କନଷ୍ଟେବଳ ପରୀକ୍ଷାରେ ପ୍ରଶ୍ନପତ୍ର ଲିକ୍ ମାମଲା ଉପରେ ଜବାବ ରଖିଲା ୟୁପି ପୋଲିସ ବୋର୍ଡ
ଲକ୍ଷ୍ନୌ: କନଷ୍ଟେବଳ ପରୀକ୍ଷାରେ ପ୍ରଶ୍ନପତ୍ର ଲିକ୍ ଖବର ଉପରେ ଜବାବ ରଖିଲା ୟୁପି ପୋଲିସ ବୋର୍ଡ । ଉତ୍ତରପ୍ରଦେଶ ପୋଲିସ ବିଭାଗ ୬୦୨୪୪ କନଷ୍ଟେବଳ ପଦବୀ ଲାଗି ବିଜ୍ଞାପନ ଦେଇଥିଲା, ଯେଉଁଥିପାଇଁ ଫେବୃଆରୀ ୧୭-୧୮ ତାରିଖରେ ଲିଖିତ ପରୀକ୍ଷା ଅନୁଷ୍ଠିତ ହୋଇଥିଲା । ପରୀକ୍ଷା ପରେ ଅନେକ ଜିଲ୍ଲାରୁ ଏଭଳି ରିପୋର୍ଟ ସାମ୍ନାକୁ ଆସିବା ଆରମ୍ଭ ହୋଇଥିଲା ଯେ ଏହି ପରୀକ୍ଷାର ପ୍ରଶ୍ନପତ୍ର ଲିକ୍ ହୋଇଛି । ତେବେ ଏଭଳି ଦାବିର ଯାଞ୍ଚ ହୋଇପାରିନାହିଁ । ଯାହାକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଆରମ୍ଭ ହୋଇଛି ।
ଏବେ ଏହି ପ୍ରସଙ୍ଗରେ ୟୁପି ପୋଲିସ ରିକ୍ରୁଟମେଣ୍ଟ ବୋର୍ଡ କହିଛି ଯେ ପୋଲିସ ସହାୟତାରେ ଏଭଳି ଦାବିର ତଦନ୍ତ କରାଯିବ । ବୋର୍ଡ ଦ୍ୱାରା ପରିଚାଳିତ ପ୍ରତ୍ୟେକ ପରୀକ୍ଷାରେ ସ୍ୱଚ୍ଛତା ଏବଂ ପବିତ୍ରତା ବଜାୟ ରଖିବା ପାଇଁ ବୋର୍ଡ ସର୍ବଦା ପ୍ରତିଶ୍ରୁତିବଦ୍ଧ । ବଡ଼ ସ୍ତରରେ ସଫଳ ପରୀକ୍ଷା ସରିବା ପରେ ଯେଉଁ ଅସତ୍ୟ ଖବର ପ୍ରସାରିତ ହେଉଛି ତାହାକୁ ୟୁପି ପୋଲିସ ସହାୟତାରେ ବୋର୍ଡ ତରଫରୁ ଯାଞ୍ଚ କରାଯିବ । ପ୍ରାର୍ଥୀଙ୍କୁ ନିଶ୍ଚିତ କରାଯିବା ଦରକାର ।
बोर्ड द्वारा अपनी प्रत्येक परीक्षा की पारदर्शिता और शुचिता को बनाए रखने हेतु सदैव कटिबद्ध है। बृहद स्तर पर परीक्षा के सकुशल संपन्न होने के पश्चात ट्रेंड कराई जा रही असत्यापित खबरों को बोर्ड द्वारा गहनता से @uppolice की सहायता से सत्यापित कराई जाएगी।
अभ्यर्थी आश्वस्त रहें।— Uttar Pradesh Police Recruitment & Promotion Board (@upprpb) February 18, 2024
ୟୁପି ପୋଲିସ କହିଛି ଯେ ଗତ ତିନି ଦିନ ମଧ୍ୟରେ ୨୪୪ ଜଣଙ୍କୁ ଗିରଫ କରାଯାଇଛି, ଏହି ଲୋକମାନେ ଜାଲିଆତି କରି ପରୀକ୍ଷା ଦେଇଥିବା ଅଭିଯୋଗ ହୋଇଛି । ଫେବୃଆରୀ ୧୫ରୁ ୧୮ ମଧ୍ୟରେ ଏହି ଗିରଫଦାରୀ ହୋଇଥିବା ୟୁପି ପୋଲିସ କହିଛି ।
