ଟାଇଟନିକ୍ ଅଭିନେତାଙ୍କ ପରଲୋକ, ୧୧ ଥର ଜିତିଥିଲେ ଓସ୍କାର
ନୂଆଦିଲ୍ଲୀ: ମନୋରଞ୍ଜନ ଜବତରୁ ଏକ ବହୁତ ଖରାପ ଖବର ସାମ୍ନାକୁ ଆସିଛି । ଜଣେ ପ୍ରସିଦ୍ଧ ଅଭିନେତାଙ୍କର ଦେହାନ୍ତ ହୋଇଛି । ଏହି ଖବର କେବଳ ମନୋରଞ୍ଜନ ଜଗତ ନୁହେଁ ବରଂ ପ୍ରଶଂସକଙ୍କୁ ମଧ୍ୟ ଆଶ୍ଚର୍ଯ୍ୟ କରିଛି । ଆଇକନିକ୍ ଚଳଚ୍ଚିତ୍ର ‘ଟାଇଟନିକ୍’ର ଅଭିନେତା ଏହି ଦୁନିଆକୁ ବିଦାୟ ଦେଇଛନ୍ତି । ଏହି ଖବର ଶୁଣିବା ପରେ ପ୍ରଶଂସକଙ୍କ ମଧ୍ୟରେ ନିରାଶା ଦେଖାଦେଇଛି । ହଠାତ୍ ଏପରି ଖରାପ ଖବର ଆସିଛି ଯେ ପ୍ରଶଂସକମାନେ ସଦମାରେ ଅଛନ୍ତି । ଏହି ଚଳଚ୍ଚିତ୍ରକୁ କେବଳ ବିଦେଶ ନୁହେଁ ବରଂ ଭାରତରେ ମଧ୍ୟ ବହୁତ ପସନ୍ଦ କରାଯାଇଛି । ଏଭଳି ପରିସ୍ଥିତିରେ ‘ଟାଇଟାନିକ୍’ ଅଭିନେତାଙ୍କ ମୃତ୍ୟୁ ହେତୁ ସବୁଆଡେ ଶୋକର ଛାୟା ବ୍ୟାପିଛି ।
ତେବେ ଅଭିନେତା ବର୍ନାର୍ଡ ହିଲ୍ ଆମ ସହିତ ଆଉ ନାହାଁନ୍ତି । ସେ ଏହି ଫିଲ୍ମରେ କ୍ୟାପଟେନ ଏଡୱାର୍ଡ ସ୍ମିଥଙ୍କ ଆଇକନିକ୍ ଭୂମିକାରେ ଅଭିନୟ କରିଥିଲେ । ଏହି ଚଳଚ୍ଚିତ୍ରରେ ତାଙ୍କ ଚରିତ୍ରକୁ ସମସ୍ତେ ଖୁବ୍ ଭଲ ପାଇଥିଲେ ।
ଏହା ବ୍ୟତୀତ ସେ ‘ଲର୍ଡ ଅଫ୍ ଦି ରିଙ୍ଗ୍’ ପାଇଁ ମଧ୍ୟ ଜଣାଶୁଣା । ତାଙ୍କ କ୍ୟାରିଅରରେ ସେ କେବଳ ଚଳଚ୍ଚିତ୍ରରେ ନୁହେଁ ଟିଭି ଶୋ ଏବଂ ଥିଏଟରରେ ମଧ୍ୟ କାମ କରିଛନ୍ତି । କିନ୍ତୁ ଇଣ୍ଡଷ୍ଟ୍ରିରେ ଦୀର୍ଘ ସମୟ ବିତାଇବା ଏବଂ ଦର୍ଶକଙ୍କ ହୃଦୟରେ ନିଜର ସ୍ଥାନ ସୃଷ୍ଟି କରିବା ଏବଂ ୧୧ ଟି ଓସ୍କାର ପୁରସ୍କାର ଜିତିବା ପରେ ସେ ଆଜି ଶେଷ ନିଶ୍ୱାସ ତ୍ୟାଗ କରିଛନ୍ତି ।
