପରେ ଦମଦାର ପ୍ରଦର୍ଶନ କରିଥିଲେ, ବର୍ତ୍ତମାନ ଅନ୍ତର୍ଜାତୀୟ କ୍ରିକେଟରୁ ବିଦାୟ ଘୋଷଣା କରିଛନ୍ତି ଦଳର ଷ୍ଟାର କ୍ରିକେଟର । ଇଂଲଣ୍ଡର ଷ୍ଟାର ବ୍ୟାଟର ଡାଭିଡ ମଲାନ୍ କ୍ରିକେଟ ନିଜ ଅବସର ନେଇ ଘୋଷଣା କରିଛନ୍ତି । ମାତ୍ର ୩୭ ବର୍ଷ ବୟସରେ କ୍ରିକେଟ କ୍ୟାରିୟରରେ ପୂର୍ଣ୍ଣଚ୍ଛେଦ ପକାଇଛନ୍ତି ଷ୍ଟାର ବ୍ୟାଟର ଡାଭିଡ ମଲାନ୍ । ଦମଦାର ବ୍ୟାଟିଂ ପାଇଁ ସ୍ୱତନ୍ତ୍ର ପରିଚୟ ପାଇଥିବା ଡାଭିଡ ମଲାନ୍ ଅନ୍ତର୍ଜାତୀୟ କ୍ରିକେଟରୁ ବିଦାୟ ଘୋଷଣା କରିଛନ୍ତି ।
ଇଂଲଣ୍ଡ କ୍ରିକେଟ ପାଇଁ ମଲାନ୍ ୨୨ଟି ଟେଷ୍ଟ ଖେଳିଥିବା ବେଳେ ୩୦ଟି ଦିନିକିଆ ଏବଂ ୬୨ଟି ଟି-୨୦ ମ୍ୟାଚ୍ ଖେଳିଛନ୍ତି । ଅନ୍ତର୍ଜାତୀୟ କ୍ରିକେଟର ସମସ୍ତ ଫର୍ମାଟରେ ଶତକ ହାସଲ କରିଥିବା ୨ ଜଣ ଇଂଲଣ୍ଡ ବ୍ୟାଟରଙ୍କ ମଧ୍ୟରେ ସେ ମଧ୍ୟ ସାମିଲ ରହିଛନ୍ତି । ତେବେ ଦିନିକିଆ ବିଶ୍ୱକପ-୨୦୨୩ ପରେ ଇଂଲଣ୍ଡ ଦଳରେ ତାଙ୍କୁ ସୁଯୋଗ ମିଳିନାହିଁ । ଏହାପରେ ସେ ନିଜ କ୍ରିକେଟ କ୍ୟାରିୟରକୁ ନେଇ ବଡ଼ ଘୋଷଣା କରିଛନ୍ତି । ତେବେ ଅଷ୍ଟ୍ରେଲିଆ ବିପକ୍ଷ ସିରିଜରୁ ବାଦ୍ ପଡ଼ିବା ପରେ ଅନ୍ତର୍ଜାତୀୟ କ୍ରିକେଟର ସମସ୍ତ ଫର୍ମାଟରୁ ବିଦାୟ ପାଇଁ ନିଷ୍ପତ୍ତି ନେଇଛନ୍ତି । ଅବସର ଘୋଷଣା କରିବା ସହ ମଲାନ୍ କହିଛନ୍ତି ଯେ, ଦିନିକିଆ ଏବଂ ଟି-୨୦ ଫର୍ମାଟରେ ସେ ନିଜ ସର୍ବଶ୍ରେଷ୍ଠ ପ୍ରଦର୍ଶନ କରି ସନ୍ତୁଷ୍ଟ ରହିଛନ୍ତି । କିନ୍ତୁ ଟେଷ୍ଟ କ୍ୟାରିରକୁ ନେଇ ନିରାଶ ଦର୍ଶାଇଛନ୍ତି ମଲାନ୍ । ଟେଷ୍ଟ କ୍ରିକେଟରେ ଲଗାତାର ପ୍ରଦର୍ଶନ କରିବାରେ ବିଫଳ ହୋଇଥିବା ସେ ସ୍ୱୀକାର କରିଛନ୍ତି ।
BREAKING NEWS :
Dawid Malan who has played over 100 games for England across formats has announced his retirement from International cricket.
Dawid Malan averages 55.77 in ODI's after 30 innings, striking at 97.45😧
Do you think Malan deserved to play more ODIs for England? pic.twitter.com/YICtlCf6IH
— Cricket.com (@weRcricket) August 28, 2024
ମଲାନ୍ ୨୦୧୭ ମସିହାରେ ଦକ୍ଷିଣ ଆଫ୍ରିକା ବିପକ୍ଷରେ ଡେବ୍ୟୁ କରିଥିବା ବେଳେ ଏହି ମ୍ୟାଚରେ ଏକ ବିସ୍ଫୋରକ ଇନିଂସ ଖେଳିଥିଲେ । ଏହାପରେ ୨୦୧୯ ଦିନିକିଆ ବିଶ୍ୱକପ ବିଜୟରେ ମଧ୍ୟ ଇଂଲଣ୍ଡ ପାଇଁ ସେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥିଲେ । ଏହାବ୍ୟତୀତ ୨୦୨୨ ଟି-୨୦ ବିଶ୍ୱକପ ବିଜୟୀ ଦଳରେ ମଧ୍ୟ ସେ ସାମିଲ ରହିଥିଲେ । ତେବେ ୨୦୨୩ ଦିନିକିଆ ବିଶ୍ୱକପରେ ବାଂଲାଦେଶ ବିପକ୍ଷ ମ୍ୟାଚରେ ଦମଦାର ଶତକ ହାସଲ କରିବା ସହ ଦଳକୁ ଦମଦାର ବିଜିୟ ଭେଟି ଦେଇଥିଲେ ଡାଭିଡ ମଲାନ୍ ।
🚨 FORMER NO.1 RANKED T20I BATTER – DAWID MALAN RETIRES FROM INTERNATIONAL CRICKET. 🚨 pic.twitter.com/gvvb6xvh3g
— Mufaddal Vohra (@mufaddal_vohra) August 28, 2024