NOTA ଠାରୁ ବି ମିଳିଲା କମ୍ ଭୋଟ୍, ଦୁଇ ଜାତୀୟ ଦଳର ନିରାଶାଜନକ ସ୍ଥିତିକୁ ନେଇ ଚିନ୍ତାରେ ମୁଖିଆ
ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ଫଳାଫଳ ରାଜନୈତିକ ମାହୋଲରେ ହଲଚଲ ସୃଷ୍ଟି କରିଛି । ୪୮ଟି ଆସନରେ ବିଜେପିର ବିପୁଳ ବିଜୟ ପରେ ଦୀର୍ଘ ୨୭ ବର୍ଷ ପରେ ଦଳ କ୍ଷମତାକୁ ଫେରିଛି ।
ଅପରପକ୍ଷରେ ଆମ୍ ଆଦମୀ ପାର୍ଟି ପାଇଁ ନିର୍ବାଚନ ଫଳାଫଳ ନିରାଶାଜନକ ଥିଲା । ଦଳକୁ କେବଳ ୨୨ଟି ଆସନରେ ସନ୍ତୁଷ୍ଟ ହେବାକୁ ପଡ଼ିଛି ।
କିନ୍ତୁ ଏପରି ଦୁଇଟି ଦଳ ଅଛନ୍ତି ଯେଉଁମାନଙ୍କୁ NOTA ଠାରୁ ବି କମ୍ ଭୋଟ୍ ମିଳିଛି ।
ଦିଲ୍ଲୀ ନିର୍ବାଚନ ଫଳାଫଳର ପରିସଂଖ୍ୟାନ ଦେଖିଲେ ଭାରତୀୟ କମ୍ୟୁନିଷ୍ଟ ପାର୍ଟି (ମାର୍କ୍ସବାଦୀ) ଏବଂ ମାୟାବତୀଙ୍କ ବହୁଜନ ସମାଜ ପାର୍ଟି (BSP)କୁ NOTA ଅପେକ୍ଷା କମ୍ ଭୋଟ୍ ମିଳିଛି ।
ବିଏସପିକୁ ୦.୫୮ ପ୍ରତିଶତ ଭୋଟ ମିଳିଥିବାବେଳେ ସିପିଆଇ(ଏମ୍)ର ଭୋଟ୍ ଅଂଶ ୦.୦୧ ପ୍ରତିଶତ ରହିଥିଲା । ବିଏସପିର ଭୋଟ ହାର କମ୍ ନଥିଲେ ବି ଏହା ନୋଟା ସହିତ ସମାନ।
ଅରବିନ୍ଦ କେଜ୍ରିୱାଲଙ୍କ ଆମ ଆଦମୀ ପାର୍ଟି ୪୩.୫୭ ପ୍ରତିଶତ, ଅସଦୁଦ୍ଦିନ ଓୱେସିଙ୍କ ଏଆଇଏମଆଇଏମ ୦.୭୭ ପ୍ରତିଶତ, ବିଜେପି ୪୫.୫୬ ପ୍ରତିଶତ, ମାୟାବତୀଙ୍କ ବିଏସପି ୦.୫୮ ପ୍ରତିଶତ, ସିପିଆଇ ୦.୦୨ ପ୍ରତିଶତ, ସିପିଆଇ (ଏମ୍) ୦.୦୧ ପ୍ରତିଶତ, କଂଗ୍ରେସ ୬.୩୪ ପ୍ରତିଶତ, ନୀତିଶ କୁମାରଙ୍କ ଜେଡିୟୁ ୧.୦୬ ପ୍ରତିଶତ, ଚିରାଗ ପାସୱାନଙ୍କ ଏଲଜେପି (ଆର୍) ୦.୫୩ ପ୍ରତିଶତ, ଏନସିପି ୦.୦୬ ପ୍ରତିଶତ ଏବଂ ଅନ୍ୟାନ୍ୟ ଦଳ ୦.୯୩ ପ୍ରତିଶତ ଭୋଟ ପାଇଛନ୍ତି। ସେହି ସମୟରେ, ନୋଟାକୁ ୦.୫୭ ପ୍ରତିଶତ ଭୋଟ ମିଳିଥିଲା।