(Video) ଭୁଲରେ ୟୁକ୍ରେନ ରାଷ୍ଟ୍ରପତି ଜେଲେନସ୍କିଙ୍କୁ ଭ୍ଲାଦିମିର ପୁଟିନ କହିଲେ ଜୋ ବାଇଡେନ , ଭିଡିଓ ଭାଇରାଲ

ନୂଆଦିଲ୍ଲୀ: ଉତ୍ତର ଆଟଲାଣ୍ଟିକ୍ ଚୁକ୍ତି ସଂଗଠନ (ନାଟୋ)ର ଶିଖର ସମ୍ମେଳନରେ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ପାଟିରୁ ନାମ ଉଚାରଣ ଭୁଲରେ ବାହାରିଯାଇଛି। ଲିଥୁଆନିୟା ଦେଶର ରାଜଧାନୀ ବିନିୟମରେ ଏକ ପ୍ରେସ କନଫରେନ୍ସକୁ ସମ୍ବୋଧିତ କରି ବାଇଡେନ ୟୁକ୍ରେନର ରାଷ୍ଟ୍ରପତି ବୋଲୋଡିମିର ଜେଲେନସ୍କିଙ୍କୁ ରୁଷର ରାଷ୍ଟ୍ରପତି କହିଥିଲେ। ହେଲେ ସେ ସଙ୍ଗେ ସଙ୍ଗେ ନିଜ ଭୁଲକୁ ସୁଧାରିଥିଲେ।

ପ୍ରେସ କନଫ୍ରେନ୍ସରେ ଆମେରିକା ରାଷ୍ଟ୍ରପତି କହିଛନ୍ତି ଯେ, ‘ ଭ୍ଲାଦିମିର ଏବଂ ମୁଁ, ଆମକୁ ଏତେ ଘନିଷ୍ଠ ହେବା କଥା ନୁହେଁ। ଏହି ଘଟଣାର ଭିଡିଓ ମଧ୍ୟ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ପିୟର୍ସ ମାର୍ଗନ ନାମକ ଟ୍ୱିଟର ଆକାଉଣ୍ଟରୁ ଏହି ଭିଡିଓ ପୋଷ୍ଟ କରାଯାଇ ଜୋ ବାଇଡେନଙ୍କ ଭୁଲକୁ ଦର୍ଶାଯାଇଛି । ଏହି ଟ୍ୱିଟରେ ଜଣେ ପ୍ରତିକ୍ରିୟା ଦେଇଛନ୍ତି ଯେ, ଏହା ବିଲକୁଲ ଅବିଶ୍ୱସନୀୟ ଅଟେ । ଅନ୍ୟ ଜଣେ ଲେଖିଛନ୍ତି ଯେ, ବର୍ତ୍ତମାନ ଏହି ବୃଦ୍ଧ ବ୍ୟକ୍ତି ବିଶ୍ରାମ ନେବା ଉଚିତ । ଦେଖିବାକୁ ଗଲେ ୟୁକ୍ରେନ ରାଷ୍ଟ୍ରପତିଙ୍କ ପୂରା ନାମ ବୋଲୋଡିମିର ଜେଲେନସ୍କି ଅଟେ, ସେହିପରି ରୂଷର ରାଷ୍ଟ୍ରପତିଙ୍କ ନାମ ଭ୍ଲାଦିମିର ପୁଟିନ ଅଟେ । ତେଣୂ ଦୁଇଜଣଙ୍କ ନାମ ପ୍ରଥମରୁ ସମାନ ଅଟେ, ଯେଉଁ କାରଣରୁ ଲୋକେ ତାଙ୍କ ନାମ ଧରିବାରେ ତ୍ରୁଟି କରୁଛନ୍ତି । ସେହିପରି ବାଇଡେନଙ୍କ ସହ ମଧ୍ୟ ହୋଇଛି ।

Biden calls Zelensky ‘Vladimir’ . 🙈pic.twitter.com/2PpQ7kSdSI

— Piers Morgan (@piersmorgan) July 12, 2023

ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ବଢୁଥିବା ବୟସ ବର୍ତ୍ତମାନ ଏକ ସମସ୍ୟା ପାଲଟିଛି। ଗତ ମାସରେ, ବାଇଡେନ ନିଜର ଭାରସାମ୍ୟ ହରାଇ ଏକ କାର୍ଯ୍ୟକ୍ରମରେ ଯୋଗଦେବାକୁ ଆସିବା ପରେ ମଞ୍ଚ ଉପରେ ପଡ଼ିଯାଇଥିଲେ। ବାସ୍ତବରେ, ସେତେବେଳେ ବାଇଡେନ ଆମେରିକାର ବାୟୁସେନା ଏକାଡେମୀର ସ୍ନାତକୋତ୍ତର ସମାରୋହରେ ଯୋଗଦେବା ପାଇଁ କଲରାଡୋରେ ପହଞ୍ଚିଥିଲେ । ବଡ କଥା ହେଉଛି ବାଇଡେନ ଅଧିକ ଆଘାତ ପାଇନାହାଁନ୍ତି। ଏହି ଘଟଣାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଛି।