କରୋନା ନେଲା ଏକ କଳାକାରଙ୍କ ଜୀବନ, ମୃତ୍ୟୁ ପୂର୍ବରୁ ଫେସବୁକରେ ଦେଇଥିଲେ ଖବର
ନୁଆଦିଲ୍ଲୀ, ୯/୦୫(ଓଡିଶା ଭାସ୍କର) : କରୋନାରେ ଚାଲିଗଲେ ଆଉ ଜଣେ କଳାକାର । ନେଟଫ୍ଲିକ୍ସ ଫିଲ୍ମ ୟୁନିଫ୍ରୀଡମ୍ ରେ ନଜର ଆସିଥିବା ଅଭିନେତା ରାହୁଲ ଭୋରାଙ୍କ ଆଜି କରୋନାରେ ମୃତ୍ୟୁ ଘଟିଛି । ଦୀର୍ଘ ଦିନ ହେବ ସେ କରୋନାରେ ସଂକ୍ରମିତ ହୋଇ ମରଣ ସହ ଲଢ଼େଇ କରୁଥିଲେ । ତାଙ୍କ ପରଲୋକ ହୋଇଥିବା ଖବର ବିଷୟରେ ଥିଏଟର୍ ନିର୍ଦ୍ଦେଶକ ଏବଂ ପ୍ଲେ ରାଇଟର୍ ଅରବିନ୍ଦ ଗୌର ସୋସିଆଲ ମିଡିଆରେ ସୁଚନା ଦେଇଛନ୍ତି । ତେବେ ରାହୁଲ ମୃତ୍ୟୁ ପୂର୍ବରୁ ଫେସବୁକ୍ ରେ ଏକ ପୋଷ୍ଟ କରିଥିଲେ । ଯେଉଁଥିରେ ସେ କହିଥିଲେ ଯେ, ସେ ନିଜ ମୃତ୍ୟୁ ଖବର ପରୋକ୍ଷରେ ଦେଇଥିଲେ ।
ସେ ତାଙ୍କ ପୋଷ୍ଟରେ ଲେଖିଥିଲେ ଯେ, ‘ମୋତେ ଭଲ ଚିକିତ୍ସା ମିଳିଥିଲେ ବଞ୍ଚିଯାଇଥାନ୍ତି । ତୁମର ରାହୁଲ ଭୋରା ।’ ଜଣେ ମୃତ ବ୍ୟକ୍ତି ଭଳି ସେ ଫେସବୁକ୍ ପୋଷ୍ଟରେ କିଛି କଥା ଉଲ୍ଲେଖ କରିଥିଲେ । ସେ ଲେଖିଥିଲେ ଯେ, ‘ଖୁବଶୀଘ୍ର ଜନ୍ମ ନେବି ଏବଂ ଭଲ କାର୍ୟ୍ୟ କରିବି । ଏବେ ସାହସ ହରାଇଦେଇଛି ।’ ତେବେ ସେ ବୋଧ ହୁଏ ଜାଣିଥିଲେ ଯେ, ସେ ଆଉ ରହିବେନି । ଠିକ୍ ସେହି ଭଳି ଇଙ୍ଗିତ କରି ସେ ଫେସବୁକ୍ ରେ ଲେଖିଥିଲେ ।
ତାଙ୍କ ମୃତ୍ୟୁ ସଂକ୍ରାନ୍ତରେ ଅରବିନ୍ଦ ଗୌର ସୁଚନା ଦେଇ ଲେଖିଛନ୍ତି ଯେ, ‘ରାହୁଲ ଭୋରା ଆଉ ନାହାନ୍ତି। ମୋର ସବୁଠୁ ଯୋଗ୍ୟ କଳାକାଳ ଏ ଦୁନିଆରେ ଆଉ ନାହାନ୍ତି। ତାଙ୍କୁ ରାଜୀବ ଗାନ୍ଧୀ ହସ୍ପିଟାଲରୁ ଆୟୁଷ୍ମାନ, ଦ୍ବାରକା ସିଫ୍ଟ କରାଯାଇଥିଲା କିନ୍ତୁ ତାଙ୍କୁ ବଞ୍ଚାଇପାରିଲେ ନାହିଁ। ପ୍ଳିଜ୍ ଆମକୁ କ୍ଷମା କରିଦେବ ରାହୁଲ, ଆମେ ତୁମର ଅପରାଧୀ।’
