ଭାରତ ଉପରେ କ୍ରୋଧ ପ୍ରକାଶ କଲା ଆମେରିକା, ବ୍ୟାନ ହେଲା ଇଣ୍ଡିଆର ଅନେକ କମ୍ପାନୀ, ଜାଣନ୍ତୁ କାରଣ
ନୂଆଦିଲ୍ଲୀ: ଇରାନ ପାଇଁ କାମ କରିବା ଅଭିଯୋଗରେ ଆମେରିକା ଅନେକ କମ୍ପାନୀ ଉପରେ ପ୍ରତିବନ୍ଧକ ଲଗାଇଛି । ଏମାନଙ୍କ ଉପରେ ଅଭିଯୋଗ ଅଛି ଯେ, ଏହି ସମସ୍ତେ ଇରାନର ସେନା ପାଇଁ କାମ କରୁଥିଲେ । ଏହି କମ୍ପାନୀମାନ ଆମେରିକାରେ ଅବୈଧ ବ୍ୟପାର ଏବଂ ଟ୍ରାନ୍ସଫର କରିବାରେ ଇରାନର ସାହାଯ୍ୟ କରୁଥିଲା, ଯେଉଁ କମ୍ପାନୀମାନଙ୍କ ଉପରେ ପ୍ରତିବନ୍ଧକ ଲଗାଯାଇଛି ସେଥରୁ କିଛି ଭାରତର ମଧ୍ୟ ଅଛନ୍ତି । ୨୫ ଏପ୍ରିଲରେ ଆମେରିକା ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ଆମେରିକା ଟ୍ରେଜରୀ ବିଭାଗର କହିବାନୁଯାୟୀ, ଏହି କମ୍ପାନୀମାନେ ୟୁକ୍ରେନରେ ଇରାନର ମାନବ ବିହୀନ ଯାନର ଗୁପ୍ତ ବିକ୍ରିକୁ ସହଜ କରିବା ସହ ଫାଇନାନ୍ସ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି । ଅଭିଯୋଗ ରହିଛି ଯେ, ଇରାନର ରକ୍ଷା ଏବଂ ସଶସ୍ତ୍ର ବାହିନୀର ଲଜିଷ୍ଟିକ୍ସ ମନ୍ତ୍ରଣାଳୟ ପାଇଁ କରାଯାଇଥିଲା, ଯିଏ ନିଜେ ଇସଲାମିକ ରିଭୋଲୁସନାରୀ ଗାର୍ଡ କର୍ପସ ଏବଂ ୟୁକ୍ରେନରେ ରୁସର ଯୁଦ୍ଧର ସମର୍ଥନ କରିଥାଏ ।
ଏହି ସମସ୍ତ କାମ ପଛରେ ସାହାରା ଥଣ୍ଡର କମ୍ପାନୀର ନାମ ସାମ୍ନାକୁ ଆସିଛି । ଏହି କମ୍ପାନୀ ଇରାନର ରକ୍ଷା ଏବଂ ସଶସ୍ତ୍ର ବାହିନୀ ରସଦ ମନ୍ତ୍ରଣାଳୟର ଅଣ୍ଡରରେ କାମ କରେ ଏବଂ ତା’ର ବ୍ୟବସାୟିକ ଗତିବିଧିମାନ ମଧ୍ୟ ଦେଖାରଖା କରିଥାଏ । ଆମେରିକା ଟ୍ରେଜରୀ ବିଭାଗର କହିବାନୁଯାୟୀ, ସହାରା ଥଣ୍ଡର ଚୀନ, ରୁଷ ସମେତ ଅନେକ ଦେଶରେ ଇରାନ ବସ୍ତୁମାନର ବିକ୍ରି ଏବଂ ସିପମେଣ୍ଟରେ ମଧ୍ୟ ସାମିଲ ଥିଲା । ସାହାରା ଥଣ୍ଡରର ସମର୍ଥନ କରିବା ଲାଗି ୩ ଭାରତୀୟ କମ୍ପାନୀମାନ ଉପରେ ପ୍ରତିବନ୍ଧ ଲଗାଯାଇଛି । ଏଥିରେ ଜେନ ସିପିଙ୍ଗ, ପୋର୍ଟ ଇଣ୍ଡିଆ ପ୍ରାଇଭେଟ ଲିମିଟେଡ ଏବଂ ସି ଆର୍ଟ ଶିପ ମ୍ୟାନେଜମେଣ୍ଟ ପ୍ରାଇଭେଟ ଲିମିଟେଡ ସାମିଲ ରହିଛି ।
