ଭୟଙ୍କର ସଡ଼କ ଦୁର୍ଘଟଣା, ଗୋଟିଏ ପରିବାରର ୫ ଲୋକଙ୍କ ମୃତ୍ୟୁ, ୫ ଆହତ

ନୂଆଦିଲ୍ଲୀ: ଉତ୍ତର ପ୍ରଦେଶର ଶାହଜହାଂପୁରର ମଦନାପୁର ଅଞ୍ଚଳରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ଶାହଜହାଂପୁରରୁ ଦିଲ୍ଲୀ ଯାଉଥିବା କାର୍ ଏବଂ ଟ୍ରକର ଧକ୍କା ହୋଇଥିଲା । ଯେଉଁଥିରେ ଗୋଟିଏ ପରିବାରର ୫ଜଣଙ୍କ ମୃତ୍ୟୁ ହୋଇଯାଇଛି । ଏହି ଦୁର୍ଘଟଣାରେ ଦୁଇ ଜଣ ଶିଶୁ ଗୁରୁତର ଭାବେ ଆହତ ହୋଇଛନ୍ତି । ସୂଚନା ମୁତାବକ, ଏହି ଦୁର୍ଘଟଣାରେ ମୃତକଙ୍କ ମଧ୍ୟରେ ଦୁଇ ଜଣ ମହିଳା, ଦୁଇ ଶିଶୁ ଏବଂ ଜଣେ ପୁରୁଷ ଅଛନ୍ତି । ଏହି ଧକ୍କାରେ ପୁରା ପରିବାରର ମୃତ୍ୟୁ ଘଟିଛି ।

ଏହି ମର୍ମନ୍ତୁଦ ଦୁର୍ଘଟଣା ମଦନାପୁର ଅଞ୍ଚଳରେ ଘଟିଛି । ରିପୋର୍ଟ ମୁତାବକ, ଦ୍ରୁତଗତିରେ ଆସୁଥିବା ଟ୍ରକ କାରକୁ ଅଧିକ ଜୋରରେ ଧକ୍କା ଦେଇଥିଲା । ଯେଉଁ କାରଣରୁ କାର ସଂପୂର୍ଣ୍ଣ ଭାବେ ଭାଙ୍ଗିଯାଇଛି । କାଣ୍ଟ ଅଞ୍ଚଳର ନିବାସୀ ରିୟାସତ ଅଲ୍ଲୀଙ୍କ ପରିବାର ଏହି କାରରେ ଯାତ୍ରା କରୁଥିଲେ । ଏହି ଦୁର୍ଘଟଣାରେ ପରିବାରର ୫ଜଣଙ୍କ ମୃତ୍ୟୁ ଘଟିଛି । ସେହିପରି ଦୁର୍ଘଟଣାରେ ୫ ଜଣ ଗୁରୁତର ଭାବେ ଆହତ ହୋଇଛନ୍ତି । ଆହତଙ୍କୁ ମେଡିକାଲ କଲେଜରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।