୨୫ ବର୍ଷ ପରେ ରାଜ୍ୟର ଏହି ଜିଲ୍ଲାରେ ଦେଖାଦେଲା ବାଘ, IFS ଅଧିକାରୀ ସେୟାର କଲେ ଫଟୋ
ନୂଆଦିଲ୍ଲୀ: ଭାରତରେ ଏଭଳି ପରିସ୍ଥିତି ଦେଖାଦେଇଥିଲା ଯେଉଁଠାରେ ବାଘ ସଂଖ୍ୟା ହ୍ରାସ ପାଇ ମାତ୍ର ୨୬୮ ହୋଇଯାଇଥିଲା । ଏହାପରେ ବାଘଙ୍କୁ ବଞ୍ଚାଇବା ଲାଗି ସମଗ୍ର ଦେଶରେ ପ୍ରୋଜେକ୍ଟ ଟାଇଗର ଆରମ୍ଭ କରିଥିଲା । ଏହାପରେ ଧିରେ ଧିରେ କରି ଦେଶରେ ବାଘ ସଂଖ୍ୟା ବଢିବାକୁ ଲାଗିଲା । ଏକ ରିପୋର୍ଟ ମୁତାବକ ୨୦୨୨ ବର୍ଷ ପର୍ଯ୍ୟନ୍ତ ଦେଶରେ ବାଘ ସଂଖ୍ୟା ବଢି ୩ ହଜାର ୧୬୭ ହୋଇଯାଇଥିଲା । ବର୍ତ୍ତମାନ ସୋସିଆଲ ମିଡିଆରେ ଏକ ଆଇଏଫଏସ ଅଧିକାରୀ ଏକ ବାଘର ଫଟୋ ସେୟାର କରି ସୂଚନା ଦେଇଛନ୍ତି ।
ମାଇକ୍ରୋ ବ୍ଲଗିଂ ପ୍ଲାଟଫର୍ମ ଏକ୍ସରେ ଆଇଏଫଏସ ଅଧିକାରୀ ଶୁଶାନ୍ତ ନନ୍ଦା ବାଘର ଫଟୋ ସେୟାର କରିଛନ୍ତି । ଫଟୋ ସେୟାର କରି ସେ ଲେଖିଛନ୍ତି ଯେ, ଏହା କହି ବହୁତ ଖୁସି ଲାଗୁଛି ଯେ, ‘ପାଖାପାଖି ଦୁଇ ଦଶନ୍ଧି ଅର୍ଥାତ ୨୫ ବର୍ଷ ପରେ ସୁନ୍ଦରଗଡ଼ ଜିଲ୍ଲାରେ ଗୋଟିଏ ବାଘକୁ କ୍ୟାମେରାରେ କଏଦ କରାଯାଇଛି । ଏନଟିସିଏର ଟାଇଗର ସେଲ ଏହାର ପୃଷ୍ଠି କରିଛି ଯେ, ଏଠାରେ ସଞ୍ଜୟ ଡୁବରୀ ଟାଇଗର ରିଜର୍ଭରୁ ବାହାରକୁ ପଳାଇଅସିଛି । ଓଡ଼ିଶାରେ ନିଜର ନୂଆ ଅଞ୍ଚଳ ସୃଷ୍ଟି କରିବାକୁ ସେ ଶହ ଶହ ମାଇଲର ଯାତ୍ରା କରିଛି । ସ୍ୱାଗତ ।’
ଏହି ଭାଇରାଲ ଫଟୋକୁ ୧୨ ହଜାର ଲୋକ ଦେଖିସାରିଛନ୍ତି । ଫଟୋ ଦେଖିବା ପରେ ଏକ ୟୁଜର ଲେଖିଛନ୍ତି ଯେ, ଏହା ବହୁତ ଭଲ ଖବର ସାର । ଅନ୍ୟ ଜଣେ ୟୁଜର୍ସ ଲେଖିଛନ୍ତି ଯେ, ଓଡ଼ିଶାର ୱାଇଲ୍ଡ ଲାଇଫ ଲଭର୍ସଙ୍କ ପାଇଁ ବହୁତ ଭଲ ଖବର । ଅନ୍ୟ ଜଣେ ୟୁଜର ଲେଖିଛନ୍ତି, ଏହି ବହୁତ ଭଲ କଥା ।
Happy to share that one Tiger has been camera trapped in Sundergarh District almost after two decades. Tiger cell of NTCA confirmed it to have migrated out of Sanjay Dubri TR.
Must have traveled few hundred miles to carve out its new territory in Odisha. Welcome 🙏🙏 pic.twitter.com/lK85UmXCAZ
— Susanta Nanda (@susantananda3) March 18, 2024
