ଅଭାବନୀୟ, ପ୍ରସବ ସମୟରେ ନବଜାତ ଶିଶୁର ମୁଣ୍ଡ ତଣ୍ଟିରୁ ଅଲଗା ହୋଇଗଲା…
ନୂଆଦିଲ୍ଲୀ: ପ୍ରସବ ସମୟରେ ତଣ୍ଟିରୁ ଅଲଗା ହୋଇଗଲା ନବଜାତ ଶିଶୁର ମୁଣ୍ଡ। ସତନା ମଧ୍ୟପ୍ରଦେଶର ସତାନା ଜିଲ୍ଲା ଡାକ୍ତରଖାନାରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ମହିଳା ଜଣକ ପ୍ରସବ ପରେ ଏକ ଡାକ୍ତରମାନେ ତାଙ୍କୁ ମୃତ ଶିଶୁକୁ ହସ୍ତାନ୍ତର କରିଥିଲେ। ମହିଳାଙ୍କ ଅପରେସନ୍ ମହିଳା ଡାକ୍ତର ଡକ୍ଟର ନୀଲାମ ସିଂ କରିଥିଲେ। ତେବେ ଏ କଥାରେ କୌଣସି ସନ୍ଦେହ ନାହିଁ ଯେ, ପ୍ରସବ ସମୟରେ ଅବହେଳା ହୋଇଛି।
ମାଧହାରର ଡେଲହା ଗାଁର ବାସିନ୍ଦା କିରଣ ଚୌଧୁରୀଙ୍କ ପ୍ରସବ ଯନ୍ତ୍ରଣା ହେବାରୁ ତାଙ୍କୁ ତୁରନ୍ତ ପରିବାର ଲୋକେ ସିଭିଲ ହସ୍ପିଟାଲରେ ଭର୍ତ୍ତି କରିଥିଲେ। କିନ୍ତୁ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଜିଲ୍ଲା ଡାକ୍ତରଖାନାକୁ ପଠାଇ ଦିଆଯାଇଥିଲା। ଏଠାରେ ଅପରେସନ୍ ଦ୍ୱାରା ତାଙ୍କର ପ୍ରସବ କରାଯାଇଥିଲା। ଜିଲ୍ଲା ଡାକ୍ତରଖାନାରେ ଡ୍ୟୁଟିରେ ଥିବା ମହିଳା ଡାକ୍ତର ନୀଲମ ସିଂ ପ୍ରସବ କାର୍ଯ୍ୟ କରିଥିଲେ। ତେବେ ପରେ ପରିବାର ସଦସ୍ୟଙ୍କୁ କୁହାଯାଇଥିଲା ଯେ ପିଲାଟିର ମୃତ୍ୟୁ ହୋଇଛି। ସୂଚନା ଅନୁସାରେ ପ୍ରାୟ ଅଢେଇ ଘଣ୍ଟା ପରେ ଡାକ୍ତରଖାନା ପ୍ରଶାସନ କର୍ତ୍ତୃପକ୍ଷ ନବଜାତ ଶିଶୁର ମୃତଦେହକୁ ଏକ କପଡ଼ାରେ ଗୁଡ଼ାଇ ପରିବାର ସଦସ୍ୟଙ୍କୁ ଦେଇଥିଲା।
ନବଜାତ ଶିଶୁର ମୃତଦେହ ଦେଖି ପରିବାର ସଦସ୍ୟଙ୍କ ପାଦ ତଳୁ ମାଟି ଖସିଯାଇଥିଲା। କାରଣ ପିଲାଟିର ମୁଣ୍ଡ ତଣ୍ଟିରୁ ଅଲଗା ହୋଇଯାଇଥିଲା। ଯାହାକୁ ଦେଖି ପରିବାର ସଦସ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ଏହି ମାମଲାରେ ଡାକ୍ତରଖାନାର ଅଧିକାରୀମାନେ କୌଣସି ପ୍ରତିକ୍ରିୟା ଦେଇ ନାହାନ୍ତି। କୁହାଯାଉଛି ଯେ ଶିଶୁର ଶବ ହସ୍ତାନ୍ତର କରିବାବେଳେ ଡାକ୍ତରଖାନା ପ୍ରଶାସନ କେବଳ ଶିଶୁର ପାଦ ଦେଖାଇଥିଲା। ସ୍ୱାସ୍ଥ୍ୟ କର୍ମଚାରୀମାନେ ଗୁପ୍ତରେ ନବଜାତ ଶିଶୁର ମୃତଦେହକୁ ଏକ କପଡ଼ାରେ ବାନ୍ଧି ସମ୍ପର୍କୀୟଙ୍କ ନିକଟରେ ଦେଇଥିଲେ।
ସମ୍ପର୍କୀୟମାନେ ଶିଶୁର ମୃତଦେହ ଦେଖିବା ମାତ୍ରେ ଆଶ୍ଚର୍ଯ୍ୟ ହୋଇଯାଇଥିଲେ। କାରଣ ନବଜାତ ଶିଶୁର ମୁଣ୍ଡ ତଣ୍ଟିରୁ ଅଲଗା ଥିଲା। ପିଲାଟି କିପରି ମରିଗଲା ତାହା ମଧ୍ୟ ଅଶିକ୍ଷିତ ସମ୍ପର୍କୀୟମାନେ ବୁଝିପାରି ନଥିଲେ। ଏହି ପ୍ରସଙ୍ଗରେ ଡାକ୍ତରଖାନା ଅଧିକାରୀ କହିଛନ୍ତି ଯେ ସମଗ୍ର ଘଟଣାର ତଦନ୍ତ ଚାଲିଛି। ଏହି ଅପରେସନରେ ଜଡିତ ଲୋକଙ୍କ ବୟାନ ନିଆଯାଉଛି। ତଦନ୍ତ ପରେ ହିଁ ସ୍ପଷ୍ଟ ହେବ ଯେ ନବଜାତ ଶିଶୁର କେତେବେଳେ ଓ କିପରି ମୃତ୍ୟୁ ହୋଇଥିଲା।
