ବ୍ରିଟେନରେ ଖଲିସ୍ତାନୀମାନେ ତ୍ରିରଙ୍ଗାର କଲେ ଅପମାନ, ବ୍ରିଟିଶ କୂଟନୀତିଜ୍ଞଙ୍କୁ ଡକାଇ ଅସନ୍ତୋଷ ବ୍ୟକ୍ତ କଲା ଭାରତ
ନୂଆଦିଲ୍ଲୀ: ବ୍ରିଟେନର ରାଜଧାନୀ ଲଣ୍ଡନରେ ରବିବାର ଦିନ ଖଲିସ୍ତାନ ସମର୍ଥକମାନେ ଭାରତୀୟ ଉଚ୍ଚ ଆୟୋଗରେ ଥିବା ତ୍ରିରଙ୍ଗାକୁ ବାହାର କରି ଖାଲିସ୍ତାନ ପତାକା ଉଡାଇଛନ୍ତି। ପଞ୍ଜାବରେ ଅମୃତପାଲ ସିଂଙ୍କୁ ଗିରଫ କରିବା ପାଇଁ ନିଆଯାଇଥିବା ପଦକ୍ଷେପ ବିରୋଧରେ ଏହି କାଣ୍ଡ ଭିଆଇଥିବା କୁହାଯାଇଥିଲା। ଏ ସମ୍ପର୍କରେ ବୈଦେଶିକ ବ୍ୟାପାର ମନ୍ତ୍ରଣାଳୟ ଦିଲ୍ଲୀର ବ୍ରିଟେନର ବରିଷ୍ଠ କୂଟନୀତିଜ୍ଞଙ୍କୁ ନୋଟିସ କରିଛି। ଭାରତରେ ବ୍ରିଟେନର ହାଇ କମିଶନର ଟ୍ୱିଟ୍ କରି ଏହି ଘଟଣାକୁ ନିନ୍ଦା କରିଛନ୍ତି।
ଅମୃତପାଲ ସିଂ ବିରୋଧରେ ପୋଲିସର କାର୍ଯ୍ୟାନୁଷ୍ଠାନକୁ ବିରୋଧ କରି କିଛି ଖଲିସ୍ତାନ ସମର୍ଥକ ରବିବାର ଦିନ ଭାରତୀୟ ଉଚ୍ଚ ଆୟୋଗରେ ତ୍ରିରଙ୍ଗାକୁ ତଳେ ପକାଇ ଖାଲିସ୍ତାନୀ ପତାକା ଉଡାଇଥିଲେ। ସୋସିଆଲ ମିଡିଆରେ ସେୟାର କରାଯାଇଥିବା ଭିଡିଓରେ ଏହି ଲୋକମାନେ ‘ଖଲିସ୍ତାନ ଜିନ୍ଦବାଦ’ ସ୍ଲୋଗାନ ଦେବା ସହିତ ଭାରତ ସରକାରଙ୍କୁ ନିନ୍ଦା କରୁଥିବା ସ୍ଲୋଗାନ ମଧ୍ୟ ଶୁଣିବାକୁ ମିଳୁଛି। ଏହି ଲୋକମାନେ ଖାଲିସ୍ତାନ ସମର୍ଥକ ଅମୃତପାଲ ସିଂଙ୍କ ପୋଷ୍ଟରକୁ ହଲାଇ ତାଙ୍କ ସମର୍ଥନରେ ସ୍ୱର ଉତ୍ତୋଳନ କରିଥିଲେ।
UK 🚨: BUNCH OF KHALISTANIS TAKE DOWN INDIAN NATIONAL FLAG AT THE INDIAN HIGH COMMISSION. #Khalistan #Punjab #AmritpalSingh #India pic.twitter.com/7rfuAAcqkf
— Arunima Dey (@ArunimaDey17) March 19, 2023
ଏହି ଘଟଣା ପରେ ବୈଦେଶିକ ମନ୍ତ୍ରଣାଳୟ ବିବୃତ୍ତି ଜାରି କରି କହିଛି ଯେ ବ୍ରିଟିଶ ସୁରକ୍ଷା ପ୍ରତି ଅବହେଳା ଏବଂ ଏହି ଉଗ୍ରବାଦୀମାନଙ୍କୁ ହାଇ କମିଶନ ପରିସରରେ କିପରି ପ୍ରବେଶ କରିବାକୁ ଅନୁମତି ଦିଆଗଲା? ଏଥିପାଇଁ ବ୍ରିଟେନର କୂଟନୀତିଜ୍ଞଙ୍କୁ କଡା ଭାଷାରେ ପ୍ରଶ୍ନ କରିଛି। ଏଭଳି ଘଟିବା ସମୟରେ ସେଠାରେ ଆଦୌ ବ୍ରିଟିଶ ସୁରକ୍ଷା କାହିଁକି ନଥିଲା? ଭିଏନା ସମ୍ମିଳନୀ ଅନୁଯାୟୀ ସୁରକ୍ଷା ହେଉଛି ବ୍ରିଟେନର ଦାୟିତ୍ୱ ଅଟେ। ଏହି ପ୍ରକାର ଅବହେଳା ଆଦୌ ଗ୍ରହଣୀୟ ନୁହେଁ। ବ୍ରିଟେନ ସରକାର ତୁରନ୍ତ ଅଭିଯୁକ୍ତକୁ ଚିହ୍ନଟ କରି ଗିରଫ କରିବେ ଏବଂ ଆଜିର ଘଟଣାରେ ସମ୍ପୃକ୍ତ ଥିବା ଅନ୍ୟ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ଆଶା କରାଯାଉଛି। ଏବଂ ଏପରି ବ୍ୟବସ୍ଥା କର ଯେ ଏପରି ଘଟଣା ଆଉ ପୁନରାବୃତ୍ତି ନହୁଏ ବୋଲି କୁହାଯାଇଛି।
India lodges strong protest with UK.
Press Release ➡️ https://t.co/Apz9tgy1Ki pic.twitter.com/PV2VyUw1Lt
— Arindam Bagchi (@MEAIndia) March 19, 2023
