Tripura Election 2023:ତ୍ରିପୁରା ଗଢ଼ିବ କି ବିଜେପି ସରକାର? ଆଜି ଦୁଇ ଦୁଇଟି ରାଲି ଦ୍ୱାରା ଶକ୍ତି ପ୍ରଦର୍ଶନ କରିବେ ନଡ୍ଡା
ନୂଆଦିଲ୍ଲୀ: ଭାରତୀୟ ଜନତା ପାର୍ଟି ସଭାପତି ଜେପି ନଡ୍ଡା ଆଜି ତ୍ରିପୁରା ଗସ୍ତରେ ଆସିଛନ୍ତି । ଯେଉଁଠାରେ ସେ ଦୁଇଟି ନିର୍ବାଚନ ସମାବେଶକୁ ସମ୍ବୋଧିତ କରିବେ। ତ୍ରିପୁରାର ଗଣମାଧ୍ୟମ ଦାୟିତ୍ୱରେ ଥିବା ପ୍ରଭାରୀ ସୂଚନା ଦେଇଛନ୍ତି ଯେ ବିଜେପି ଅଧ୍ୟକ୍ଷ କହିଛନ୍ତି ଯେ କୁମାରଗାଟ ଏବଂ ଅମରପୁରରେ ଦଳ ପ୍ରାର୍ଥୀଙ୍କ ସପକ୍ଷରେ ସମାବେଶ କରିବେ। ସୂଚନାମୁତାବକ ଫେବୃଆରୀ ୧୬ ରେ ୬୦ ସଦସ୍ୟ ବିଶିଷ୍ଟ ବିଧାନସଭା ପାଇଁ ତ୍ରିପୁରା ଗୋଟିଏ ପର୍ଯ୍ୟାୟରେ ମତଦାନ ହେବାକୁ ଯାଉଛି ।
ତ୍ରିପୁରା ନିର୍ବାଚନ ୨୦୨୩ ପାଇଁ ବିଜେପି ଆଇପିଏଫଟି ସହ ମିଳିତ ଭାବେ ତ୍ରିପୁରାରେ ନିର୍ବାଚନ ଲଡ଼ୁଛି। ଦଳ ନିଜର ସହଯୋଗୀ ଆଇପିଏଫଟି ପାଇଁ ପାଞ୍ଚଟି ସିଟ୍ ଛାଡିଥିବା ବେଳେ ୫୫ ଟି ସିଟ୍ ପାଇଁ ପ୍ରାର୍ଥୀ ଘୋଷଣା କରିଛି।
ଗଣମାଧ୍ୟମ ଦାୟିତ୍ୱରେ ଥିବା ଗଣମାଧ୍ୟମ ପ୍ରଭାରୀ କହିଛନ୍ତି ଯେ ବିଜେପି ଅଧ୍ୟକ୍ଷ ଜେପି ନଡ୍ଡା, କେନ୍ଦ୍ର ମନ୍ତ୍ରୀ ଅମିତ ଶାହା, ସ୍ମୃତି ଇରାନୀ, ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ୱ ଶର୍ମା , ବିରୋଧୀ ଦଳର ନେତା ଶୁଭେନ୍ଦୁ ଅଧିକାରୀ ରାଜ୍ୟରେ ବିଜେପି ପ୍ରାର୍ଥୀଙ୍କ ସପକ୍ଷରେ ପ୍ରଚାର କରିବେ। ଯଦି ଦଳ ସୂତ୍ରକୁ ବିଶ୍ୱାସ କରାଯାଏ ତେବେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଫେବୃଆରୀ ୭ ରୁ ରାଜ୍ୟରେ ନିର୍ବାଚନ ସମାବେଶକୁ ସମ୍ବୋଧିତ କରିବେ।
ତେବେ ଚଳିତ ଥର ତ୍ରିପୁରା ବିଧାନସଭା ନିର୍ବାଚନରେ ମମତା ବାନାର୍ଜୀଙ୍କ ଦଳ ଟିଏମସି ମଧ୍ୟ ମଇଦାନରେ ରହିଛି। ଏଥିପାଇଁ ଦଳ ଏହାର ୩୭ ଷ୍ଟାର ପ୍ରଚାରକଙ୍କୁ ଫିଲ୍ଡ କୁ ଓହ୍ଲାଇଛି। ଏଥି ସହିତ ଟିଏମସି ସାଂସଦ ଅଭିଷେକ ବାନାର୍ଜୀ ମଧ୍ୟ ଫେବୃଆରୀ ୬ ରେ ମତଦାନ ସୀମା ରାଜ୍ୟ ଗସ୍ତ କରିବାର ସମ୍ଭାବନା ରହିଛି। ଯଦି ପାର୍ଟି ସୂତ୍ରକୁ ବିଶ୍ୱାସ କରାଯାଏ, ତେବେ ଦଳ ପ୍ରାର୍ଥୀଙ୍କ ସମର୍ଥନରେ ସିଏମ ମମତା ମଧ୍ୟ ଏକ ରୋଡ୍ ସୋ କରିବେ । ଫେବୃଆରୀ୬ ରେ ଦଳ ପ୍ରାର୍ଥୀଙ୍କ ସମର୍ଥନରେ ଏକ ସମାବେଶକୁ ସମ୍ବୋଧିତ କରିବେ ସିଏମ ମମତା।
ଅନ୍ୟପକ୍ଷରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ, ଦଳର ବରିଷ୍ଠ ନେତା ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ, ମୁକୁଲ ୱାସନିକ ଏବଂ କନହେଁୟା କୁମାର ତ୍ରିପୁରାରେ ଦଳର ପ୍ରାର୍ଥୀଙ୍କ ପାଇଁ ପ୍ରଚାର କରିବେ।
