Breaking: କାଲି ଶ୍ରୀମନ୍ଦିରରେ ହେବ ପ୍ରବଳ ଭିଡ଼! ମହାପ୍ରଭୁଙ୍କ ଦର୍ଶନ ପାଇଁ ବଡ଼ଦାଣ୍ଡରେ ଠେଲାପେଲା, ରାତି ତମାମ ଭକ୍ତ କରିବେ ଦର୍ଶନ

ପୁରୀ: ମହାପ୍ରଭୁ ଜଗନ୍ନାଥଙ୍କ ଦର୍ଶନ ପାଇଁ ବଡ଼ଦାଣ୍ଡରେ ଭକ୍ତଙ୍କର ଲାଗିଛି ଲମ୍ବା ଲାଇନ୍ । ଆସନ୍ତା କାଲି ପୌଷ ପୁର୍ଣ୍ଣିମା ଥିବବେଳେ ତା’ ପରଦିନ ମକର ସଂକ୍ରାନ୍ତି । ଏ ଅବସରରେ ମହାପ୍ରଭୁଙ୍କ ସୁନାବେଶ ଦେଖିବା ପାଇଁ କାଲି ମନ୍ଦିରରେ ଆହୁରି ଅଧିକ ଭିଡ଼ ହେବ ।

ଆଜି ସକାଳୁ ସକାଳୁ ମନ୍ଦିର ପରିସରରେ ଭକ୍ତଙ୍କ ସମାଗମ ସାଙ୍ଗକୁ ସିଂହଦ୍ୱାର ସମ୍ମୁଖରେ ଭକ୍ତଙ୍କ ଲାଇନ୍ ଦେଖିବାକୁ ମିଳିଛି । ମନ୍ଦିର ପ୍ରଶାସନ ପକ୍ଷରୁ ଭକ୍ତଙ୍କ ଦର୍ଶନ ସୁରକ୍ଷିତ ଓ ସରଳ କରିବା ପାଇଁ ଉପଯୁକ୍ତ ବ୍ୟବସ୍ଥା କରାଯାଇଛି ।

ମହାପ୍ରଭୁଙ୍କ ଦର୍ଶନ ପାଇଁ ପ୍ରବାସୀ ଭାରତୀୟମାନେ ମଧ୍ୟ ଧାଡ଼ିରେ ଛିଡ଼ା ରହିଥିବା ଦେଖିବାକୁ ମିଳିଛି । ପ୍ରବାସୀଙ୍କ ପାଇଁ କୌଣସି ସ୍ୱତନ୍ତ୍ର ବ୍ୟବସ୍ଥା କରାଯାଇ ନ ଥିବାବେଳେ ମହାପ୍ରଭୁଙ୍କ ଦର୍ଶନ ପାଇଁ ସ୍ୱତନ୍ତ୍ର ବ୍ୟବସ୍ଥାର ଆବଶ୍ୟକତା ନ ଥିବା କହିଛନ୍ତି ନିଜେ ପ୍ରବାସୀ ଭାରତୀୟ ।

ଆସନ୍ତା ଦୁଇଦିନ ମନ୍ଦିରରେ ଅଧିକ ଭିଡ଼ ରହିବ । ଭିଡ଼କୁ ନିୟନ୍ତ୍ରଣ କରିବା ପାଇଁ ମନ୍ଦିର ପ୍ରଶାସନ ପକ୍ଷରୁ ସୁବନ୍ଦୋବସ୍ତ କରାଯାଇଛି ।